Limca Book of Records: తక్కువైంది జస్ట్ ఎత్తు మాత్రమే.. పట్టుదల కాదు.. హైదరాబాద్ వ్యక్తి రికార్డ్.. ఎందుకంటే..

Limca Book of Records: తెలంగాణ నుంచి స్ఫూర్తిదాయకమైన సంఘటన ఒకటి వెలుగులోకి వచ్చింది. తెలంగాణకు చెందిన గట్టిపల్లి శివలాల్, కేవలం మూడు అడుగుల పొడవు, డ్రైవింగ్ లైసెన్స్ పొందిన దేశంలోనే మొదటి వ్యక్తిగా నిలిచారు. దేశంలో ఏదైనా వాహనం నడపాలంటే లైసెన్స్ తప్పనిసరి. భారత ప్రభుత్వం లైసెన్స్ పొందేందుకు వయస్సుతో సహా కొన్ని ఇతర నిబంధనలు.. షరతులను నిర్దేశించింది. కానీ, దేశంలోనే తొలిసారిగా మూడు అడుగుల వ్యక్తికి డ్రైవింగ్ లైసెన్స్ జారీ చేశారు. ఇంత తక్కువ ఎత్తుతో డ్రైవింగ్ లైసెన్స్ పొందిన దేశంలోనే మొదటి వ్యక్తి గట్టిపల్లి శివలాల్.

కూకట్‌పల్లి నివాసి శివలాల్, 42, ఈయన వయసు కేవలం మూడు అడుగులు మాత్రమే. ఈయన రోజూ బస్సుల్లోనూ.. మెట్రోలోనూ ప్రయాణించాల్సి వచ్చేది. ఇందులో చాలా ఇబ్బందులు ఎదుర్కోవాల్సి వచ్చేది. శివలాల్‌కు డ్రైవింగ్‌ రాదు కాబట్టి, అతను ప్రయాణించడానికి ప్రజా రవాణాను ఉపయోగించాల్సి వచ్చింది. ఈ కారణంగా ప్రజలు అతనిని వెక్కిరిస్తూ వింత కళ్లతో చూసేవారు. దీంతో మానసికంగా కుంగిపోయేవాడు. ఆ తర్వాత శివలాల్ స్వయంగా డ్రైవింగ్ నేర్చుకోవాలని నిర్ణయించుకున్నాడు.

Telangana | A Hyderabad man, Gattipally Shivpal becomes the first dwarf to receive a Driving license in India. Gattipally Shivlal is 42 years old and about 3 feet tall. He finished his degree in 2004 &was the first to complete the degree as a handicapped in his district. pic.twitter.com/phfhdT4oi8

— ANI (@ANI) December 4, 2021

డ్రైవింగ్‌ స్కూల్‌ను తెరవాలని..

శివలాల్ ఇప్పుడు తన భార్యకు కారు నడపడం నేర్పిస్తున్నాడు. తనలాంటి వారు కూడా డ్రైవింగ్ నేర్చుకునేలా నగరంలో ప్రత్యేక డ్రైవింగ్ స్కూల్ ను ప్రారంభించాలని యోచిస్తున్నాడు. తన ప్రయత్నంతో తెలంగాణ ప్రభుత్వం కూడా గేర్లు లేని సెల్ఫ్ ప్రొపెల్డ్ వాహనాలకు ఆమోదం తెలిపింది.

లిమ్కా బుక్ ఆఫ్ రికార్డ్స్‌లో నమోదైంది

ఇంత పొట్టివాడు తొలిసారి డ్రైవింగ్ లైసెన్స్ పొంది తెలుగు బుక్ ఆఫ్ రికార్డ్స్, లిమ్కా బుక్ ఆఫ్ రికార్డ్స్ లో శివలాల్ పేరు నమోదైంది. ఈయన డ్రైవింగ్ నేర్చుకోవడం కోసం అమెరికా వెళ్లారు. డ్రైవింగ్ నేర్చుకుని తిరిగొచ్చినా ఇండియాలో లైసెన్సు తీసుకుని డ్రైవింగ్ చేయడం అంత ఈజీ కాకపోయినా పట్టు వదలలేదు. ఈ క్రమంలో హైదరాబాద్‌లో ఓ కారు డిజైన్‌ చేసిన వ్యక్తి గురించిన సమాచారం తెలుసుకున్నాడు. శివలాల్ కారులో కొన్ని మార్పులు చేయమని ఆ వ్యక్తిని కోరాడు. అతను ఇలా అంటాడు, “ఆ కారు పెడల్స్ సాధారణం కంటే ఎత్తుగా ఉన్నాయి. నా పాదాలు అక్కడికి చేరుకోగలవు.

అనేక ఇబ్బందులు ఎదుర్కోవాల్సి వచ్చింది

డ్రైవింగ్ నేర్చుకునేటప్పుడు చాలా ఇబ్బందులు ఎదుర్కొన్నాడు. ఒక్కోసారి నిరుత్సాహానికి గురయ్యేవాడు. కానీ ఒక్కసారి అమెరికాలో కారు నడుపుతున్న ఓ వ్యక్తి వీడియో చూసి అతడికి నమ్మకం పెరిగింది. డ్రైవింగ్ నేర్చుకునేందుకు చాలా చోట్ల దరఖాస్తు చేసుకున్నాడు. కానీ అన్ని చోట్లా తిరస్కరణకు గురయ్యాడు.

ఇవి కూడా చదవండి: Omicron Tension: ఒమిక్రాన్ భయం.. ఆటోమొబైల్..ఎలక్ట్రానిక్ కంపెనీలు ఏం చేస్తున్నాయంటే..

Cryptocurrency: భారీ క్రిప్టోకరెన్సీ చోరీ.. సైబర్ దాడితో హ్యాకర్లు చేసిన పని.. ఎన్ని క్రిప్టో టోకెన్‌లను దొంగిలించారంటే..

Corona Tension: ఉపరాష్ట్రపతి వెంకయ్యనాయుడును కలిసిన మంగోలియా ప్రతినిధి బృందంలో కరోనా కలకలం