Viral: తవ్వకాల్లో బయటపడిన వింత ఆకారం.. ఏంటని చూడగా వెలుగులోకి షాకింగ్ నిజం!

కెనడాలోని ఓ ఆసక్తికర సంఘటన చోటు చేసుకుంది. ఓ గోల్డ్ డిగ్గర్‌కు యుకాన్‌లోని డాసన్ సిటీ సమీపంలోని క్లోన్‌డైక్ గోల్డ్ ఫీల్డ్‌లో మర్మమైన ఫర్ బాల్(Fur Ball) దొరికింది. మొదటిగా గోధుమ రంగులో ఉన్న ఈ వింత ఆకారాన్ని చూసి.. ఏదైనా రాయి అని పురావస్తు శాస్త్రవేత్తలు భావించారు. కానీ దానిపై పలు పరిశోధనలు, ఎక్స్‌రేలు చేశారు. అనంతరం ఈ ద్రాక్షపండు పరిమాణంలో ఉన్న లంప్ సుమారు 30 వేల ఏళ్ల నాటి ఐస్ ఏజ్‌కు చెందిన పురాతన మమ్మీఫైడ్ నేల ఉడతగా పరిశోధకులు తేల్చారు.

ఆ ఉడత ఒక ఏడాది గడవగానే నిద్ర సమయంలో మరణించి ఉండొచ్చునని తెలిపారు. ఇన్నేళ్లు ఇది మంచులో కూరుకుపోయి ఉన్నప్పటికీ.. ఏమాత్రం చెక్కుచెదరలేదని.. అచ్చం ముడుచుకుపోయి.. నిద్రాస్థితిలో ఉన్నట్లే ఉందని శాస్త్రవేత్తలు చెప్పారు. అది చూడటానికి పైకి గోధుమ రంగు రాయిలా కనిపిస్తుందని జెన్ హీత్ అనే పశువైద్యురాలు తెలిపింది.

కాగా, క్లోన్‌డైక్ గోల్డ్ ఫీల్డ్స్ మంచు యుగం నుంచి శాశ్వతంగా మంచుతో కప్పబడి ఉన్నాయి. ఐస్ ఏజ్ కాలంలో చనిపోయిన జీవులకు సంబంధించిన జుట్టు, గోర్లు అన్నింటిని సంరక్షించడానికి ఆ ప్రాంతం సరైనదని చెబుతున్నారు. గతంలో ఇదే చోట మమ్మీఫైడ్ తోడేలు పిల్ల, బేబీ మముత్‌ను పరిశోధకులు కనుగొన్నారు.(Source)