Hyderabad: రోడ్డు పక్కన చెత్త కుప్పలో భారీ గోనెసంచి.. ఓపెన్ చేయగా షాక్..
కూకట్‌పల్లిలో మహిళ డెడ్‌బాడీ వెనుక ఇంకా మిస్టరీ తేలాల్సి ఉంది. అయితే నిన్న షాద్‌నగర్‌లో దొరికిన మృతదేహం వెనుక మాత్రం ఓ కథ ఉంది. దేవకి అనే మహిళ నుంచి రాములు, శారద అనే దంపతులు లక్షన్నరకు ఓ బాలుడ్ని కొన్నారు. పిల్నాడ్ని ఇచ్చినందుకు అదనంగా డబ్బు డిమాండ్ చేసింది. లేదంటే పిల్లాడ్ని వెనక్కి ఇచ్చేయాలని పట్టు పట్టింది.
Updated on: May 03, 2023 | 11:05 AM
హైదరాబాద్‌లోని కూకట్‌పల్లిలో భయానక దృశ్యం కనిపించింది. గాంధీనగర్‌లో మంగళవారం రాత్రి చెత్త కుప్పలో గోనె సంచి అనుమానాస్పదంగా కనిపించింది. పైగా అందులోంచి దుర్వాసన వస్తుండటంతో అనుమానం వ్యక్తం చేసిన స్థానికులు పోలీసులకు సమాచారం అందించారు. వెంటనే ఘటనా స్థలికి చేరుకున్న పోలీసులు.. గోనె సంచిని తెరిచి చూడగా మైండ్ బ్లాంక్ సీన్ కనిపించింది. అత్యంత కిరాతకంగా చంపేసిన మహిళ మృతదేహం కనిపించింది. మహిళను హత్య చేసి గోనెసంచిలో కుక్కి, చెత్తవేసే ప్రదేశంలో పడేసినట్లు నిర్ధారణకు వచ్చారు పోలీసులు. మృతురాలి వయసు 30 నుంచి 35 ఏళ్ల మధ్య ఉండొచ్చని అంచనా వేస్తున్నారు పోలీసులు. కాగా, ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
కలకలం రేపుతున్న గోనె సంచుల్లో మృతదేహాలు..
మంగళవారం నాడు షాద్‌నగర్ లోని రాంనగర్ కాలనీలో గోనె సంచిలో ఓ మహిళ మృతదేహం లభ్యమైంది. మృతురాలిని గోనె సంచిలో చుట్టి పడేశారు దుండగలు. ఇక గత నెల 12వ తేదీన రంగారెడ్డి జిల్లా తుక్కుగూడలో గోనె సంచిలో మృతదేహం లభ్యమైంది. రోడ్డు పక్కన పొదల్లో పడేశారు దుండగులు. మహిళను అత్యాచారం చేుసి, హత్య చేసి ఉంటారని పోలీసులు అనుమానం వ్యక్తం చేశారు.
అయితే, మంగళవారం నాడు షాద్‌నగర్‌లో దొరికిన మృతదేహం వెనుక మాత్రం ఓ కథ ఉంది. దేవకి అనే మహిళ నుంచి రాములు, శారద అనే దంపతులు లక్షన్నరకు ఓ బాలుడ్ని కొన్నారు. పిల్నాడ్ని ఇచ్చినందుకు అదనంగా డబ్బు డిమాండ్ చేసింది. లేదంటే పిల్లాడ్ని వెనక్కి ఇచ్చేయాలని పట్టు పట్టింది. మొన్న రాత్రి కూడా ఇదే విషయంపై ఇద్దరి మధ్య గొడవ జరిగింది. ఆ తర్వాత రాములు అతని భార్య కలిసి దేవకిని హత్య చేసి గోనెబస్తాలో కుక్కారు.
మరిన్ని తెలంగాణ వార్తల కోసం ఈ లింక్ క్లిక్ చేయండి..
