Toothbrush: విచిత్ర ఘటన.. పొరపాటున టూత్‌ బ్రష్‌ మింగేసిన యువతి! ఆ తర్వాత ఏం జరిగిందంటే

స్పెయిన్, డిసెంబర్‌ 6: సాధారణంగా పిల్లలు నోట్లో ఎదైనా పెట్టుకుని ఆడుకుంటూ దానిని పొరపాటున మింగేస్తుంటారు. ఆ తర్వాత వైద్యుల వద్దకు వెళ్తే.. నానా తంటాలు పడి వాటిని బయటకు తీస్తారు. అలా కాయిన్స్‌, తాళం చెవి వంటి చిన్నచిన్న వస్తువులు మింగేస్తుంటారు. అయితే ఓ మహిళ బ్రష్ చేస్తూ పొరపాటున ఏకంగా బ్రష్‌నే మింగేసింది. అందేంటి? అంతపెద్ద బ్రష్‌ను ఎలా మింగేసిందనే అనుమానం మీకూ వచ్చిందా? అసలేం జరిగిందంటే..

స్పెయిన్‌లోని గల్డకావోకు చెందిన హీజియా (21) అనే మహిళ నవంబర్ 29న మాంసాహారం తినింది. అయితే మాంసం ముక్క ఆమె గొంతులో ఇరుక్కుపోయింది. దీంతో ఊపిరాడక ఉక్కిరిబిక్కిరైపోయింది. దానిని బయటకు తీసేందుకు ప్రయత్నించింది. కానీ ఆమె ప్రయత్నాలేమీ ఫలించలేదు. ఆమె తండ్రి సాయం చేసినా ఫలితం లేకపోయింది. దీంతో ఆమె టూత్‌ బ్రష్‌ని ఉపయోగించింది. బ్రష్‌తో గొంతులో ఇరుక్కుపోయిన పదార్ధాన్ని తొలగించడానికి ప్రయత్నించింది. ఈ క్రమంలో హీజియా తన చేతిలో టూత్ బ్రష్‌ పట్టుకుని గొంతులో ఇరుక్కుపోయిన దానిని బయటకు తీస్తుండగా.. టూత్ బ్రష్ ఆమె చేయి పట్టు నుంచి ఒక్కసారిగా జారిపోయింది. అంతే అది అమాంతంగా గొంతులోకి సాఫీగా వెళ్లిపోయింది.

దీంతో వెంటనే హీజియాను ఆసుపత్రికి తరలించారు. ఆసుపత్రిలో అడ్మిట్ అయ్యాక అక్కడి సిబ్బందికి తన సమస్యను వివరించింది. దీంతో వారందరూ షాక్‌కు గురయ్యారు. ఎక్స్ చూసేంత వరకు ఆమె చెప్పిన మాటలను నమ్మలేకపోయారు. ఆమె మింగేసిన టూత్ బ్రష్‌ను తొలగించడానికి వైద్యులకు మూడు గంటల సమయం పట్టింది. హీజియాకి మత్తు ఇచ్చి సర్జన్లు దంత పరికరం సహాయంతో విజయవంతంగా వెలికితీశారు. వారు టూత్ బ్రష్‌ని లూప్ చేసి, అన్నవాహిక ద్వారా బయటకు తీశారు. అయితే ఆశ్చర్యకరమైన విషయం ఏంటంటే సర్జరీ సమయంలో తనకు ఎలాంటి నొప్పి కలగలేదని హిజియా చెప్పుకొచ్చింది. కళ్లు తెరిచేటప్పటికీ తన పక్కన మింగేసిన టూత్ బ్రష్‌ కనిపించిందని తెల్పింది. ప్రస్తుతం హిజియా సజావుగా ఊపిరి పీల్చుకుంటోంది.

ఇవి కూడా చదవండి

ఇలా చేస్తే ఉడకబెట్టేటప్పుడు గుడ్లు పగలవు..

పెళ్లికి షామియానా వేయలేదని కోర్టుకెక్కిన ఘనుడు

చికెన్‌ ముక్క లేకుండా చికెన్‌ బిర్యానీ వడ్డించిన హోటల్‌ సిబ్బంది

జేబుల నిండా లక్షల డబ్బులున్నా ఆకలితో బిక్షగాడు మృతి

మరిన్ని అంతర్జాతీయ వార్తల కోసం క్లిక్‌ చేయండి.