ChatGPT: ఏఐతో షాపింగ్.. అద్భుతాన్ని ఆవిష్కరించిన చాట్ జీపీటీ..!

ఈమెయిల్స్ డ్రాఫ్టింగ్ దగ్గర నుంచి ఇటీవల వచ్చిన గిబ్లీ స్టైల్ ఇమేజ్ వరకూ  చాట్ జీపీటీ ఎన్నో అద్భుతాలు ఆవిష్కరిస్తోంది. ఇప్పుడు మరో ఒక ఆసక్తికర అప్ గ్రేడ్ ను ఓపెన్ ఏఐ తీసుకొచచింది. అదే ఈ-కామర్స్. అవునండి చాట్ జీపీటీ ద్వారా ఇకపై షాపింగ్ చేయొచ్చు. అమెజాన్ ఫ్లిప్ కార్ట్ ప్లాట్ ఫాం లలో ఎలా సెర్చ్ చేసి షాపింగ్ చేస్తామో.. అదే పంథాలో ఇకపై మనకు అవసరమైన వస్తువులను, మన అభిరుచికి అనుగుణంగా చాట్ జీపీటీ ద్వారా కొనుగోలు చేయొచ్చు. దీనికి సంబంధించిన పూర్తి వివరాలు ఇప్పుడు చూద్దాం..

సరికొత్త డిఫాల్ట్ జీపీటీ-4ఓ మోడల్..

ఇప్పటి వరకూ ఏదైనా వస్తువు కొనుగోలు చేయాలంటే.. లేదా ఎవరికైనా గిఫ్ట్ కొనుగోలు చేయాలంటే ఎలాంటి గిఫ్ట్ కావాలని అని చాట్ జీపీటీ అడిగితే అది సజెషన్స్ ఇస్తుంది. ఇకపై మీరు అమెజాన్, ఫ్లిప్ కార్ట్ వంటి వాటిల్లో మాదిరిగా కస్టమర్ రివ్యూలు ఉంటాయి, పర్సనలైజ్డ్ రికమండేషన్ల ద్వారా మంచి వస్తువులను కొనుగోలు చేసుకునే వెసులుబాటు కలుగనుంది. అందుకోసం షాపింగ్ కేంద్రీకృత అప్ గ్రేడ్ ను ఓపెన్ ఏఐ తీసుకొచ్చింది. ఏఐ చాట్ బాట్ ద్వారా ఇప్పుడు మీరు ప్రోడక్ట్ ల చిత్రాలు, ధరలు, సమీక్షలు, కొనుగోలు లింక్ లను కూడా పొందుతారు. డిఫాల్ట్ జీపీటీ-4ఓ మోడల్ ద్వారా ఈ సామర్థ్యం చాట్ జీపీటీకి వచ్చింది. ఇది ప్రపంచ వ్యాప్తంగా అందుబాటులోకి వచ్చింది. ప్రో, ప్లస్, ఫ్రీ, సైన్ ఇన్ చేయకుండా ప్లాట్ ఫారం యాక్సెస్ చేసే వినియోగదారులతో సహా ఇది అందుబాటులో ఉంటుంది.

కంపెనీ పోస్ట్ ఇలా..

ఓపెన్ ఏఐ ఈ కొత్త మోడల్ ను తీసుకొచ్చిన సందర్భంగా తన అధికారిక ఎక్స్ అకౌంట్లో కీలక ప్రకటన చేసింది. చాట్ జీపీటీ సెర్చింగ్ కు అనేక అప్ డేట్ లను ప్రారంభించామని చెప్పడానికి తాము సంతోషిస్తున్నామని పేర్కొంది. వినియోగదారులకు మెరుగైన షాపింగ్ అనుభవాన్ని అందించడానికి ఈ కొత్త అప్ డేట్ ను పరిచయం చేశామని చెప్పారు. చాట్ జీపీటీలో ఉత్పత్తులను కనుగొనడం, పోల్చడం, కొనుగోలు చేయడం కోసం వంటి వాటిని సులభతరం చేయడం, వేగవంతం చేయడంపై ప్రయోగాత్మకంగా దీనిని ఆవిష్కరించినట్లు చెప్పారు. మెరుగైన ఉత్పత్తి ఫలితాలు, దృశ్య ఉత్పత్తి వివరాలు, ధర, సమీక్షలు, కొనుగోలు చేయడానికి ప్రత్యక్ష లింక్‌లు వంటివి చాట్ బాట్ ద్వారా అందుతాయని పేర్కొన్నారు.

ఇవి కూడా చదవండి

మే 1 నుంచి మారనున్న నిబంధనలు.. మీ జేబుపై మరింత భారం!

కస్టమర్లకు అలర్ట్‌.. మే 1న బ్యాంకులకు సెలవేనా..?

తిరుపతి వెళ్లేందుకు ప్లాన్‌ చేస్తున్నారా..? మీకో బంపర్‌ న్యూస్‌..

అక్షయ తృతీయ రోజు షాకిచ్చిన బంగారం ధర.. హైదరాబాద్‌లో తులం ఎంతంటే?

ఎలా పని చేస్తుందంటే..?

వినియోగదారుల ప్రశ్నలకు అనుగుణంగా వ్యక్తీగతీకరించిన రిజల్ట్స్ ను చాట్ జీపీటీ అందిస్తుందని ఓపెన్ ఏఐ పేర్కొంది. థర్డ్ పార్టీ సోర్సుల నుంచి అందుబాటులో ఉన్న ధరలు, వివరణలు, సమీక్షలను విశ్లేషించి, నిర్మాణాత్మక డేటాను చాట్ బాట్ అందిస్తుందని వివరించింది. అయితే ఈ ప్లాట్‌ఫామ్ ద్వారా చేసే కొనుగోళ్ల నుంచి కంపెనీ ఏ విధమైన రిఫెరల్ కమీషన్‌లను పొందదని కూడా ఓపెన్ ఏఐ స్పష్టం చేసింది.