Black Idli: ఓరీ దేవుడో ఇదేం ఇడ్లీరా సామీ.. అచ్చం బొగ్గులాగే ఉన్నాయ్..! తినాలంటే ధైర్యం కావాల్సిందే..
సోషల్ మీడియాలో చాలా ఫుడ్ వీడియోలు వైరల్ అవుతున్నాయి. కొన్ని ఆహారాలు చాలా అనారోగ్యకరమైనవి. ప్రస్తుతం అలాంటి వీడియో ఒకటి వైరల్ అవుతోంది. ఈ వీడియోలో నల్లటి ఇడ్లీలు నెటిజన్లను షాక్ అయ్యేలా చేస్తున్నాయి. మృదువుగా కనిపించే ఈ నల్లటి ఇడ్లీని చట్నీ మసాలాతో వడ్డిస్తున్నారు. కానీ, ఈ వీడియోలో కనిపించే బ్లాక్ ఇడ్లీ తయారీలో ఏ పదార్థాలు ఉపయోగించాలో మాత్రం చెప్పలేదు.
Updated on: Dec 24, 2024 | 8:30 PM
ఇడ్లీ దక్షిణ భారతీయ వంటకం అయినప్పటికీ, ఇది ప్రపంచవ్యాప్తంగా ప్రసిద్ధి చెందింది. ఇది ఒక ఆరోగ్యకరమైన బ్రేక్ఫాస్ట్. తెల్లగా మల్లెపువ్వులా, దూదిలా సుతిమెత్తగా ఉండే ఇడ్లీలలను చాలా మంది ఇష్టంగా తింటారు. ఇటీవలి కాలంలో రాగి ఇడ్లీ, పాలక్ ఇడ్లీ, క్యారెట్ ఇడ్లీ, మిల్లేట్స్ ఇడ్లీ ఇలా చాలా రకాల ఇడ్లీలు అందుబాటులోకి వచ్చాయి. కానీ, మీరు ఎప్పుడైనా బ్లాక్ ఇడ్లీ ని చూశారా? అవును ఈ ఇడ్లీ బొగ్గులా నల్లగా ఉంటుంది. మహారాష్ట్రలోని నాగ్పూర్లో ఇది బాగా పాపులర్ అవుతోంది. ఈ వెరైటీ ఇడ్లీని తినేందుకు ఎంతో మంది ఆసక్తి చూపుతున్నారు.
ప్రస్తుతం సోషల్ మీడియాలో నల్లటి ఇడ్లీలు తయారు చేస్తూ బండి నడుపుతున్న యువకుడి వీడియో వైరల్ అవుతోంది. మృదువుగా కనిపించే ఈ నల్లటి ఇడ్లీని చట్నీ మసాలాతో వడ్డిస్తున్నారు. కానీ, ఈ వీడియోలో కనిపించే బ్లాక్ ఇడ్లీ తయారీలో ఏ పదార్థాలు ఉపయోగించాలో మాత్రం చెప్పలేదు.
వీడియో ఇక్కడ చూడండి..
View this post on Instagram
ఈ వీడియో Instagram ఖాతా అధికారిక_food_king_1 నుండి షేర్ చేయబడింది. 89,782 మంది ఈ వీడియోను లైక్ చేశారు.. ఈ వీడియో చూసిన నెటిజన్లు షాకింగ్ కామెంట్స్ చేశారు. మీ క్రియేటివిటీకో దండం సామీ అంటూ చాలా మంది ఫన్నీ కామెంట్స్ చేస్తున్నారు.
మరిన్ని ట్రెండింగ్ న్యూస్ కోసం క్లిక్ చేయండి..
