Viral Video: బ్రేక్‌కు బదులుగా యాక్సలేటర్ రేజ్ చేశాడు.. ఆ తరువాత జరిగింది చూస్తే నవ్వు ఆపుకోలేరంతే..

Viral Video: ప్రమాదవశాత్తూ ఓ యువకుడు బైక్ బ్రేక్‌కు బదులుగా యాక్సిలేటర్‌ను రేస్ చేయడంతో ఆ బైక్ ఫోటో స్టూడియోలోకి దూసుకెళ్లింది. ఈ ఘటన భివాండిలోని వంజరపట్టి నాకా ప్రాంతంలో చోటుచేసుకుంది. ఈ ఘటనకు సంబంధించిన వీడియో షాప్‌లో ఉన్న సీసీటీవీలో రికార్డవడగా.. ఇప్పుడు అది వైరల్‌గా మారింది. కాగా, ఈ ప్రమాదంలో ఫోటో స్టూడియోకి చెందిన ఓ ఫోటోగ్రాఫర్ అదృష్టవశాత్తూ బయటపడ్డాడు.

వివరాల్లోకెళితే.. వంజరపట్టి ప్రాంతంలోని పటేల్‌నగర్‌లో హర్షిత్ డిజిటల్ ఫోటో స్టూడియో ఉంది. పని నిమిత్తం ఓ యువకుడు ద్విచక్ర వాహనంపై స్టూడియో వద్దకు వచ్చాడు. తన బైక్‌ను ఫోటో స్టూడియో ముందు రోడ్డుపై పార్క్ చేశాడు. పని పూర్తయిన తరువాత బైక్‌పై తిరిగి వెళ్లేందుకు సిద్ధమయ్యాడు. ఈ క్రమంలో బైక్‌ను స్టార్ట్ చేసి గేర్ వేశాడు. అయితే, ఒక్కసారిగా యాక్సిలేటర్ పెంచడంతో బైక్ అదుపు తప్పి ఫోటో స్టూడియోలోకి దూసుకు వెళ్లింది. ఈ ఘటనలో స్టూడియోలోని పలు వస్తువులు, పరికరాలు ధ్వంసమయ్యాయి. జరిగిన ప్రమాదానికి బైకర్.. సదరు ఫోటో స్టూడియో యాజమాన్యానికి క్షమాపణలు చెప్పాడు. స్టూడియోకి జరిగిన నష్టానికి పరిహారం కూడా చెల్లిస్తానని అనడంతో యజమాని కాంప్రమైజ్ అయ్యాడు. కాగా, ఈ ఘటన మొత్తం ఫోటో స్టూడియోలోని సీసీటీవీ ఫుటేజీలో రికార్డ్ అయ్యింది. ఈ వీడియోను సోషల్ మీడియాలో పోస్ట్ చేయగా.. అది కాస్తా వైరల్‌గా మారింది. ఈ వీడియో చూసి నెటిజన్లు పాపం అంటూ తెగ నవ్వుకుంటున్నారు.

Also read:

Twitter: హిందూ దేవతలపై అభ్యంతరకర కంటెంట్‌ తొలగించాల్సిందే.. ట్విట్టర్‌కు ఢిల్లీ హైకోర్టు ఆదేశాలు!

Crime News: భర్తకు వీడియో కాల్ చేసి భార్య అఘాయిత్యం.. ఇంటికి తీసుకెళ్లడం లేదని ఏం చేసిందంటే..?

Badvel Bypoll: భారీ బందోబస్తు మధ్య కొనసాగుతున్న పోలింగ్.. క్యూ కట్టిన ఓటర్లు.. లైవ్ వీడియో