Hyderabad: విడాకుల కోసం వచ్చిన మహిళను ట్రాప్ చేసిన లాయర్.. వీడియోలు తీసి.. శారీరకంగా

ఆమెకు వైవాహిక బంధంలో ఇబ్బందులు తలెత్తాయి. భర్తతో కలిసి ప్రయాణం సాగించడం కష్టం అనిపించింది. విడాకుల తీసుకుని.. తన దారిలో తాను నడవాలని నిర్ణయించకుంది. ఈ క్రమంలో విడాకులు ఇప్పించాలని ఓ లాయర్‌ను ఆశ్రయించింది. కాగా లైఫ్ లో డిస్టబ్ అయ్యి.. నైరాశ్యంలో ఉన్న ఆ మహిళపై సదరు లాయర్ కన్నేశాడు. మాయమాటలు చెప్పి.. వీడియోలు తీసి.. బెదిరించి ఆమెను లోబరుచుకున్నాడు. అనంతరం పదే, పదే వేధిస్తూ ఉండటంతో.. ఆమె ఇక తాళలేక పోలీసులను ఆశ్రయించింది.  మల్కాజిగిరి పోలీసులు తెలిపిన వివరాల ప్రకారం.. ఓ ప్రైవేట్ సంస్థలో పనిచేసే మహిళ(25)కు రెండేళ్ల క్రితం పెళ్లైంది. భర్తతో మనస్పర్థలు తలెత్తడంతో విడాకులు తీసుకునేందుకు గతేడాది జూన్‌లో ఓ లాయర్‌ను కలిసింది. ఈ క్రమంలోనే.. కట్టుకథలు చెప్పి పలుమార్లు తన ఆఫీసుకు రప్పించుకున్న లాయర్ ఆమెతో చనువు పెంచుకున్నాడు. బాధితురాలు అద్దెకు ఇల్లు వెతుకుతోందని తెలుసుకుని… తాను నివసించే ప్రాంతంలోనే ఒక ఫ్లాట్‌ బాగుందని చెప్పి.. అందులో దిగేలా చేశాడు.

ఇక్కడే అతడు తన గేమ్ ప్లాన్ ను అమలు చేశాడు. ఆ ఫ్లాట్ లో  ఆమెకు తెలియకుండా సీసీ కెమెరాలను ఏర్పాటు చేశాడు. బాధితురాలు దుస్తులు మార్చుకునే సమయంలో వీడియోలు షూట్ చేశాడు. ఆ వీడియోలను బాధితురాలికి చూపించి.. బెదిరించి శారీరకంగా లోబరుచుకున్నాడు. తనను వదిలేయాలని ఆమె వేడుకున్న ఆ న్యాయవాది అస్సలు పట్టించుకోలేదు. పైగా అతడి వేధింపులు రోజురోజుకు మరింత పెరుగుతూ ఉండటంతో..   విసిగి వేసారిపోయిన బాధితురాలు మల్కాజిగిరి పోలీసులకు కంప్లైంట్ చేసింది. దీనిపై కేసు నమోదు చేసిన పోలీసులు దర్యాప్తు చేస్తున్నారు.

Also Read: పెళ్లి వేడుకలో డ్యాన్స్ చేస్తోన్న వధువును చెంపపై కొట్టిన వరుడు.. ఆమె దిమ్మతిరిగే షాక్ ఇచ్చింది