Amazon Alexa: ‘అలెక్సా’ పేరు మార్చాలని డిమాండ్‌ చేస్తున్న తల్లిదండ్రులు.. ఒత్తిడికి గురై స్కూళ్లకు వెళ్లడం లేదంటూ.
Amazon Alexa: ఇప్పుడంతా టెక్నాలజీ రాజ్యమేలుతోంది. మనిషి చేసే ప్రతీ పనిని కంప్యూటర్‌, స్మార్ట్‌ ఫోన్‌ చేసి పెడుతోంది. ఈ క్రమంలో అందుబాటులోకి వచ్చిన అద్భుత సాధనమే వర్చువల్‌ అసిస్టెంట్‌. అడిగిన వెంటనే నచ్చిన పాటను ప్లే చేయడం, తాజా వార్తలు...
Amazon Alexa: ఇప్పుడంతా టెక్నాలజీ రాజ్యమేలుతోంది. మనిషి చేసే ప్రతీ పనిని కంప్యూటర్‌, స్మార్ట్‌ ఫోన్‌ చేసి పెడుతోంది. ఈ క్రమంలో అందుబాటులోకి వచ్చిన అద్భుత సాధనమే వర్చువల్‌ అసిస్టెంట్‌. అడిగిన వెంటనే నచ్చిన పాటను ప్లే చేయడం, తాజా వార్తలు తెలియజేయడం.. ఒక్కటేమిటి ఇలా చెప్పుకుంటూ పోతే వర్చువల్‌ అసిస్టెంట్‌ చేయని పనంటూ ఏది లేదు. ప్రస్తుతం యాపిల్‌ ‘సిరి’, అమేజాన్‌ ‘అలెక్సా’ పేరుతో ఈ డివైజ్‌లను అందుబాటులోకి తీసుకొచ్చిన విషయం తెలిసిందే. ఈ డివైజ్‌లను ఈ పేర్లతో పిలిస్తేనే స్పందిస్తాయని మనకు తెలిసిందే. అయితే ప్రస్తుతం ఇదే పేరు అమేజాన్‌కు తలనొప్పి తీసుకొచ్చింది.
వివరాల్లోకి వెళితే.. యూకేలో ఎక్కువ మందికి అలెక్సా అనే పేరు ఉంటుంది. ఈ కారణంగా ఈ పేరు ఉన్న చిన్నారులను స్కూళ్లలో తోటి విద్యార్థులు.. ‘హే అలెక్సా’.. ‘హే అలెక్సా’ అంటూ వర్చువల్‌ అసిస్టెంట్‌కు ఆదేశాలు ఇచ్చినట్లుగా.. కామెంట్‌ చేస్తున్నారు. దీంతో చిన్నారులు తీవ్ర ఒత్తడికి గురవుతున్నారని. కొందరు చిన్నారులు పాఠశాలకు వెళ్లడానికి కూడా భయపడుతున్నారని యూకేకు చెందిన పేరెంట్స్‌ ఆరోపిస్తున్నారు. అమేజాన్‌ వెంటనే.. ‘అలెక్సా’ పేరును మార్చాలని డిమాండ్‌ చేస్తున్నారు. తమ చిన్నారుల మానసిక ఆరోగ్యాన్ని దెబ్బతీస్తున్న వర్చువల్‌ అసిస్టెంట్‌ పేరు మార్చాలని ఆందోళనలు మొదలు పెట్టారు. దీంతో ఈ విషయం తెలుసుకున్న అమేజాన్‌.. అలాంటి సంఘటనలపై విచారం వ్యక్తం చేసింది. ఈ నేపథ్యంలో యూజర్లకు ఓ సూచన చేసింది. వర్చువల్‌ అసిస్టెంట్‌ను అలెక్సా పేరుకు బుదులుగా.. ఎకో, కంప్యూటర్‌, అమెజాన్‌ వంటి పేర్లతోనూ వర్చువల్‌ అసిస్టెంట్‌కు కమాండ్‌ ఇవ్వొచ్చని తెలిపింది. ఇక కమాండ్స్‌ ఇవ్వడానికి మరిన్ని మార్గాలు వెతుకుతున్నామని అమేజాన్‌ తెలిపింది.
Also Read: WhatsApp: అప్పటి వరకు ఒత్తిడి.. ఆంక్షలు ఉండవు.. ప్రైవసీ పాలసీపై కోర్టుకు వివరించిన వాట్సాప్
