Maoists Targets: పినపాక నియోజకవర్గంలో మావోయిస్టుల కలకలం.. వ్యాపారికి బెదిరింపులు..
Maoists Targets: పినపాక నియోజక వర్గంలో మళ్లీ మావోయిస్టుల అలజడి మొదలైంది. ఛత్తీస్‌గఢ్‌ సరిహద్దు నుంచి భద్రాద్రి ఏజెన్సీలో చొరబడి గోదావరి పరీవాహక ప్రాంతాల ద్వారా ఇతర జిల్లాల్లోకి వచ్చి.. రిక్రూట్
Updated on: Mar 09, 2021 | 3:01 PM
Maoists Targets: పినపాక నియోజక వర్గంలో మళ్లీ మావోయిస్టుల అలజడి మొదలైంది. ఛత్తీస్‌గఢ్‌ సరిహద్దు నుంచి భద్రాద్రి ఏజెన్సీలో చొరబడి గోదావరి పరీవాహక ప్రాంతాల ద్వారా ఇతర జిల్లాల్లోకి వచ్చి.. రిక్రూట్‌మెంట్లు చేసుకునేందుకు యత్నిస్తున్నారని నిఘా వర్గాల సమాచారం. తాజాగా ఓ వ్యాపారికి మావోయిస్టుల నుంచి బెదిరింపులు వచ్చినట్లు తెలుస్తోంది.
గతంలో గోదావరి తీరంలో ఎన్‌కౌంటర్‌లో చాలా మంది మావోలు మృతిచెందారు. అయితే కొన్ని రోజులుగా ప్రశాంతంగా ఉన్న పినపాక నియోజకవర్గం తాజా సమాచారంతో మళ్లీ మావోలు వచ్చారనే ప్రచారం జరుగుతుంది. తాజాగా మావోయిస్టు పార్టీ భద్రాచలం ఏరియా కమిటీ పేరుతో ఓ వ్యాపారికి బెదిరింపులు వచ్చాయి. సుక్మా వచ్చి కలవాలంటూ ఆదేశాలు జారీ చేశారు. అయితే ఎన్నో ఏళ్ల తరువాత మావోయిస్టుల పేరుతో బెదిరింపులు రావడంతో ఆ ఏరియా వ్యాపారులు హడలిపోతున్నారు. అయితే పోలీసులు దీనిపై నజర్ పెట్టారు. మావోయిస్టుల పేరుతో బెదిరింపులకు పాల్పడిన వారు.. నిజమైన మావోలా లేక నకిలీలా అన్న కోణంలో దర్యాప్తు చేస్తున్నారు. ఇదిలా ఉంటే మావోయిస్టులు మళ్లీ వచ్చారని ప్రచారం జరగడంతో రాజకీయ నాయకులకు, వ్యాపారులకు కంటి మీద కునుకు ఉండటం లేదు.
మరిన్ని చదవండి :
