Tech Tips: నంబర్ సేవ్ చేయకుండా వాట్సాప్లో కాల్ చేసే ట్రిక్ మీకు తెలుసా?
Tech Tips: మీరు స్మార్ట్ఫోన్ యూజర్ అయితే , ప్రతిరోజూ వాట్సాప్ ఉపయోగిస్తుంటే, ఈ ట్రిక్ మీకు చాలా ఉపయోగకరంగా ఉంటుంది. ఇప్పుడు మీరు చిన్న పనుల కోసం నంబర్లను సేవ్ చేయవలసిన అవసరం లేదు. లింక్ను టైప్ చేసి వాట్సాప్..
Updated on: Jun 19, 2025 | 2:47 PM
Tech Tips: నేటి యుగంలో వాట్సాప్ కేవలం చాటింగ్ యాప్ కాదు, మనం వీడియో కాల్స్, వాయిస్ కాల్స్, డాక్యుమెంట్లు, ఫోటోలను సులభంగా షేర్ చేసుకోగల ప్లాట్ఫామ్. కానీ దాదాపు ప్రతి యూజర్ ఒక్కోసారి ఎదుర్కొనే ఒక చిన్న సమస్య ఉంది. వారి మొబైల్ నంబర్ను సేవ్ చేయకుండా ఎవరికీ కాల్ చేయలేకపోవడం. కొరియర్ బాయ్, ఎలక్ట్రీషియన్ లేదా సర్వీస్ ప్రొవైడర్ వంటి కొత్త వ్యక్తిని మనం సంప్రదించాల్సి వచ్చినప్పుడు ఈ సమస్య ఎదురవుతుంటుంది. అలాంటి సందర్భంలో మనం వారికి కాల్ చేయవచ్చు. కానీ వాట్సాప్లో వారికి కాల్ చేయడానికి, ముందుగా నంబర్ను సేవ్ చేసుకోవాలి. దీనికి సమయం పట్టడమే కాకుండా, ఫోన్ బుక్ అనవసరమైన కాంటాక్ట్లతో నిండిపోతుంది.
ఇప్పుడు ఈ సమస్యకు ఒక పరిష్కారం ఉంది. ఇది చాలా సులభమైన ట్రిక్. దీని ద్వారా మీరు నంబర్ను సేవ్ చేయకుండానే వాట్సాప్లో ఎవరికైనా కాల్ చేయవచ్చు. వాట్సాప్లో “క్లిక్ టు చాట్” అనే ఫీచర్ ఉంది. దీని సహాయంతో మీరు నంబర్ను నమోదు చేయడం ద్వారా నేరుగా వాట్సాప్ చాట్ లేదా కాల్ను ప్రారంభించవచ్చు.
మీ మొబైల్ బ్రౌజర్ తెరవండి. URL బార్లో ఈ క్రింది లింక్ను టైప్ చేయండి: https://wa.me/91XXXXXXXXXX . ఇక్కడ ’91’ అనేది భారతదేశ దేశ కోడ్. అలాగే XXXXXXXXXXకు బదులుగా మీరు సంప్రదించాలనుకుంటున్న వ్యక్తి మొబైల్ నంబర్ను నమోదు చేయాలి. మీరు ఎంటర్ నొక్కిన వెంటనే, “Continue to Chat” అనే ఆప్షన్తో WhatsApp పేజీ ఓపెన్ అవుతుంది. దానిపై క్లిక్ చేయండి. ఇప్పుడు WhatsApp తెరుచుకుంటుంది. మీరు వారి నంబర్ను సేవ్ చేయకుండానే ఆ వ్యక్తికి చాట్ చేయవచ్చు లేదా కాల్ చేయవచ్చు.
ఈ ఫీచర్ వల్ల చాలా ప్రయోజనాలు ఉన్నాయి. ఫోన్ కాంటాక్ట్ లిస్ట్ అనవసరంగా నిండదు. ముఖ్యమైన పని కోసం మీరు వెంటనే ఎవరినైనా సంప్రదించవచ్చు. ఈ ట్రిక్ వ్యాపారం లేదా ప్రొఫెషనల్ పనిలో చాలా ఉపయోగకరంగా ఉంటుంది. ఈ పద్ధతి 100% సురక్షితమైనది. ప్రామాణికమైనది. ఎందుకంటే ఇది WhatsApp ఫీచర్ ఆధారంగా రూపొందించారు.
కానీ కొన్ని విషయాలను గుర్తుంచుకోవడం ముఖ్యం. ఈ ట్రిక్ అవతలి వ్యక్తి వాట్సాప్ యూజర్ అయితేనే పనిచేస్తుంది. సరైన కంట్రీ కో, మొబైల్ నంబర్ను నమోదు చేయడం ముఖ్యం. ఈ ఫీచర్ను వెబ్ బ్రౌజర్ ద్వారా మాత్రమే యాక్సెస్ చేయవచ్చు. వాట్సాప్ యాప్లో కాదు. మీరు స్మార్ట్ఫోన్ యూజర్ అయితే , ప్రతిరోజూ వాట్సాప్ ఉపయోగిస్తుంటే, ఈ ట్రిక్ మీకు చాలా ఉపయోగకరంగా ఉంటుంది. ఇప్పుడు మీరు చిన్న పనుల కోసం నంబర్లను సేవ్ చేయవలసిన అవసరం లేదు. లింక్ను టైప్ చేసి వాట్సాప్ కాల్ ప్రారంభించండి లేదా నేరుగా చాట్ చేయండి.
మరిన్ని టెక్ వార్తల కోసం ఇక్కడ క్లిక్ చేయండి
