Job Alert: వారెవ్వా ఏమన్న ఉద్యోగమా.. నెలకు రూ. 6.5 లక్షల జీతం.. చాకెట్లను రుచి చూడడమే పని..
Job Alert: ఉద్యోగం అంటే ఎనిమిది గంటలు విరామం లేకుండా పని చేయాలి సహజంగా అందరూ ఇదే భావనలో ఉంటారు. అలాకాకుండా ఎంచక్కా చాక్లెట్లను తింటూ గడిపేయడమే ఉద్యోగం పని అయితే ఎలా ఉంటుంది.? ఆ పని చేసినందుకు...
Job Alert: ఉద్యోగం అంటే ఎనిమిది గంటలు విరామం లేకుండా పని చేయాలి సహజంగా అందరూ ఇదే భావనలో ఉంటారు. అలాకాకుండా ఎంచక్కా చాక్లెట్లను తింటూ గడిపేయడమే ఉద్యోగం పని అయితే ఎలా ఉంటుంది.? ఆ పని చేసినందుకు నెలకు రూ. 6.5 లక్షల జీతం ఇస్తే.. వినడానికి నమ్మకంగా లేదు కదూ! అయితే ఇలాంటి ఉద్యోగం నిజంగానే ఉంది. అమెరికాకు చెందిన ఓ క్యాండీ రిటైలర్‌ తమ సంస్థలో ఓ ఉద్యోగాన్ని భర్తీ చేస్తోంది. ఆ ఉద్యోగ ప్రకటనకు సంబంధించిన యాడ్ ప్రస్తుతం సోషల్‌ మీడియాలో వైరల్‌ అవుతోంది. ఇంతకీ ఈ జాబ్‌ ఏంటి.? దీనికి అర్హతలు ఏంటి లాంటి విషయాలపై ఓ లుక్కేయండి..
అమెరికాలోని క్యాండీ ఫన్‌ హౌజ్‌ అనే చాక్లెట్ల కంపెనీ చీఫ్‌ క్యాండీ ఆఫీసర్‌ పోస్టుల భర్తీకి నోటిఫికేషన్‌ జారీ చేసింది. ఈ పోస్టుకు ఎంపికైన వారు కాండియాలజిస్టుల బృందాన్ని లీడ్‌ చేయాల్సి ఉంటుంది. కంపెనీలో తయారయ్యే చాక్లెట్లను రుచి చూసి వాటికి రేటింగ్ ఇవ్వడమే ఈ పోస్టుకు ఎంపికైన వారు చేయాల్సిన పని. ఐదేళ్లు పైబడిన వారెవరైనా ఈ ఉద్యోగానికి దరఖాస్తు చేసుకోవచ్చని సంస్థ తెలిపింది. ఎంపికైన అభ్యర్థులకు ఏడాదికి 100000 డాలర్లను జీతంగా అందించనున్నారు.
View this post on Instagram
ఆసక్తి ఉన్న వారు ఆగస్టు 31లోపు కంపెనీలో అధికారిక వెబ్‌సైట్‌ నుంచి అప్లై చేసుకోవాలని సూచించారు. ఎంపికైన అభ్యర్థులు అమెరికాలోని టొరంటో లేదా న్యూజెర్సీ నెవార్క్‌లోని క్యాండీ ఫన్‌ హౌస్‌ ప్రధాన కార్యాలయంలో పని చేయాల్సి ఉంటుంది. పూర్తి వివరాల కోసం https://candyfunhouse.ca/pages/careers వెబ్‌సైట్‌ను సందర్శించాలని కంపెనీ పేర్కొంది.
View this post on Instagram
మరిన్ని ట్రెండింగ్ వార్తల కోసం క్లిక్ చేయండి..
