Viral News: సముద్రంలో దొరికిన వింత చేప.. భయాందోళనకు గురి చేస్తోన్న గ్రహాంతర జీవి అంటోన్న నెటిజన్లు
నల్లగా కనిపించే ఈ చేపను సొరచేప అని అంటున్నారు. గోబ్లిన్ షార్క్ లా కనిపిస్తుంది. దీనిని 'ఘోస్ట్లీ షార్క్' అని కూడా పిలుస్తారు. ఈ వింతగా కనిపించే షార్క్ను సిడ్నీకి చెందిన ట్రాప్మన్ బెర్మగుయ్ అనే మత్స్యకారుడు..
Updated on: Sep 17, 2022 | 5:10 PM
Viral News: ప్రపంచం మొత్తం వివిధ రకాల జంతువులతో నిండి ఉంది. ఈ జీవుల్లో చాలా ప్రమాదకరమైనవి కొన్ని అయితే.. మరికొన్ని చూడటానికి చాలా అందంగా కనిపిస్తాయి. అదే సమయంలో.. చాలా జీవులు కూడా చాలా అరుదు.. సాధారణంగా కనిపించవు. అంతేకాదు కొన్ని జీవులు ప్రజలు ఇంతకు ముందెన్నడూ చూడనివి.. చూడగానే గగుర్పాటుగా కనిపించేలా ఉంటాయి. ప్రస్తుతం ఒక మర్మమైన చేప ఒకటి ప్రపంచవ్యాప్తంగా చర్చనీయాంశంగా మారింది. ఈ చేప ఆస్ట్రేలియాలోని ఒక మత్స్యకారుడికి సముద్రపు గర్భంలో దొరికింది. ఇది భారీగా ఉంది. చాలా వింతగా కనిపించే కళ్ళు, దంతాలు కూడా పొడుచుకు వచ్చి మురికిగా ఉంది.
నల్లగా కనిపించే ఈ చేపను సొరచేప అని అంటున్నారు. గోబ్లిన్ షార్క్ లా కనిపిస్తుంది. దీనిని ‘ఘోస్ట్లీ షార్క్’ అని కూడా పిలుస్తారు. ఈ వింతగా కనిపించే షార్క్ను సిడ్నీకి చెందిన ట్రాప్మన్ బెర్మగుయ్ అనే మత్స్యకారుడు సముద్రంలో 650 మీటర్ల లోతులో పట్టుకున్నాడు. దీనికి సంబంధించిన ఫొటో ఒకటి ఫేస్బుక్లో వైరల్గా మారింది.
ప్రసిద్ధి చెందిన గోబ్లిన్ షార్క్:
షార్క్ లా కనిపిస్తున్న ఈ చేపను ఇప్పటివరకు ఎవరూ చూడలేదు. ఈ చేప బాగా ప్రసిద్ధి చెందింది. ‘కుకీ కట్టర్ షార్క్’ అని ట్రాప్మ్యాన్ బెర్మగుయ్ స్వయంగా చెప్పారు. ఇది ఒక ప్రత్యేకమైన సొరచేప జాతి. దీని ఆహారపు అలవాట్లు కారణంగా కుకీ కట్టర్ షార్క్ అనే పేరు వచ్చింది. దీని పళ్లు కత్తిలా పదునైనవి. వీటిని ఉపయోగించి బాధితుడి శరీరం నుండి మాంసాన్ని కుకీ కట్టర్తో కత్తిరించినట్లుగా బయటకు తీస్తుంది. అందుకనే ఈ సొర చేపను కుకీ కట్టర్ షార్క్ అని అంటారు. ఈ సొరచేపను మొదటిసారి చూసినప్పుడు.. ఈ చేప నిజంగా ఈ ప్రపంచంలో నివసిస్తుందని ప్రజలు నమ్మలేదు. ఒక వినియోగదారుడు.. ఈ చేపను చూస్తుంటే.. పూర్వ కాలపు చేపలా కనిపిస్తోందని కామెంట్ చేశారు. మరొకరు లోతైన సముద్రం క్రింద మరొక ప్రపంచం ఉందని.. అందులో ఇలాంటి వింతగా కనిపించే జీవులు నివసించేవని రాశారు.
మరిన్ని ట్రెండింగ్ వార్తల కోసం ఇక్కడ క్లిక్ చేయండి..
