Baby Viral Dance: స్ట్రీట్ డ్యాన్స్‌లో ఇర‌గ‌దీసిన చిన్నారి.. కళాకారుడితో కలిసి అదిరిపోయే స్టెప్పులు..
టీవీలోనో, ఫోన్ లోనో పాటలు వస్తే పిల్లలు చేసే డ్యాన్స్ వీడియోలను వారి తల్లిదండ్రులు వారి పేరిట యూట్యూబ్ ఛానెల్ ఏర్పాటు చేసి అప్ లోడ్ చేస్తుంటారు. అయితే అలాంటి ఓ వీడియోనే ప్రస్తుతం వైరల్ గా మారింది.
Updated on: Aug 17, 2022 | 2:10 PM
Baby Viral Dance : ఇటీవలి కాలంలో చిన్నారుల్లో టాలెంట్‌కు అవధులు లేకుండా పోతున్నాయి. ఆటలు, పాటలు, చదువుల్లోనూ తమ సత్తా చాటుతున్నారు. ముఖ్యంగా అదిరిపోయే డ్యాన్స్ లు చేస్తూ సోషల్ మీడియాను షేక్‌చేస్తుంటారు. టీవీలోనో, ఫోన్ లోనో పాటలు వస్తే పిల్లలు చేసే డ్యాన్స్ వీడియోలను వారి తల్లిదండ్రులు వారి పేరిట యూట్యూబ్ ఛానెల్ ఏర్పాటు చేసి అప్ లోడ్ చేస్తుంటారు. అయితే అలాంటి ఓ వీడియోనే ప్రస్తుతం వైరల్ గా మారింది. అయితే ఇక్కడ వైరల్ అవుతున్న ఈ వీడియోలో ఉన్న చిన్నారి మాత్రం ప్ర‌త్యేకం.
వీధి కళాకారులతో కలిసి ఒక చిన్న అమ్మాయి ఉత్సాహంగా చేస్తున్న స్ట్రీట్ డ్యాన్స్ వీడియో ట్విట్టర్‌లో చ‌క్క‌ర్లు కొడుతోంది. ఈ వీడియోలో, కర్ణాటకలోని ఉడిపికి చెందిన జానపద నృత్యం చేస్తున్న కొంతమంది వీధి కళాకారులతో ఈ పాప చేరింది. వైరల్ అవుతున్న ఈ వీడియోలో ఒక మహిళ చిన్నారితో కలిసి ఒక నృత్యకారుడి వద్దకు వెళ్లింది. అతని ప్రదర్శన మెచ్చి పూలమాలతో గౌరవించింది. అనంతరం చిన్నారిని నృత్యకారుడితో డ్యాన్స్ వేయమని చెప్పింది. దీంతో ఆ చిన్నారి కళాకారుడితో కలిసి స్టెప్పులు వేసింది. చిన్నారి వేసే స్టెప్పులను చూసి స్థానికులు చప్పట్లతో ప్రోత్సహించారు. నృత్యకారుడు నృత్యాన్ని అనుసరిస్తూ ఆ చిన్నారి వేసిన స్టెప్పులకు స్థానికులు ఫిదా అయ్యారు.
OMG ! this is super cute ?? pic.twitter.com/rFfink1s39
— Visit Udupi ?? (@VisitUdupi) August 13, 2022
ఈ వైరల్ క్లిప్‌ను విజిట్ ఉడుపి (@VisitUdupi) అనే టూరిజం పేజీ ట్విట్టర్‌లో పోస్ట్ చేసింది. దీనికి ఓ మైగాడ్.. ఇది చాలా అందంగా ఉంది..అంటూ నెటిజన్లు భిన్నమైన కామెంట్లు పెడుతున్నారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి
