Funny Video: ‘పగవాడికి కూడా రాని కష్టం ఇది’.. నెటిజన్లకు చెప్పి ఏడుస్తున్న చిన్నారి.. అసలు విషయం ఏమిటంటే..?
ఓ చిన్నారికి వచ్చిన కష్టాన్ని చూసి నెటిజన్లు ఏం చేయాలో తెలియక తికమకపడిపోతున్నారు కూడా. అసలు ఆ వీడియోలో ఏం ఉందంటే..
Updated on: Mar 10, 2023 | 8:05 PM
అందరికీ అందుబాటులోకి వచ్చిన సోషల్ మీడియాలో.. అందరిలో ఫేమస్ కావాలని చాలా మంది ఏవేవో ప్రయత్నాలు చేస్తున్నారు. ఈ విషయంలో చిన్నాపెద్దా అని మినహాయింపు లేనే లేదు. ఆరేళ్ల పిల్లవాడి నుంచి మొదలుకొని ఆరవై ఏళ్ళ వయసున్నవారి వరకు అందరిదీ ఇదే తరహా అలోచన. ఈ క్రమంలోనే ఓ చిన్నారి చేసిన ప్రయత్నం ప్రస్తుతం నెట్టింట వైరల్గా మారింది. ఆ చిన్నారికి వచ్చిన కష్టాన్ని చూసి నెటిజన్లు ఏం చేయాలో తెలియక తికమకపడిపోతున్నారు కూడా. అసలు ఆ వీడియోలో ఏం ఉందంటే ఆ చిన్నారి ఓ దువ్వెనతో తన జుట్టును దువ్వుకుంటుంది. అంతేనా..? అయితే జుట్టును దువ్వుతున్న క్రమంలో వెంట్రుకలకు చిక్కుపడిపోయిందని ఆ చిన్నారి ఏడుస్తూ తన గోడును నెటిజన్లకు షేర్ చేసుకుంది. దీంతో ఆ వీడియో కాస్త నెట్టింట తెగ హల్చల్ చేస్తోంది.
blackie_memeash అనే ఇన్స్టాగ్రామ్ ఖాతా నుంచి షేర్ అయిన ఈ వీడియోలో ఆ చిన్నారి తలలో దువ్వెన చిక్కుపడి ఉండడాన్ని మనం చూడవచ్చు. ఇంకా అందుకు ఆమె ‘మిత్రులారా.. చూడండి నా వెంట్రుకలలో దువ్వెన చిక్కుకుపోయింది. చాలా నొప్పిగా ఉంది’ అంటూ తన కష్టాన్ని నెటిజన్లతో విన్నవించుకుని ఏడుస్తోంది. దీంతో ఈ వీడియోను చూసిన నెటిజన్లు.. ఆ చిన్నారి కష్టంపై ఎలా స్పందించాలో కూడా తెలియక అయోమయ స్థితిలో ఉన్నట్లుగా కామెంట్ చేస్తున్నారు.
View this post on Instagram
కాగా, ‘Tag your bestie ??’ అనే క్యాప్షన్తో నెట్టింట హల్చల్ చేస్తున్న ఈ వీడియోకు ఇప్పటివరకు దాదాపు 72 లక్షల వీక్షణలు.. అలాగే 3వ లక్షల 80 వేలకు పైగా లైకులు వచ్చాయి. మరో వైపు ఈ వీడియోను చూసిన నెటిజన్లు వింత వింత కామెంట్లతో స్పందిస్తున్నారు. ఈ క్రమంలోనే ఓ నెటిజన్ ‘అమ్మ దగ్గరకు వెళ్లు. ఒక్కటి కొట్టగానే అంతా సరైపోతుంది’ అని రాసుకువచ్చారు. మరో నెటిజన్ ‘ఒకప్పుడు నాకు కూడా అలాంటి కష్టం వచ్చి పడింది. అయితే నిదానంగా ఆ సమస్య నుంచి బయటపడ్డాను’ అని కామెంట్ చేశారు. ఇదే తరహాలో ఇంకో నెటిజన్ అయితే ‘పగవాడికి కూడా రాని కష్టం ఇది. ఆ చిన్నారికి చాలా నొప్పిగా ఉంది మిత్రులారా.. వెంటనే వీడియోను లైక్ చేసి, ఆమెను ఫాల్లో అవ్వండి’ అని కామెంట్ చేశారు. ఇలా నెటిజన్లు వారి వారి స్పందనలను కామెంట్ల ద్వారా తెలియజేస్తున్నారు.
మరిన్ని ట్రెండింగ్ వార్తల కోసం క్లిక్ చేయండి..
