Revanth Reddy: రేవంత్ రెడ్డి అను నేను.. తెలంగాణకు కాబోయే ముఖ్యమంత్రి గురించి ఆసక్తికర విషయాలు..

Revanth Reddy Political Profile: తెలంగాణ రాష్ట్ర రెండో ముఖ్యమంత్రిగా అనుముల రేవంత్ రెడ్డి ప్రమాణ స్వీకారం చేయనున్నారు. తెలంగాణ సీఎల్పీ నేతగా కాంగ్రెస్ అధిష్టానం ప్రకటించింది. డిసెంబర్ 7న రేవంత్ రెడ్డి ముఖ్యమంత్రిగా ప్రమాణ స్వీకారం చేస్తారు. తెలంగాణలో కాంగ్రెస్ పార్టీని అధికారంలోకి తీసుకువచ్చేందుకు రేవంత్ రెడ్డి చేసిన ప్రయత్నాలను గుర్తించిన కాంగ్రెస్ పార్టీ రేవంత్ రెడ్డి వైపే మొగ్గుచూపింది. అయితే, రేవంత్ రెడ్డి పేరును సీఎంగా ప్రకటించడంతో కాంగ్రెస్ శ్రేణులు సంబరాల్లో మునిగాయి.

రేవంత్ రెడ్డి రాజకీయ జీవితం సాధారణ కార్యకర్త నుంచి కొనసాగింది. రేవంత్ రెడ్డి ప్రొఫైల్‌ను ఒకసారి చూడండి..

నాగర్‌కర్నూల్ జిల్లా కొండారెడ్డి పల్లి గ్రామంలో రేవంత్ రెడ్డి.. 1969 నవంబరు 8న జన్మించారు. తండ్రి పేరు దివంగ‌త అనుముల న‌ర్సింహ రెడ్డి.. త‌ల్లి అనుముల రామ‌చంద్రమ్మ. ఉమ్మడి మ‌హ‌బూబ్‌న‌గ‌ర్‌కి చెందిన రేవంత్ రెడ్డికి చిన్ననాటి నుంచే రాజ‌కీయాల ప‌ట్ల ఆస‌క్తి క‌న‌బ‌రిచేవారు. గ్రాడ్యూయేష‌న్ చ‌ద‌వుతున్న స‌మ‌యంలో ఆయ‌న అఖిల భార‌త విద్యార్థి ప‌రిష‌త్ (ఏబీవీపీ) నాయ‌కుడిగా పనిచేశారు. ఉస్మానియా విశ్వవిద్యాల‌యం ఏ.వీ. కాలేజీ నుంచి డిగ్రీ పూర్తి చేసిన త‌ర్వాత ప్రముఖ కాంగ్రెస్ నేత జైపాల్ రెడ్డి మేన‌కోడ‌లు గీతాను వివాహ‌మాడారు. రేవంత్ రెడ్డి, గీత దంపతులకు ఒక కుమార్తె ఉంది.

రేవంత్ రెడ్డి ప్రొఫైల్..

• 2006లో మిడ్జిల్ మండలం జడ్పీటీసి సభ్యుడిగా విజయం
• 2007లో స్థానిక సంస్థల ఎమ్మెల్సీ గా స్వాతంత్య్రంగా ఎన్నిక
• 2009లో జరిగిన అసెంబ్లీ ఎన్నికల్లో తెలుగుదేశం నుంచి కొడంగల్ ఎమ్మెల్యేగా గెలుపు
• 2014లో రెండోసారి ఎమ్మెల్యేగా గెలిచారు.
• 2014–17 మధ్య టీడీపీ వర్కింగ్ ప్రెసిడెంట్.
• 2017 అక్టోబరులో టిడిపికి రాజీనామా
• 2017లో కాంగ్రెస్‌ పార్టీలో చేరిక
• 2018లో టీపీసీసీ వర్కింగ్‌ ప్రెసిడెంట్‌
• 2018 డిసెంబరులో జరిగిన అసెంబ్లీ ఎన్నికల్లో కొడంగల్ నుండి పోటీ చేసి ఓటమి
• 2019 మేలో జరిగిన లోక్‌సభ ఎన్నికల్లో కాంగ్రెస్ తరపున మల్కాజిగిరి పార్లమెంట్ ఎన్నికల్లో విజయం
• 2021లో జూన్ 26న పీసీసీ అధ్యక్ష్యుడిగా రేవంత్ రెడ్డి నియామకం..
• 2021 జూలై 7న టీపీసీపీ అధ్యక్షుడిగా ప్రమాణ స్వీకారం చేశారు.

మరిన్ని తెలంగాణ వార్తల కోసం ఇక్కడ క్లిక్ చేయండి..