తెలంగాణలో పల్లెల ప్రగతే లక్ష్యంగా ముందుకు సాగుతున్నామన్నారు మంత్రులు. ఈ నెల 5 నుంచి కొత్త రేషన్ కార్డులు జారీ చేస్తామని హామీ ఇచ్చారు మంత్రి కేటీఆర్. త్వరలోనే స్వంత స్థలం ఉన్న వారికి డబుల్‌ బెడ్‌ రూమ్‌ మంజూరు చేస్తామని చెప్పారు మంత్రి హరీష్‌ రావు. గ్రామాల్లో జరుగుతున్న అభివృద్ధిని ప్రతి ఒక్కరు గర్విస్తున్నారన్నారు.
1 / 7
పల్లెల అభివృద్ది.. ప్రగతి, పచ్చదనం ధ్యేయంగా సాగుతున్న పల్లె ప్రగతి, హరితహారం కార్యక్రమం తెలంగాణలో మొదటి రోజు ఆర్భాటంగా మొదలయింది. సిరిసిల్ల జిల్లా గంభీరావుపేట మండలం రాజ‌పేట‌లో నిర్వహించిన కార్యక్రమంలో మంత్రి కేటీఆర్ పాల్గొన్నారు. ఈ సంద‌ర్భంగా గ్రామ పంచాయ‌తీ భ‌వ‌నానికి శంకుస్థాప‌న చేశారు.
2 / 7
హ‌రిత‌హారంలో భాగంగా మొక్కలు నాటిన మంత్రి.. కేటీఆర్.. 70 ఏళ్లలో జ‌ర‌గ‌ని అభివృద్ధి కార్యక్రమాల‌ను ఏడేళ్లలోనే చేసి చూపించామ‌న్నారు. ఈ నెల 5వ తేదీ నుంచి కొత్త రేషన్ కార్డులు జారీ చేస్తామ‌న్నారు. ఆస‌రా పెన్షన్లు 10 రెట్లు పెంచామ‌ని పేర్కొన్నారు. 57 ఏండ్లు నిండిన వారికి త్వరలోనే పెన్షన్లు ఇస్తామ‌న్నారు.
3 / 7
హైదరాబాద్‌ శివారులోని పెద్ద అంబర్‌పేట్‌లో జరిగిన పల్లె ప్రగతి కార్యక్రమంలో మంత్రులు కేటీఆర్, ఇంద్రకరణ్ రెడ్డి పాల్గొన్నారు. కాళేశ్వరం ప్రాజెక్టు వల్లే మానేరు నిండింద‌న్న మంత్రి కేటీఆర్.. చెరువుల నిండా నీళ్లు ఉండ‌టంతో మ‌త్స్యకారులు సంతోషంగా ఉన్నారని తెలిపారు.
4 / 7
పల్లె ప్రగతి కార్యక్రమంలో మంత్రులు కేటీఆర్ మొక్కను నాటారు.
5 / 7
అటు సిద్దిపేట జిల్లా కొండపాక మండలం ముద్దాపూర్ గ్రామ శివారులోని వ్యవసాయ క్షేత్రంలో మంత్రి హరీష్‌ రావు వరి విత్తనాలు చల్లారు. ఆ తర్వాత గ్రామంలోజరిగిన గ్రామ ప్రగతి, హరిత హారం కార్యక్రమంలో పాల్గొన్నారు. తెలంగాణ ప్రభుత్వం వచ్చిన తర్వాత వ్యవసాయంలో సాగు విధానాలను మార్చామన్నారు మంత్రి. త్వరలోనే స్వంత స్థలం ఉన్న వారికి డబుల్‌ బెడ్‌ రూమ్‌ ఇళ్ల నిర్మాణికి అనుమతిస్తామన్నారు.
6 / 7
రంగారెడ్డి జిల్లా శంషాబాద్‌ మండలం నానాజిపూర్‌ గ్రామంలో జరిగిన పల్లె ప్రకగతి కార్యక్రమంలో సీఎస్‌ సోమేష్‌ కుమార్‌ పాల్గొన్నారు. ప‌ల్లెప్రగ‌తి కార్యక్రమాంలో ప్రజా ప్రతినిధులంద‌రూ పాల్గొని క‌ష్టప‌డి ప‌ని చేస్తే గ్రామాలు అభివృద్ధి చెందుతాయ‌న్నారు.
