వైఎస్సార్ అనుచరుడు సూరీడుపై దాడి.. క్రికెట్ బ్యాట్‌తో కొట్టిన సొంత అల్లుడు.. కారణాలు ఇలా ఉన్నాయి..

Sureedu Attacked By Son in Law : దివంగత నేత వైఎస్ రాజశేఖర్ రెడ్డి అనుచరుడిగా గుర్తింపు పొందిన సూరీడిపై దాడి జరిగింది. ఆయన ముఖ్యమంత్రిగా

Sureedu Attacked By Son

uppula Raju |

Updated on: Mar 24, 2021 | 1:18 PM

Sureedu Attacked By Son in Law : దివంగత నేత వైఎస్ రాజశేఖర్ రెడ్డి అనుచరుడిగా గుర్తింపు పొందిన సూరీడిపై దాడి జరిగింది. ఆయన ముఖ్యమంత్రిగా ఉన్నప్పుడు వెన్నంటే ఉండేవాడు. తాజాగా సొంత అల్లుడే అతడిపై దాడి చేశాడని తెలుస్తోంది. వివరాలు ఇలా ఉన్నాయి.. జూబ్లీహిల్స్‌లోని సూరీడు ఇంటికి వచ్చిన అల్లుడు సురేంద్రనాథ్‌ క్రికెట్‌ బ్యాట్‌తో అతడిపై దాడి చేశాడు. గతంలో సురేంద్రనాథ్‌పై సూరీడు కూతురు గృహహింస కేసు పెట్టింది. దీంతో కేసు ఉపసంహరించుకోవడం లేవని సురేంద్రనాధ్ గతంలో బెదిరింపులకు దిగాడు.

ఇప్పుడు ఏకంగా ఇంటికి వచ్చే దాడి చేశాడని తెలుస్తోంది. సూరీడు కుమార్తె ఫిర్యాదుతో పోలీసులు కేసు నమోదు చేశారు. కాగా అతడి కుమార్తె గంగా భవానీని సురేంద్రనాథ్‌ కొన్నాళ్ల క్రితం వివాహం చేసుకున్నాడు. భర్త వేధింపులు తట్టుకోలేకపోయిన భవానీ పుట్టింటికి వచ్చేసి అతడిపై గృహ హింస కేసు పెట్టింది. ఈ నేపథ్యంలో ఇరు కుటుంబాల మధ్య గొడవలు జరుగుతున్నాయి.