Hyderabad: మాకూ మీ రూల్స్‌ తెలుసమ్మా.. నెట్టింట వైరల్‌ అవుతున్న ఓ శునకం!

కొన్ని జంతువులు చేసే పనులు అప్పుడప్పుడు మనుషులను బలే ఆశ్చర్యపరుస్తాయి. అవి తమ తెలివితేటలతో అందరినీ ఆకట్టుకుంటాయి. అలా ప్రవర్తించిన జంతువులకు సంబంధించిన వీడియోలు సోషల్‌ మీడియాలో ఎప్పుడూ వైరల్‌ అవుతూ ఉంటాయి. తాజాగా అలాంటి వీడియోనే ఒకటి సోషల్ మీడియాలో ట్రెండ్‌ అవుతుంది. ఆ వీడియోలో ఓ మూగజీవి చేసిన పనిని ఏకంగా పోలీసులే వీడియో తీసి సోషల్ మీడియాలో పోస్ట్ చేశారు. అది చేసిన పనికి శభాష్ అని మెచ్చుకున్నారు.

వివరాళ్లలోకి వెళితే… ఓ వీధికుక్క ట్రాఫిక్ నియమాలను చక్కగా పాటిస్తున్న రోడ్డు దాటిన ఓ వీడియోను హైదరాబాద్ ట్రాఫిక్ పోలీసులు సోషల్‌ మీడియాలో పోస్ట్ చేశారు. పోలీసులు పోస్ట్ చేసిన వీడియోలో.. ఓ వీధి కుక్క తనకు అన్ని తెలిసినట్టు ట్రాఫిక్‌ నియమాలను పాటిస్తూ రోడ్డు దాటింది. అయితే రోడ్డుపైకి వచ్చిన ఓ వీధికుక్క ఒక సైడ్‌గా వెళ్లి రోడ్డు జీబ్రా క్రాసింగ్ దగ్గరకు వచ్చింది. వాహనాలు అన్ని వెళ్తుండం చూసి అక్కడే ఆగింది. ఇక సిగ్నల్ పడిన వెంటనే వాహనాలు అన్ని ఆగిపోయాయి. అది గమనించిన ఆ వీధికుక్క జీబ్రా క్రాసింగ్ పై నుంచి నుడుచుకుంటూ వెళ్లి రోడ్డు క్రాస్ చేసింది. మళ్లీ ఆ రోడ్డు నుంచి మరో రోడ్డుకు వెళ్లేందుకు కూడా సిగ్నల్ పడే దాకా వెయిట్‌ చేసి .. సిగ్నల్ పడి వాహనాలు ఆగిన తర్వాత.. మళ్లీ జీబ్రా క్రాసింగ్ మీద నుంచి నడుచుకుంటూ వెళ్లి రోడ్డు దాటి వెళ్లిపోయింది.

#HYDTPweBringAwarenessSometimes, the smallest creatures give us the biggest lessons. 🐕 #RespectRules #DriveSafe #ObeyTheRules #RoadDiscipline #PedistrainWay #RoadSafety pic.twitter.com/3xN2gm4SCq

— Hyderabad Traffic Police (@HYDTP) May 20, 2025

ఇది గమనించిన అక్కడ ఉన్న ట్రాఫిక్ పోలీసులు ఆ వీధి కుక్క ట్రాఫిక్ నియామాలను పాటిండాన్ని వీడియో తీసి సోషల్ మీడియాలో పోస్ట్ చేసిన పోలీసులు “కొన్నిసార్లు, చిన్న జీవులు కూడా మనకు పెద్ద పాఠాలను నేర్పుతాయి అనే క్యాప్షన్ రాసుకొచ్చారు. దీంతో ఈ వీడియో సోషల్ మీడియాలో వైరల్‌గా మారింది. ఈ వీడియో చూసిన నెటిజన్లు ఆ వీధికుక్క చేసిన పనికి హ్యాట్సాప్ కొడుతున్నారు.

మరిన్ని తెలంగాణ వార్తల కోసం ఇక్కడ క్లిక్ చేయండి..