Watch: ఇదేం క్రూరమైన వంటకం రా సామీ.. మామిడితో ఆమ్లెట్..! ఈ హింస మాకొద్దంటున్న నెటిజన్లు..
ఒక వినియోగదారు వ్యాఖ్యానిస్తూ, మీ వంటకంలో మామిడి ఏడుస్తోంది' అని రాశారు. మరొక వినియోగదారు, మీరెందుకు ఇలాంటి క్రూరమైన వంటకాలు చేస్తున్నారు అని రాయగా, మరోకరు మాత్రం ఈ హింసను ఇక ఆపేయండి అంటూ కామెంట్‌ చేశారు. మరొక వినియోగదారు.. 'దయచేసి మామిడి రసాన్ని పాడుచేయవద్దు' అని రాశారు.
వేసవి వచ్చిందంటే మార్కెట్లోకి పండ్లలో రారాజు మామిడి వచ్చేస్తుంది. చాలా మందికి మామిడి పండ్లంటే పట్టలేనంత ఇష్టం ఉంటుంది. అయితే, కొందరు మామిడిని యధాతథంగా తినడానికి ఇష్టపడతారు. మరికొందరు మామిడితో రకరకాల ప్రయోగాలు చేస్తుంటారు. అలా తయారు చేసుకున్నే మామిడి స్పెషల్‌ వంటకాలను చాలా మంది ఇష్టపడతారు. పుల్లపుల్లగా, తీయతీయగా రుచి తగిలే మామిడి కాయలను నచ్చినట్టుగా తింటే ఆ రుచే వేరు. తినే కొద్దీ మళ్లీ మళ్లీ తినాలనిపిస్తుంది. మామిడి కాయల్లో ఎన్నో పోషకాలు ఉన్నాయి. వాటితో వండిన వంటకాలు తినడం వల్ల ఎన్నో ఆరోగ్య ప్రయోజనాలు కూడా ఉంటాయి. అయితే, మామిడి పండ్లతో తయారు చేసిన ఒక విచిత్ర వంటకం సోషల్ మీడియాలో వైరల్‌గా మారింది. కావాలంటే ఇక్కడ వీడియోని చూడండి. నెవ్వర్ బిఫోర్, ఎవర్ ఆఫ్టర్ అని మీరే అంటారు. పండ్లలో రారాజు అయిన మామిడి పండుతో తయారు చేసిన మ్యాంగో పానీ పూరీ, మ్యాంగో పిజ్జా వంటి విచిత్రమైన ఆహార పదార్థాలను ఇప్పటికే నెటిజన్లు ఆస్వాదించారు. ఈ క్రమంలోనే ప్రస్తుతం మ్యాంగో ఆమ్లెట్ వీడియో సోషల్ మీడియాలో చర్చనీయాంశమైంది. ఈ వీడియో చూసి చాలా మంది షాక్ అవ్వడంతోపాటు మరికొందరు ఆగ్రహం వ్యక్తం చేస్తున్నారు.
సాధారణంగా చాలామంది గుడ్డుతో చేసిన వంటలను ఇష్టపడతారు. అలాగే ఆమ్లెట్ కూడా అందరికీ ఇష్టమైనది. మరోవైపు, మామిడి చాలా ప్రత్యేకమైన వేసవి పండు ప్రతి ఒక్కరూ ఇష్టపడతారు. ఈ రెండింటీతో కలిసి ఒక స్ట్రీట్ ఫుడ్ విక్రేత ఆమ్లెట్ తయారు చేయడం ఇప్పుడు తీవ్ర చర్చకు దారితీసింది. ఈ వింత ప్రయోగానికి సంబంధించిన వీడియో ఇప్పుడు వైరల్‌గా మారింది. thegreatindianfoodie అనే ఇన్‌స్టాగ్రామ్ పేజీలో షేర్ చేశారు. ఈ వీడియోలో విక్రేత మొదట వేడి పాన్‌పై నూనె పోసి, వేయించడానికి రెండు గుడ్లను పగులగొట్టి పోశాడు. వాటిని ఆఫ్‌ బాయిల్ అవగానే పక్కకు తీసేసుకున్నాడు. ఆ తర్వాత ఉడకబెట్టిన గుడ్డులోని పచ్చసొనలు రెండు పాన్‌మీద వేశాడు. మిరపకాయలు, మసాలా దినుసులు అన్నీ వేసి కలుపుతాడు. అందులో మామిడి రసాన్ని కూడా కలిపాడు. కాసేపు ఫ్రైలాగా చేశాడు.. ఇది సిద్ధంగా ఉన్నప్పుడు, అతను ముందుగా తయారు చేసిన ఆమ్లెట్ మీద ఈ మొత్తం మిశ్రమాన్ని పోశాడు.. ఆగండి ఆగండి.. అప్పుడే రెసిపీ పూర్తవలేదు.. అదనంగా ఆ ఆమ్లెట్‌కు అతను ఉడికించిన గుడ్లను సుగంధ ద్రవ్యాలు, మామిడి రసంతో కలిపి సర్వ్‌ చేశాడు.
View this post on Instagram
ఈ వీడియో చూసి అందరూ షాక్ అవుతున్నారు. ఈ వీడియోను ఇప్పటికే 822,000 కంటే ఎక్కువ మంది వీక్షించారు. వేల సంఖ్యలో లైకులు, కామెంట్లు చేసారు. వీడియో చూసిన తర్వాత యూజర్లు అద్భుతమైన కామెంట్స్ చేయడం కనిపించింది. ఒక వినియోగదారు వ్యాఖ్యానిస్తూ, మీ వంటకంలో మామిడి ఏడుస్తోంది’ అని రాశారు. మరొక వినియోగదారు, మీరెందుకు ఇలాంటి క్రూరమైన వంటకాలు చేస్తున్నారు అని రాయగా, మరోకరు మాత్రం ఈ హింసను ఇక ఆపేయండి అంటూ కామెంట్‌ చేవారు. మరొక వినియోగదారు.. ‘దయచేసి మామిడి రసాన్ని పాడుచేయవద్దు’ అని రాశారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి..
