పెళ్లింట విషాదం.. వివాహమైన వారం రోజులకే.. విగత జీవిగా నవవధువు

జీవితంలో పెళ్లి(Marriage) అనేది అత్యంత విశేషమైనది. ఇరువురిని మాత్రమే కాకుండా.. రెండు కుటుంబాలను ఒక్కటి చేసేదే పెళ్లి. అందుకే వివాహానికి అటు ఏడు తరాలు, ఇటు ఏడు తరాలు చూడాలని పెద్దలు అంటారు. పెళ్లి విషయంలో తొందర పనికి రాదు. అది నవ దంపతుల భవిష్యత్ ను ప్రశ్నార్థకంగా మార్చే అవకాశం ఉంది. పెళ్లికి యువతీ, యువకుల అంగీకారం చాలా అవసరం. ఏ ఒక్కరికీ ఇష్టం లేకపోయినా వివాహాన్ని మానుకోవాలి. అంతే గానీ తెలిసిన వారు, మంచి సంబంధం అని బలవంతం చేయకూడదు. కాదని చేస్తే నచ్చని వారితో జీవితాంతం కలిసి ఉండలేక అనుక్షణం సతమతమవుతుంటారు. విచక్షణ కోల్పోయి ఆత్మహత్య(Suicide) లు చేసుకునే స్థాయికి వెళ్లవచ్చు. తాజాగా హైదరాబాద్ లో జరిగిన ఓ వివాహం ఇరు కుటుంబాల్లో విషాదం నింపింది. మేనరిక సంబంధం ఇష్టం లేని ఓ వధువు.. పెళ్లయిన వారం రోజులకే ఉరేసుకుని ఆత్మహత్య చేసుకుంది.

హైదరాబాద్(Hyderabad) చర్లపల్లిలోని ఈసీనగర్‌కు చెందిన శైలజ ల్యాబ్‌ టెక్నీషియన్‌ కోర్సు పూర్తి చేసింది. ఆమె ఉప్పల్ లోని ఓ ప్రైవేటు ఆస్పత్రిలో ల్యాబ్ టెక్నీషియన్ గా విధుల్లో చేరింది. ఈ క్రమంలో శైలజకు వరంగల్‌ జిల్లా చెన్నారావుపేట మండలం లింగగిరికి చెందిన తన మేనబావను ఇచ్చి వివాహం చేశారు. బుధవారం భర్త ఉద్యోగానికి వెళ్లిన సమయంలో ఇంట్లో ఫ్యాన్ కు ఉరేసుకుంది. తలుపు తెరవకపోవడంతో చుట్టుపక్కల వారు వచ్చి తీశారు. అప్పటికే ఫ్యానుకు విగత జీవిగా వేలాడుతున్న శైలజను కిందికి దించారు. వివాహానికి ముందు మేనరికం పెళ్లి ఇష్టం లేదని శైలజ చెప్పిందని ఆమె తల్లిదండ్రులు ఆవేదన వ్యక్తం చేశారు. అందుకే బలవన్మరణానికి పాల్పడిందని అనుమానం వ్యక్తం చేశారు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

Also Read

Maruti Suzuki: మారుతి బాలెనో కొత్త మోడల్‌ అదుర్స్‌.. చిప్‌ల సరఫరాతో విక్రయాల్లో మరింత ఊపు: CEO

Andhra Pradesh: మాజీ మంత్రి కోసం పోలీసుల పడిగాపులు.. ఆయన అరెస్ట్‌ తప్పదా?

Visakhapatnam: హెటెరో డ్రగ్స్‌ పరిశ్రమలో భారీ పేలుడు.. ఐదుగురి కార్మికులకు గాయాలు.. ఇద్దరి పరిస్థితి విషమం..