Viral Video: బర్త్‌డే పార్టీకి సింహం చీఫ్ గెస్ట్.. వైరల్‌గా మారిన వీడియో.. చివర్లో అదిరిపోయే ట్విస్ట్!
సాధారణంగా మనం జరుపుకునే బర్త్‌డే పార్టీలకు ఫ్రెండ్స్‌, బంధువులు, కుటుంబసభ్యులను పిలుస్తుంటాం. అయితే ఇక్కడ ఓ మహిళ బర్త్ డే పార్టీకి..
Updated on: Jun 29, 2021 | 12:32 PM
సాధారణంగా మనం జరుపుకునే బర్త్‌డే పార్టీలకు ఫ్రెండ్స్‌, బంధువులు, కుటుంబసభ్యులను పిలుస్తుంటాం. అయితే ఇక్కడ ఓ మహిళ బర్త్ డే పార్టీకి ఏకంగా మృగరాజు ముఖ్య అతిధిగా విచ్చేసింది. సదరు మహిళ ఆ సింహాన్ని గొలుసలతో కట్టేసి కూర్చోబెట్టింది. ఈ ఘటన పాకిస్తాన్‌లో చోటు చేసుకుంది. ప్రస్తుతం అందుకు సంబంధించిన వీడియో సోషల్ మీడియాలో వైరల్‌గా మారింది. ఆ వివరాలు ఇలా ఉన్నాయి.
పాకిస్తాన్‌కు చెందిన సుసాన్ ఖాన్ అనే మహిళ లాహోర్‌లోని ఓ ఫైవ్ స్టార్ హోటల్‌లో జన్మదిన వేడుకలను జరుపుకుంది. ఆ బర్త్‌డే పార్టీకి సింహాన్ని ముఖ్య అతిధిగా తీసుకొచ్చింది. దానిని కూర్చోబెట్టి కట్టేసింది. కొందరు ఆ మృగరాజుతో ఆటలు కూడా ఆడుకున్నారు. ఇక ఆ వీడియోను సుసాన్.. తన ఇన్‌స్టాగ్రామ్‌లో పోస్ట్ చేయగా.. అది కాస్తా వైరల్‌గా మారింది. దానితో ఆమె చిక్కుల్లో పడింది.
ప్రొటెక్ట్ యానిమల్స్ అనే సంస్థకు చెందిన ప్రతినిధులు ఆ వీడియోను తమ ఇన్‌స్టాలో పోస్ట్ చేసి సుసాన్‌పై ఆగ్రహం వ్యక్తం చేశారు. ”మేము పుట్టినరోజు పార్టీలకు వ్యతిరేకం కాదు. కానీ మూగజీవాలను ఓ వస్తువులా పార్టీలకు తీసుకొచ్చి వాటితో ఆనందం పొందటం తప్పు. దానిని మేము వ్యతిరేకిస్తాం” అని పేర్కొన్నారు. కాగా, ఈ వీడియోను చూసిన నెటిజన్లు.. మూగజీవాలను హింసిస్తున్న వారిపై కఠిన చర్యలు తీసుకోవాలని డిమాండ్ చేస్తున్నారు. వరుసపెట్టి కామెంట్స్, రీ-ట్వీట్స్‌తో హోరెత్తిస్తున్నారు.
Also Read:
ఈ ఫోటోలో మరో చిరుత దాగుంది.. కనిపెట్టగలరా! గుర్తు పట్టలేదా.? అయితే ఈ క్లూ ట్రై చేయండి..
పాపం ఈ అక్క కష్టం ఎవరికీ రావొద్దు.. వీడియోను నవ్వకుండా చూడండి మీకోసమే.!
తెలుగు వార్తలు లైవ్ ఇక్కడ చూడండి
View this post on Instagram
