Crime News: గర్ల్‌ఫ్రెండ్‌తో గొడవ.. వీడియో కాల్ మాట్లాడుతూనే నదిలో దూకిన యువకుడు..
Man jumps into river: క్షణికావేశంలో కొంతమంది తమ ప్రాణాలను తీసుకుంటున్నారు. తాజాగా పశ్చిమ బెంగాల్ షాకింగ్ సంఘటన వెలుగులోకి వచ్చింది. గర్ల్ ఫ్రెండ్‌తో వివాదం జరగడంతో
Updated on: Dec 07, 2021 | 7:08 AM
Man jumps into river: క్షణికావేశంలో కొంతమంది తమ ప్రాణాలను తీసుకుంటున్నారు. తాజాగా పశ్చిమ బెంగాల్ షాకింగ్ సంఘటన వెలుగులోకి వచ్చింది. గర్ల్ ఫ్రెండ్‌తో వివాదం జరగడంతో ఓ యువకుడు ప్రాణాలు తీసుకున్నాడు. వీడియో కాల్ చేసి మాట్లాడుతూ.. ఉన్నట్టుండి నదిలోకి దూకాడు. ఈ షాకింగ్ ఘటన బెంగాల్‌లోని జల్పాయిగుడి జిల్లాలో జరిగింది. రాణినగర్‌ బీఎస్‌ఎఫ్‌ క్యాంపు ప్రాంతంలో 29 ఏళ్ల యువకుడు వీడియో కాల్ మాట్లాడుతూ.. వంతెన పైనుంచి నదిలోకి దూకాడని జల్పాయిగుడి పోలీసులు తెలిపారు. ఆదివారం రాత్రి ఈ దుర్ఘటన జరిగిందని పోలీసులు వెల్లడించారు.
తీస్తా నదిలో దూకిన ఆ యువకుడిని ధీరజ్‌ ప్రజాపతిగా గుర్తించారు. యువకుడి ఆచూకీ ఇంకా లభించలేదని పోలీసులు వెల్లడించారు. గర్ల్ ఫ్రెండ్‌తో వాగ్వివాదం జరగడంతో ఆకస్మికంగా నదిలోకి దూకేశాడని స్థానికులు తెలుపుతున్నారు. యువకుడి ఆచూకీ కోసం గాలిస్తున్నామని.. తదుపరి విచారణ కొనసాగుతోందని పోలీసులు సోమవారం తెలిపారు. కాగా.. ఈ సంఘటన స్థానికంగా కలకలం రేపింది.
Also Read:
PM Narendra Modi: డ్రీమ్ ప్రాజెక్టును ప్రారంభించనున్న ప్రధాని మోదీ.. నేడు గోరఖ్‌పూర్‌లో పర్యటన..
Gold Price Today: బంగారం కొనుగోలుదారులకు గుడ్‌న్యూస్‌.. ప్రధాన నగరాల్లో పసిడి ధరలు ఇలా ఉన్నాయి..!
