Cute video: అందమైన పులిపిల్ల చేసిన అల్లరితో తల్లికి ముచ్చెమటలు .. ఫన్నీ వీడియో చూస్తే పొట్ట చెక్కలే..
తాజాగా అలాంటిదే పాత వీడియో ఒకటి సోషల్ మీడియాలో మళ్లీ వైరల్ అవుతోంది. ఇటీవలి ట్విట్టర్‌లో షేర్‌ చేయబడ్డ ఈ వీడియోలో తెల్లటి పులి పిల్ల ఒకటి తన తల్లి చుట్టూ తిరుగుతూ ఆటపట్టిస్తున్న దృశ్యం అందరినీ ఆకట్టుకుంటోంది.
Updated on: Dec 05, 2022 | 1:54 PM
జంతువుల వీడియోలు చాలా అందంగా,ఫన్నీగా ఉంటాయి. ఇంటర్నెట్‌లో వీక్షకుల హృదయాలను గెలుచుకుంటాయి. సోషల్ మీడియా పుణ్యమా అని చాలా రకాల జంతువులకు సంబంధించిన వీడియోలు వైరల్ అవుతున్నాయి. అందులో కొన్ని సోషల్ మీడియా వినియోగదారులను దిగ్భ్రాంతి కలిగిస్తే.. మరికొన్ని నవ్వు పుట్టించే విధంగా ఉంటున్నాయి. ఎక్కువగా సోషల్ మీడియాలో విచిత్రమైన వీడియోలు, జంతువులు, పాములకు సంబంధించిన వీడియోలు చెక్కర్లు కొడుతున్నాయి. తాజాగా అలాంటిదే పాత వీడియో ఒకటి సోషల్ మీడియాలో మళ్లీ వైరల్ అవుతోంది. ఇటీవలి ట్విట్టర్‌లో షేర్‌ చేయబడ్డ ఈ వీడియోలో తెల్లటి పులి పిల్ల ఒకటి తన తల్లి చుట్టూ తిరుగుతూ ఆటపట్టిస్తున్న దృశ్యం అందరినీ ఆకట్టుకుంటోంది. కానీ, ఆ తల్లి పులికి మాత్రం షాక్‌ తగిలినంత పనైంది. అదేంటో ఇప్పుడు తెలుసుకుందాం..
వైరల్ అవుతున్న ఈ వీడియోలో రాయల్ బెంగాల్ జాతికి చెందిన తెల్లపులి.. దాని పిల్ల చేసిన పనితో దెబ్బకు దడుసుకుంది. తల్లి ఎన్‌క్లోజర్‌ బయట ఏదో తింటూ ఉండగా.. వెనుక నుంచి ఒక్కసారిగా పులిపిల్ల వచ్చింది. నడుస్తూ కాకుండా గది లోపలి నుంచి ఎగిరి తల్లి ముందు దూకింది. దాంతో తనపై ఏదో దాడి చేస్తుందనుకుని తల్లి ఉలిక్కిపడింది.
Tiger cub sneaks up on its mom.?? pic.twitter.com/kn7YsZsMpC
— ?o̴g̴ (@Yoda4ever) February 16, 2022
అయితే, తల్లి భయంతో ఉలిక్కిపడి కింద పడిపోవడం చూసి పిల్లపులి కూడా భయపడింది. రెండడుగులు వెనక్కి వేసింది. తర్వాత తల్లికి కోపం వచ్చిందని గ్రహించి ఏమీ ఎరుగనట్టు మెల్లగా పక్కకు వెళ్లిపోయింది. కేవలం మూడు సెకన్‌ల నిడివిగల ఈ వీడియో చూసిన నెటిజన్లు కడుపుబ్బ నవ్వుకుంటున్నారు.. పిల్లల అల్లరి ఎక్కడైనా ఒకేలా ఉంటుందంటూ నెటిజన్లు విపరీతంగా కామెంట్లు చేస్తున్నారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి
