Viral Video: ఒకరికి సహాయం చేస్తే మనకు కూడా మంచే జరుగుతుంది.. దానికి నిదర్శనమే ఈ వీడియో..

మీరు ఎవరికైనా మంచి చేసినా లేదా మంచి చేయడానికి ప్రయత్నించినా అది మీకు తిరిగి లాభాలను తెచ్చిపెడుతుంది. ప్రస్తుతం సోషల్ మీడియాలో ఇలాంటి ఓ వీడియో వైరల్ అవుతోంది..

Couple Goes

Sanjay Kasula |
Updated on: Dec 07, 2021 | 3:05 PM

మీరు ఎవరికైనా మంచి చేసినా లేదా మంచి చేయడానికి ప్రయత్నించినా అది మీకు తిరిగి లాభాలను తెచ్చిపెడుతుంది. ప్రస్తుతం సోషల్ మీడియాలో ఇలాంటి ఓ వీడియో వైరల్ అవుతోంది. ఇది మిమ్మల్ని ఆశ్చర్యపరుస్తుంది. వైరల్ అయిన వీడియోలో ఒక జంట.. ఓ వృద్ధ మహిళకు సహాయం చేస్తారు. ఆ జంట సహాయం కోసం ఆమె వద్దకు చేరుకున్నారు. కానీ అంతకు ముందు జంట వాదులాడుకుంటారు. వృద్ధ మహిళను పట్టించుకోలేదు. మీరు వీడియోలో చూస్తున్నట్లుగా.. కర్రతో నడుస్తున్న ఒక వృద్ధ మహిళ తన చేతిలో కూరగాయల బ్యాగ్‌ను పట్టుకుని రోడ్డు దాటుతుండగా క్రింద పడిపోతుంది. వీధిలో ఉన్న కూరగాయలన్నింటినీ చెల్లాచెదురుగా పడిపోతాయి.

అదే సమయంలో కొంత దూరంలో ఓ దంపతులు ఏదో విషయమై గొడవ పడుతున్నారు. ఆ యువతి దృష్టి వృద్ధురాలిపైకి వెళుతుంది. ఆమె వృద్ధురాలికి సహాయం చేయడానికి ప్రయత్నిస్తుంది. అయితే కొద్దిసేపటి తర్వాత అమ్మాయి అబ్బాయికి చేయి విదిలించి ఈ వృద్ధురాలికి సహాయం చేస్తుంది. ఇది చూసి అతను కూడా ఆ అమ్మాయిని రోడ్డు మీద అనుసరిస్తాడు. అదే సమయంలో వారు నిలబడి ఉన్న స్తంభంపైనుంచి ఒక పెద్ద బ్యానర్ బాక్స్ పడిపోతుంది. అదృష్టవశాత్తూ అతడికి ఎలాంటి ప్రమాదం జరగలేదు. తన తప్పును తెలుసుకుని అమ్మమ్మ తలపై ముద్దు పెట్టుకుంటాడు.

ఈ అద్భుతమైన వీడియోను ఐఎఎస్ అధికారి అవనీష్ శరణ్ ట్విట్టర్‌లో పంచుకున్నారు, “ఎవరికైనా మంచి చేయండి, ప్రతిఫలంగా మీరు మంచి పొందుతారు” అని క్యాప్షన్‌లో రాశారు. ఈ వీడియోకి ఇప్పటివరకు 28,000 మంది వీక్షణలు వచ్చాయి, 3,000 మందికి పైగా వీడియోను లైక్ చేసారు. అలాగే ఈ వీడియోపై పలువురు గొప్ప కామెంట్లు చేశారు. ఒక వినియోగదారు, ‘మంచితనం లేదా పరోపకారం ఎప్పుడూ వ్యర్థం కాదు’ అని రాస్తే, మరొక వినియోగదారు ‘అందుకే పేదవాడికి సకాలంలో సహాయం చేయాలి’ అని రాశారు.