Mark Zuckerberg: మూడోసారి తండ్రయిన జుకర్‌బర్గ్.. ‘అందిన వరం’ అంటూ ఫోటో షేర్..

ఫేస్‌బుక్‌ సహ వ్యవస్థాపకుడు, మెటా సీఈవో మార్క్‌ జుకర్‌బర్గ్‌ మూడో సారి తండ్రయ్యాడు. కొన్ని నెలల క్రితం జుకర్‌బర్గ్‌ ప్రకటించినట్లుగానే భార్య ప్రిస్కిలా చాన్‌ పండంటి ఆడబిడ్డకు జన్మనిచ్చింది. ఈ విషయాన్ని ఆయన తన ఇన్‌స్టాగ్రామ్ ద్వారా స్వయంగా తెలియజేశాడు. ఇక ఇప్పటికే ఇద్దరు ఆడపిల్లలను కలిగి ఉన్న జుకర్‌బర్గ్‌, ప్రిస్కిలా చాన్‌ జంటకు మూడోసారి కూడా అమ్మాయే పుట్టడం విశేషం. దీనిపై జుకర్‌బర్గ్ తన మూడో కూతురు ఫోటోను కూడా షేర్ చేస్తూ.. సంతోషాన్ని ఇన్‌స్టాగ్రామ్ వేదికగా అభిమానులతో పంచుకున్నాడు. ఆ క్రమంలో ఆయన ‘ప్రపంచంలోకి స్వాగతం అరేలియా చాన్ జూకర్ బర్గ్. నువ్వు మాకు వరం లాంటిదానివి’ అంటూ క్యాప్షన్ రాసుకొచ్చాడు.

ఇవి కూడా చదవండి

Sun Transit 2023: మేషరాశిలోకి గ్రహాల రాజు.. ఈ రాశులవారికి ఆకస్మిక ధనయోగం.. శత్రువులపై విజయం..

Raw Carrots: క్యారెట్లను పచ్చిగానే తినడం ఆరోగ్యానికి మంచిదేనా..? నిపుణులు ఏమని చెబుతున్నారంటే..

Fighting Video: ఓరి భగవంతుడా..? 190 కిలోల బరువున్న వ్యక్తితో ఫైట్ చేస్తున్న 72 ఏళ్ల వృద్ధుడు.. చివరకు ఎవరు గెలిచారంటే..?

WPL 2023 Final: రేపే డబ్ల్యూపీఎల్ ఫైనల్.. ట్రోఫీ కోసం తలపడనున్న ముంబై, ఢిల్లీ జట్లు.. ఎక్కడ, ఎలా చూడాలంటే..?

View this post on Instagram

A post shared by Mark Zuckerberg (@zuck)

అయితే 2023 కొత్త ఏడాది సందర్భంగా జుకర్‌బర్గ్‌ తన భార్య ప్రెగ్నెంట్‌ అని పోస్ట్ చేస్తూ ఆమెతో ఉన్న ఫోటోను షేర్ చేశాడు. కాగా, హార్వర్డ్ యూనివర్సిటీలో కాలేజీ మేట్స్ అయిన మార్క్ జుకర్‌బర్గ్, ప్రిస్కిల్లా చాన్ 2012లో ప్రేమ వివాహం  చేసుకున్నారు. ఇక ఈ ప్రేమ జంటకు ఇప్పటివకే మాక్సిమా చాన్, ఆగస్ట్ అనే ఇద్దరు అమ్మాయిలు ఉన్నారు. ఈ క్రమంలోనే  ఇప్పుడు తాజాగా మూడో కుమార్తెకు కూడా తల్లిదండ్రులయ్యారు జుకర్‌బర్గ్ దంపతులు. కాగా, జుకర్‌బర్గ్ దంపతులు మరోసారి తల్లిదండ్రులు అవడంపై పలువురు ప్రముఖులు, అభిమానులు, అలాగే నెటిజన్లు వారిని అభినందిస్తున్నారు.

మరిన్ని ట్రెండింగ్  వార్తల కోసం ఈ లింక్ క్లిక్ చేయండి..