వార్నీ ఇదేం ఏడుపుగొట్టు సంప్రదాయంరా బాబు.. పెళ్లికి నెలరోజుల ముందు నుంచే వధువు ఏడుపు ప్రాక్టీస్ చేస్తుందట..!
ప్రస్తుతం పెళ్లిళ్ల సీజన్ నడుస్తోంది. వివాహమంటే కేవలం ఆనందాన్ని జరుపుకోవడమే కాదు..నెలరోజుల ముందుగానే మొదలయ్యే సంప్రదాయ తతాంగం. అలాంటి పెళ్లి వేడుకలు ప్రపంచలోని ఒక్కో ప్రాంతంలో ఒక్కో భిన్నమైన ఆచారం ఉంటుంది. ఎక్కడైనా పెళ్లంటే హడావుడి , హంగామా నెలకొంటుంది. ఇంటి నిండా చుట్టాలు, బంధువులు పెళ్లి పనులతో సంతోషంగా సాగుతుంది. కానీ, ఒక చోట మాత్రం వింత సంప్రదాయం కొనసాగుతోంది. ఇక్కడ వధువు పెళ్లికి నెల రోజుల ముందు నుండే ఏడవటం మొదలుపెట్టాలి.. ఇదేం వింత ఆచారంరా సామీ అనుకుంటున్నారా..? అయితే పూర్తి వివరాల్లోకి వెళ్లాల్సిందే..
Updated on: Dec 04, 2024 | 6:28 PM
భారతదేశంలో వివాహ వాతావరణం ఆనందంతో నిండి ఉంటుంది. కానీ చైనాలోని నైరుతి ప్రావిన్స్లోని సిచువాన్లో నివసిస్తున్న తుజియా తెగల వివాహాలు పూర్తిగా భిన్నంగా ఉంటాయి. ఈ తెగకు చెందిన ప్రజలు వేల సంవత్సరాలుగా ఇక్కడే నివసిస్తున్నారు. వారి వివాహాలలో వధువు ఏడవటం చాలా ముఖ్యం. ఈ ప్రత్యేకమైన సంప్రదాయం 475 BC నుండి 221 BC మధ్య ప్రారంభమైందని తెలుస్తోంది. 17వ శతాబ్దంలో ఈ సంప్రదాయం పాటించే విధానం గరిష్ట స్థాయికి చేరిందని చెబుతారు. జావో రాష్ట్ర యువరాణి వివాహం కాగానే, ఆమె తల్లి తన కుమార్తెను విడిచిపెట్టిన బాధతో విలపించినట్లు చెబుతారు. ఆ సంఘటన తర్వాత ఈ తెగలో వధువు ఏడ్చే సంప్రదాయం మొదలైంది.
ఇకపోతే, ఈ ప్రత్యేకమైన సంప్రదాయం పెళ్లికి ఒక నెల ముందు ప్రారంభమవుతుంది. దీనిని వధువు కుటుంబ సభ్యులు ఎంతో భక్తితో పాటిస్తారు. ప్రతిరోజూ వధువు ఒక గంట పాటు ఏడవాలి. ఈ సమయంలో కుటుంబంలోని మహిళలు ఆమెతో కలిసి సాంప్రదాయ పాటలు పాడతారు. ఈ పాటలు వధువు జీవితంలో వస్తున్న మార్పులను, ఆమె కుటుంబంతో ఉన్న అనుబంధాన్ని తెలియజేస్తాయి.
ఇక నెలరోజుల పాటు సాగే ఈ ఏడుపు ప్రాక్టీస్లో మొదటి రోజు వధువు ఒంటరిగా ఏడవదు, ఆమె తల్లి, అమ్మమ్మ కూడా వారి గుండెలోతుల్లోంచి ఆమెతో పాటుగా ఏడుస్తారు. ఈ ప్రారంభ రోజు భావోద్వేగాల సముద్రం సాగుతుంది. ఇక్కడ వధువు తన కొత్త జీవితం వైపు కదులుతున్నప్పుడు తన పాత ఇల్లు, కుటుంబంతో కనెక్ట్ అయినట్లు అనిపిస్తుంది. ఈ సమయంలో తల్లి ఒడిలో తల పెట్టుకుని తన గుండె ముక్కలయ్యేలా తన బాధను పంచుకుంటుంది.
రోజులు గడిచేకొద్దీ, వధువు కన్నీళ్లు చీకటిగా మారుతున్నాయి. ఆమె ఏడుపులో ఆమె ఆత్మ ప్రతిధ్వని వినిపిస్తుంది. ఈ ప్రక్రియ ఆమెలో ఒక కొత్త మానవుని పుట్టుక లాంటిదని చెబుతారు. అక్కడ ఆమె తన పాత స్వభావాన్ని విడిచిపెట్టి కొత్త జీవితాన్ని ప్రారంభిస్తుంది.. నెలరోజుల పాటు జరిగే ఈ సంప్రదాయంలో వధువు తన ఇంట్లో బంధువులు, స్నేహితుల ప్రేమను అందుకోగలుగుతుంది. ప్రతిరోజూ సాగే ఈ సంప్రదాయం వధువులో కొత్త ఆశను కలిగిస్తుంది. వధువు ఒంటరిగా ఉండదని గ్రహించేలా చేస్తుంది.
మరిన్ని ట్రెండింగ్ న్యూస్ కోసం క్లిక్ చేయండి..
