TSRTC: ‘తిక్క కుదిరింది’.. బస్సు పైకెక్కి రీల్స్లో పోజులు కొట్టాడు.. చివరికి సజ్జనార్ చేతుల్లో.!
సోషల్ మీడియాలో ఎలాగైనా పాపులర్ అవుదామన్న ఉద్దేశంతో ఆర్టీసీ బస్సు పైకెక్కి రీల్స్ చేస్తున్న యువకుడిని మందలించి, కౌన్సిలింగ్ ఇచ్చి మళ్లీ ఇలా చేస్తే చర్యలు తప్పవని హెచ్చరించారు ఆర్టీసీ ఎండీ సజ్జనార్. వివరాల్లోకి వెళ్తే.. సంగారెడ్డి జిల్లా హత్నూర మండలం నాగుదేవులపల్లి గ్రామానికి చెందిన డిగ్రీ విద్యార్థి సారతేజ..
Updated on: Dec 29, 2023 | 1:55 PM
సోషల్ మీడియాలో ఎలాగైనా పాపులర్ అవుదామన్న ఉద్దేశంతో ఆర్టీసీ బస్సు పైకెక్కి రీల్స్ చేస్తున్న యువకుడిని మందలించి, కౌన్సిలింగ్ ఇచ్చి మళ్లీ ఇలా చేస్తే చర్యలు తప్పవని హెచ్చరించారు ఆర్టీసీ ఎండీ సజ్జనార్. వివరాల్లోకి వెళ్తే.. సంగారెడ్డి జిల్లా హత్నూర మండలం నాగుదేవులపల్లి గ్రామానికి చెందిన డిగ్రీ విద్యార్థి సారతేజ.. నర్సాపూర్ డిపో పరిధిలోని పలు ఆర్టీసీ బస్సుల పైకి ఎక్కి రీల్స్ చేసేవాడు. ఇన్స్టాగ్రామ్లో ఓవర్నైట్ పాపులర్ కావడం కోసం హీరో రామ్ చరణ్ సినిమాలోని మగధీర మూవీలోని ఓ సాంగ్, ‘సై.. సై..’ అంటూ సాగే మరో పాటకు.. దౌల్తాబాద్ వెళ్లే మార్గంలోని రన్నింగ్ బస్సు పైకి ఎక్కి రీల్స్ చేశాడు. ఇవి సోషల్ మీడియాలో బాగా వైరల్ అవ్వడంతో ఈ యువకుడు చేసిన రీల్స్ చూసిన ఆర్టీసీ ఎండీ సజ్జనార్ విద్యార్థి సారతేజను పిలిపించి మందలించారు. కౌన్సిలింగ్ కూడా ఇచ్చారు, ఇలా ప్రమాదకరమైన రీల్స్ చేసి ప్రమాదాలకు గురి కావొద్దంటూ, ఏదైనా ప్రమాదం జరిగితే తల్లిదండ్రులు ఎంత బాధ పడతారో గుర్తు చేసుకోవాలంటూ హితపు పలికారు. సజ్జనార్ మాటలతో తనలో మార్పు వచ్చింది అని, ఇక నుంచి ఇలాంటి ప్రమాదకరమైన రీల్స్ చేయనంటూ, చదువుకుని ఉన్నతంగా జీవిస్తానంటూ యువకుడు సారతేజ ఒక వీడియోను సోషల్ మీడియాలో పోస్ట్ చేశాడు.
వీడియో 1:
వీడియో 2:
వీడియో 3:
