Cute panda: మంచు కురిసేవేళలో.. మురిసిన పాండా మనసు.. క్యూట్‌ పాండా ఆటలకు నెటిజన్లు ఫిదా..
మంచులో ఓ పాండా ఆడుకుంటూ క‌నిపిస్తుంది. మంచులో పడిలేస్తూ.. అది చేసే చిలిపి చేష్టలు నెటిజన్లను కట్టిపడేస్తున్నాయి. ఈ క్యూట్‌ వీడియోను ఏకంగా 2 కోట్లకు పైగానే నెటిజన్లు వీక్షించారు.
Updated on: Nov 28, 2022 | 7:08 PM
పాండా.. అచ్చం ఎలుగుబంటిలా ఉండే అరుదైన జంతువు. ఎంతో క్యూట్‌గా అందరినీ ఆకర్షించే జంతువు ఇది. అంతేకాదు ఇది పూర్తి శాఖాహార జంతువు. వెదురు తింటూ జీవనం సాగిస్తుంది. ఇంట‌ర్‌నెట్‌లోనూ పాండా వీడియోలు విప‌రీతంగా వైరల్ అవుతుంటాయి. ప్రస్తుతం ఈ పాండాకు సంబంధించిన వీడియో ఒకటి నెట్టింట వైరల్ అవుతూ ఎంతగానో ఆకట్టుకుంటోంది.
ఈ వీడియోలో మంచులో ఓ పాండా ఆడుకుంటూ క‌నిపిస్తుంది. మంచులో పడిలేస్తూ.. అది చేసే చిలిపి చేష్టలు నెటిజన్లను కట్టిపడేస్తున్నాయి. ఈ క్యూట్‌ వీడియోను ఏకంగా 2 కోట్లకు పైగానే నెటిజన్లు వీక్షించారు. లక్షల్లో లైక్‌ చేస్తున్నారు. పాండా చాలా క్యూట్‌గా ఉందని, ఎంతో ఉల్లాసంగా గ‌డుపుతోంద‌ని ఓ యూజ‌ర్ కామెంట్ చేసారు. ఈ క్యూటీ తన రోజును ఎంతో ఆనంద‌మ‌యం చేసింద‌ని మ‌రో యూజ‌ర్ రాసుకొచ్చారు. ఇలాంటి చ‌బ్బీ స్వీటీస్‌తో ప్రేమ‌లో ప‌డ‌కుండా ఎవ‌రుంటార‌ని మ‌రో యూజ‌ర్ ప్రశ్నించారు.
They can’t survive in the wild.. pic.twitter.com/t84RceWxhJ
— Buitengebieden (@buitengebieden) November 25, 2022
చైనాకు చెందిన ఎలుగుబంటి జాతిలో ఒకటి ఈ జెయింట్ పాండా. నలుపు-తెలుపు రంగుల కలయికతో గుండ్రని శరీరంతో ముద్దొస్తు ఉంటుంది. జెయింట్ పాండా మధ్య చైనాలోని కొన్ని పర్వత శ్రేణులలో.. ప్రధానంగా సిచువాన్‌లో పొరుగున ఉన్న షాంగ్సీ , గన్సులో కూడా నివసిస్తుంది వ్యవసాయం, అటవీ ప్రాంతం అంతరించిపోతున్న నేపథ్యంలో జెయింట్ పాండాల సంఖ్య క్రమంగా తగ్గుతూ వస్తుంది. ఒకప్పుడు పాండా చైనా జాతీయ చిహ్నం. 1982లో చైనీస్ గోల్డ్ పాండా నాణేలపై ముద్రించి తమ పాండాలపై ప్రేమని వ్యక్తం చేశారు.
మరిన్ని ట్రెండింగ్ వీడియోల కోసం ఇక్కడ క్లిక్ చేయండి..
