రోడ్డు ప్రమాదంలో మరణించినా.. మానవత్వం చాటుకున్న కానిస్టేబుల్..

కామారెడ్డి మున్సిపల్ పరిధిలోని దేవునిపల్లిలో శివాజీ విగ్రహం వద్ద ఫిబ్రవరి 11న సాయంత్రం ఏడు గంటలకు రోడ్డు ప్రమాదం జరిగింది. బైక్‎పై వెళ్తున్న కార్తీక్‎కు కుక్క అడ్డు రావడంతో దానిని తప్పించబోయి రోడ్డు పక్కన గల కంకర కుప్పపై పడిపోయారు. ఈ ప్రమాదంలో కానిస్టేబుల్ కార్తీక్ కు తీవ్ర గాయాలు కాగా బ్రెయిన్ డెడ్ కు గురవడంతో అవయవాలు దానం చేశారు. ఈ సంఘటనకు సంబంధించిన వివరాలు ఈ విధంగా ఉన్నాయి. కామారెడ్డి పట్టణ కేంద్రానికి చెందిన కార్తీక్ (27) అనే కానిస్టేబుల్ డిచ్ పల్లి లోని 7వ బెటాలియన్‎లో కానిస్టేబుల్‎గా విధులు నిర్వహిస్తున్నారు. ఈనెల 11న సాయంత్రం ఏడు గంటల ప్రాంతంలో లింగాపూర్ నుంచి కామారెడ్డి వైపు వస్తున్నారు.

దేవునిపల్లి శివాజీ విగ్రహం వద్ద కుక్క అడ్డు రావడంతో కుక్కను తప్పించబోయి రోడ్డు పక్కన గల కంకర కుప్పపై పడి తలకు తీవ్ర గాయాలయ్యాయి. బైక్‎పై నుంచి కిందపడిన అతనిని వెంటనే గమనించిన స్థానికులు చికిత్స నిమిత్తం కామారెడ్డి గవర్నమెంట్ ఏరియా హాస్పిటల్‎కు తరలించారు. ఆరోగ్య పరిస్థితి విషమంగా ఉండడంతో మెరుగైన చికిత్స నిమిత్తం హైదరాబాద్‎లోని కిమ్స్ హాస్పిటల్‎కు తరలించారు. బ్రెయిన్ డెడ్‎కు గురి కావడంతో కుటుంబ సభ్యులు అవయవాలను దానం చేయడానికి ముందుకు వచ్చి కార్తిక్ అవయవాలను దానం చేశారు. కార్తీక్ మృతితో కుటుంబంలో విషాదఛాయలు అలుముకున్నాయి. మృతునికి భార్య సంజన ఉన్నారు. కార్తీక్ తండ్రి గంగాధర్ ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు స్థానిక దేవునిపల్లి ఎస్సై రాజు తెలిపారు.

ఇవి కూడా చదవండి

తెలంగాణలో తెరపైకి విగ్రహాల వివాదం.. కాంగ్రెస్‎పై బీఆర్ఎస్ ఆగ్రహం

చేతకాకపోతే దిగిపోండి.. సీఎం రేవంత్ రెడ్డిపై హరీష్ రావు ఫైర్

మరణం లోనూ వీడని బంధం.. చావు లోనూ తోడుగా..

కూపీలాగితే అనకొండే కదులుతోంది.. రేపో మాపో వలలోకి పెద్ద బాస్..?

మరిన్ని తెలంగాణ వార్తల కోసం ఇక్కడ క్లిక్ చేయండి..