Telangana: పండుగ పూట ఉచితంగా కోళ్లు.. కూర కోసం మసాలాలు.. భలే కానుక

పండుగ పూట కానుకలు అంటే నూతన దుస్తువులు.. లేదంటే స్వీట్స్.. అది కాదంటే ఏవైనా వస్తువులు కానుగా ఇస్తారు.. కానీ దసరా పండుగ సందర్భంగా వరంగల్ జిల్లాలో ఓ సామాజిక వేత్త కుటుంబం కోళ్లను పంపిణీ చేయడం జనంలో చర్చగా మారింది.. ఆ కోడికూరకు మసాలాలు, కూరగాయలు కూడా పంపిణీ చేయడం ఆసక్తి రేపింది.. దసరా పర్వదినాన ఉచిత కోళ్ల కోసం జనం బారులు తీరారు.  దసరా సందర్భంగా ఈ వినూత్న కానుక పంపిణీ వరంగల్ శివారులోని చింతల్ వద్ద జరిగింది.. ప్రముఖ సామాజిక వేత్త శ్రీనివాస్ కుటుంబం కోళ్లు, కూరగాయలు పంపిణీ చేసి జనంలో చర్చగా నిలిచారు. దసరా పండగ సందర్భంగా పేదలకు వినూత్న కానుకలు ఇస్తున్నామని చెప్పడంతో పేదలు పెద్ద సంఖ్యలో బారులు తీరారు.

రెండు వందలకు పైగా నిరుపేద కుటుంబాలకు కూరగాయలు, కోళ్లు, మసాలాలు పంపిణీ చేసి పండుగపూట వారికి ముక్క రుచి చూపే ప్రయత్నం చేశారు.. పండుగపూట ఈ వినూత్న కానుకలు జనంలో చర్చగా మారాయి. కోళ్ళ కోసం జనం బారులు తీరారు. చివరకు కొందరికి కోళ్లు దొరకక పోవడంతో బ్యాడ్ లక్ అని నిరాశతో వెళ్ళిపోయారు. ప్రతి ఏటా ఇలా ఏదో ఒకటి పేద కుటుంబానికి ఇవ్వడం ఆనవాయితీగా వస్తుందని.. శ్రీనివాస్ తెలిపారు.

మరిన్ని తెలంగాణ వార్తల కోసం ఇక్కడ క్లిక్ చేయండి..