ఇది ప్రపంచంలోనే అరుదైన రత్నం.. సైజును మించిన బరువుతో అత్యంత ఖరీదు..! స్పెషల్ ఏంటో తెలిస్తే వావ్ అనాల్సిందే..

మీరు ప్రపంచంలోని అనేక ప్రత్యేకమైన రత్నాల గురించి వినే ఉంటారు. కానీ, ఈ మొత్తం భూమిమీద ఒకే ఒక్క ముక్క మాత్రమే మిగిలి ఉన్న ఒక రత్నం గురించి మీరు ఎప్పుడూ విని ఉండరు. అలాంటి ఒక అరుదైన రత్నం గురించి ఇక్కడ తెలుసుకుందాం..విశ్వవ్యాప్తంగా అందులో ఒక ముక్క మాత్రమే మిగిలి ఉంది. మరో ఆశ్చర్యకరమైన విషయం ఏమిటంటే దాని బరువు దాని పరిమాణం కంటే ఎక్కువగా ఉంటుంది. ఇప్పటి వరకు ఇంటర్నేషనల్ మినరలాజికల్ అసోసియేషన్ భూమి అంతటా 6 వేలకు పైగా ఖనిజాలను గుర్తించారు.

భూమి లోపల దాగి ఉన్న అమూల్యమైన రత్నాల ప్రపంచం చాలా రహస్యమైనది. ఇంటర్నేషనల్ మినరలాజికల్ అసోసియేషన్ ప్రకారం.. ఇప్పటివరకు ప్రపంచవ్యాప్తంగా 6 వేలకు పైగా ఖనిజాలను గుర్తించారు. వాటిలో రత్నాలు అత్యంత అందంమైన, అరుదైనవిగా పేరుగాంచాయి. అయితే వాటన్నింటికీ పూర్తిగా భిన్నమైన ఖనిజం, అరుదైన రత్నం ఒకటి ఉంది. అది క్యావైట్ రత్నం. యాంగోన్ విశ్వవిద్యాలయంలోని మాజీ శాస్త్రవేత్త అయిన డాక్టర్ క్యావ్‌తు (Kyawthu) పేరు పెట్టారు. వాస్తవానికి, ఈ రత్నాన్ని కనుగొన్నందుకు అతనికి ఈ క్రెడిట్ ఇవ్వబడింది. ఈ అరుదైన రత్నం బరువు దాని పరిమాణం కంటే ఎక్కువ అని, ఇప్పటివరకు భూమిపై ఇలాంటిది ఒకే ఒక్క ముక్క మాత్రమే కనుగొనబడిందని తెలిస్తే మీరు ఆశ్చర్యపోతారు.

క్యావ్‌తు(Kyawthite) అని పిలువబడే ఈ అరుదైన రత్నం క్రిస్టల్ రూపంలో కనుగొనబడింది. ప్రపంచం మొత్తం మీద ఒక్క ముక్క మాత్రమే దొరికిందంటే దీని అరుదు ఏంటో అర్థం చేసుకోవచ్చు. ఇది మాత్రమే కాదు, ఇంటర్నేషనల్ మినరల్ అసోసియేషన్ కూడా దాని ఉనికిని గుర్తించింది. శాస్త్రవేత్తలు అనేక సారూప్య సింథటిక్ సమ్మేళనాలను సృష్టించినప్పటికీ, ఏదీ నిజమైన క్యావ్‌థైట్ లాగా ఉండదని తేల్చారు.

ఇవి కూడా చదవండి

ఇదేం భయంకర అడవిరా సామీ.. పుష్ప టీం కూడా కనిపెట్టలేని రహస్యాలేన్నో

చలికాలంలో వేప ఆకుల ఉపయోగం తెలుసా..? ఇలా వాడితే మీ ఇమ్యూనిటీ డబుల్

మీ జుట్టు ఒత్తుగా, పొడుగ్గా పెరగాలంటే ఇలాంటి ఫుడ్స్ తప్పక తినాలి!

డయాబెటిక్‌లో సబ్జా గింజల మ్యాజిక్.. ఈ విషయాలు తెలిస్తే షాకవుతారు.

క్యావ్‌తు(Kyawhite) ప్రపంచంలోనే అత్యంత అరుదైన రత్నాన్ని లాస్ ఏంజిల్స్‌లోని నేచురల్ హిస్టరీ మ్యూజియంలో భద్రపరచబడిన ఏకైక నమూనా. ఇది ఒక పారదర్శక నారింజ రంగు క్రిస్టల్, దీనిలో కొంచెం ఎరుపు రంగు కూడా కనిపిస్తుంది. దీని బరువు 1.61 క్యారెట్ అంటే దాదాపు 0.3 గ్రాములు. క్యావ్‌తు (Kyawthite) రసాయన సూత్రం Bi3+Sb5+O4, దీనిలో Bi అనేది బిస్మత్, Sb అనేది యాంటీమోనీకి చిహ్నం. ఈ రెండు మూలకాలు భూమిపై అరుదుగా పరిగణించబడతాయి. అయితే బిస్మత్ బంగారం, యాంటిమోనీ వెండి కంటే ఎక్కువ సమృద్ధిగా కనిపిస్తాయి. ఈ మూలకాలు ఇంత పెద్ద పరిమాణంలో లభిస్తుండగా, క్యావ్‌తు ఎందుకు చాలా అరుదు? అనే సందేహం కూడా చాలా మందిలో వ్యక్తమవుతుంది.

ఇందుకు సమాధానం ఈ క్రిస్టల్ రసాయన సూత్రంలోనే ఉందంటున్నారు శాస్త్రవేత్తలు. క్యావ్‌తు(kyavthite) లో ఉండే ఆక్సిజన్ ఈ క్రిస్టల్‌ను చాలా అరుదుగా చేస్తుంది. ఆక్సిజన్ ఈ విధంగా బిస్మత్, యాంటిమోనీతో కలపడం చాలా అరుదైన సంఘటన. అందుకే ఇది భూమిపై ఉన్న అరుదైన రత్నాలలో ఒకటిగా క్యావ్ తు అవుతుంది.

Kyawthite అనే ఈ అద్భుతమైన రత్నాన్ని యాంగోన్ యూనివర్సిటీకి చెందిన మాజీ శాస్త్రవేత్త డాక్టర్ క్యౌతు కనుగొన్నారు. అందుకే ఈ రత్నానికి ఆయన పేరు పెట్టారు. 2015 లో, ఇంటర్నేషనల్ మినరలాజికల్ అసోసియేషన్ ఈ రత్నానికి అధికారిక గుర్తింపు ఇచ్చింది. 2017 లో దాని గురించి వివరణాత్మక శాస్త్రీయ సమాచారం వచ్చింది. ఇటువంటి ప్రత్యేకమైన, అరుదైన రత్నాలు ఎక్కువగా మయన్మార్‌లో మాత్రమే కనిపిస్తాయి. ఇది మరింత ప్రత్యేకమైనది.

మరిన్ని ట్రెండింగ్ న్యూస్ కోసం క్లిక్ చేయండి..