Pre-Wedding Photoshoot Viral: ఎవర్రా మీరంతా.. ప్రీ వెడ్డింగ్ షూట్ ఇలా కూడా చేస్తారా..? చూస్తే దిమ్మతిరగాల్సిందే
ఈ వీడియోకు 18 లక్షలకు పైగా వీక్షణలు, 20 వేలకు పైగా లైక్లు, 5 వేలకు పైగా రీట్వీట్లు వచ్చాయి. అంతేకాకుండా చాలామంది వినియోగదారులు ఈ వీడియో గురించి తమ అభిప్రాయాన్ని తెలియజేస్తున్నారు.
Updated on: Mar 11, 2023 | 9:55 PM
పెళ్లి అనేది ప్రతి ఒక్కరి జీవితంలో అత్యంత ముఖ్యమైన ఘట్టం. అలాంటి పెళ్లిని ఈ రోజుల్లో చాలా మంది అందరికీ, ఎప్పటికీ గుర్తుండిపోయేలా చేసుకోవటానికి ప్లాన్ చేసుకుంటున్నారు. పెళ్లికి ముందే అనేక ప్రిపరేషన్స్ మొదలవుతాయి.. ఈరోజుల్లో ప్రీ వెడ్డింగ్ ఫోటో షూట్ క్రేజ్ విపరీతంగా పెరిగిపోయింది. పెళ్లి చేసుకోబోయే యువతులు యువకులు తప్పక ప్రీ వెడ్డింగ్ ఫోటో షూట్ మిస్ అవ్వకూడదు అనుకుంటున్నారు. దీని కోసం వారు ప్రొఫెషనల్ ఫోటోగ్రాఫర్లను నియమించుకుంటున్నారు. వెడ్డింగ్ ఫోటోషూట్ల కోసం ఫోటోగ్రాఫర్లు కొత్త ప్రయోగాలు చేస్తూనే ఉన్నారు. ఇటీవల, ఒక వీడియో సోషల్ మీడియాలో వైరల్ అవుతోంది. ఇది మీకు సినిమాల్లోని స్టంట్ని గుర్తు చేస్తుంది. ఈ వైరల్ వీడియోను ఎక్కడ, ఎప్పుడు చిత్రీకరించారనే దానిపై ఎలాంటి సమాచారం లేదు. ఈ వీడియో చూసిన కొందరు ఇది ఏదో సినిమా షూటింగ్లో భాగమై ఉంటుందని అంటున్నారు. అయితే ఆ వీడియో మాత్రం వైరల్ అవుతోంది.
సోషల్ మీడియాలో వైరల్ అవుతున్న ఈ వీడియోలో వధూవరులు బైక్ పై కూర్చున్నారు. బైక్ను తాడు సహాయంతో క్రేన్కు కట్టారు. ఒక పెద్ద రాయి నేలపై పడి ఉంది. దాని ముందు మహీంద్రా స్కార్పియో వాహనం నిలబడి ఉంది. దీని తర్వాత, క్రేన్ నెమ్మదిగా బైక్ను గాలిలోకి లేపుతుంది. వరుడు బైక్ రెండు చక్రాలను తిప్పాలనే ఉద్దేశ్యంతో యాక్సిలరేటర్ను తిప్పాడు. దీని తరువాత, క్రేన్ బైక్ను కారు నుండి ఎత్తి, మరొక వైపుకు తీసుకువస్తుంది. ఇది చూస్తే వరుడు తన వధువును బైక్పై కూర్చోబెట్టి కారును దాటేందుకు బైక్ను గాలిలోకి లేపినట్టుగా ఉంది.
pre-wedding shoots – i’m getting this pic.twitter.com/Ynwf7Kxr6a
— Best of the Best (@bestofallll) October 27, 2022
@bestofallll అనే వినియోగదారు ఈ వీడియోను ట్విట్టర్లో షేర్ చేసి, ‘నా వెడ్డింగ్ ప్రీవెడ్డింగ్ షూట్ ఇలా సాగుతుంది’ అని క్యాప్షన్ పెట్టారు. ఇది రాసే సమయానికి, ఈ వీడియోకు 18 లక్షలకు పైగా వీక్షణలు, 20 వేలకు పైగా లైక్లు మరియు 5 వేలకు పైగా రీట్వీట్లు వచ్చాయి. అంతేకాకుండా కొంతమంది వినియోగదారులు ఈ వీడియో గురించి తమ అభిప్రాయాన్ని కూడా తెలియజేస్తున్నారు. ప్రపంచంలో జిమ్మిక్కులకు కొదవలేదని కొందరైతే.. సినిమా సీన్ షూట్ అని మరికొందరు అంటున్నారు.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి..
