Telangana: గుడ్ న్యూస్.. రాష్ట్రవ్యాప్తంగా గర్భిణీలకు న్యూట్రిషన్ కిట్లు. రూ. 2 వేల విలువ చేసే..
ముఖ్యమంత్రి కేసీఆర్ తెలంగాణ ప్రజలకు గుడ్ న్యూస్ చెప్పారు. రాష్ట్రవ్యాప్తంగా న్యూట్రిషన్ కిట్లను అందజేయనున్నారు. దీనికి సంబంధించి ఆదివారం నూతన సచివాలయ ప్రారంభోత్సవం సందర్భంగా సంతకం చేశారు. ఇదిలా ఉంటే గర్భిణీల్లో పోషకాహార లోపాన్ని జయించాలనే ఉద్దేశంతో తెలంగాణ ప్రభుత్వం గతేడాది..
Updated on: Apr 30, 2023 | 7:46 PM
ముఖ్యమంత్రి కేసీఆర్ తెలంగాణ ప్రజలకు గుడ్ న్యూస్ చెప్పారు. రాష్ట్రవ్యాప్తంగా న్యూట్రిషన్ కిట్లను అందజేయనున్నారు. దీనికి సంబంధించి ఆదివారం నూతన సచివాలయ ప్రారంభోత్సవం సందర్భంగా సంతకం చేశారు. ఇదిలా ఉంటే గర్భిణీల్లో పోషకాహార లోపాన్ని జయించాలనే ఉద్దేశంతో తెలంగాణ ప్రభుత్వం గతేడాది న్యూట్రిషన్ కిట్ల పంపిణీని ప్రారంభించిన విషయం తెలిసిందే. మొదట్లో కేవలం కొన్ని జిల్లాలకే పరిమితమైన ఈ పథకాన్ని రాష్ట్ర వ్యాప్తంగా అమలు చేయాలని సీఎం నిర్ణయించారు. ఇందులో భాగంగానే తాజాగా ఈ ఫైల్పై సీఎం సంతకం చేశారు.
దీంతో రాష్ట్ర వ్యాప్తంగా 6.84లక్షల మంది గర్భిణులకు న్యూట్రిషన్ కిట్లు అందనున్నాయి. పోషకాహార లోపం, రక్తహీనతను జయించాలే ఉద్దేశంతో ప్రవేశ పెట్టిన ఈ కిట్లో కిలో ఖర్జూరాలు, ఐరన్ సిరప్ రెండు బాటిళ్లు, నెయ్యి 500 గ్రాములు, అల్బెండజోల్ ట్యాబెట్లు ఒక కప్పు, హార్లిక్స్ రెండు బాటిళ్ల చొప్పున ఈ కిట్లో ఇవ్వనున్నారు. రూ. 2 వేలు విలువ చేసే ఈ కిట్ను ప్రభుత్వం ఉచితంగా ఇస్తోంది. ఏడాదిలో రెండుసార్లు ఈ న్యూట్రిషన్ కిట్లను అందించనున్నారు.
తొలి దశలో ఈ పథకాన్ని రాష్ట్రంలోని 8 జిల్లాల్లో అందుబాటులోకి తీసుకొచ్చారు. ఈ జిల్లాల్లో పథకం విజయవంతంగా అమలు కావడంతో రాష్ట్ర వ్యాప్తంగా అమలు చేసేందుకు ప్రభుత్వం సిద్ధమైంది. ప్రభుత్వం తీసుకున్న ఈ నిర్ణయంతో రాష్ట్ర వ్యాప్తంగా సుమారు 6.84 లక్షల మంది గర్భిణులకు లబ్ధి చేకూరనుంది.
మరిన్ని తెలంగాణ వార్తల కోసం క్లిక్ చేయండి..
