Smartphone: 5 నిమిషాల్లో 3 లక్షల ఫోన్ల అమ్మకాలు.. ఇంతకీ ఏంటా ఫోన్.?, అంత స్పెషల్ ఏంటి.?
చైనాకు చెందిన ప్రముఖ స్మార్ట్ ఫోన్ దిగ్గజం రెడ్మీ తాజాగా రెడ్మీ కే60 పేరుతో కొత్త స్మార్ట్ఫోన్ను లాంచ్ చేసింది. న్యూ ఇయర్ కానుకగా ఈ స్మార్ట్ఫోన్ను చైనాలో లాంచ్ చేసింది. ఈ ఫోన్కు ఎంతటి క్రేజ్ ఉందో దాని అమ్మకాలు సాక్ష్యంగా నిలుస్తున్నాయి. రెడ్మీ కే60 స్మార్ట్ ఫోన్ మార్కెట్లోకి వచ్చిన కేవలం 5 నిమిషాల్లోనే ఏకంగా..
Updated on: Jan 03, 2023 | 6:27 PM
చైనాకు చెందిన ప్రముఖ స్మార్ట్ ఫోన్ దిగ్గజం రెడ్మీ తాజాగా రెడ్మీ కే60 పేరుతో కొత్త స్మార్ట్ఫోన్ను లాంచ్ చేసింది. న్యూ ఇయర్ కానుకగా ఈ స్మార్ట్ఫోన్ను చైనాలో లాంచ్ చేసింది. ఈ ఫోన్కు ఎంతటి క్రేజ్ ఉందో దాని అమ్మకాలు సాక్ష్యంగా నిలుస్తున్నాయి. రెడ్మీ కే60 స్మార్ట్ ఫోన్ మార్కెట్లోకి వచ్చిన కేవలం 5 నిమిషాల్లోనే ఏకంగా 3 లక్షల ఫోన్లు అమ్ముడు పోవడం విశేషం.
అంటే నిమిషానికి 60,000 స్మార్ట్ఫోన్లు అమ్ముడు పోయాయి. ఇదిలా ఉంటే ఈ సిరీస్లో ఇంతకు ముందు వచ్చిన రెడ్ కే50 రికార్డును మాత్రం కొత్త ఫోన్ బ్రేక్ చేయలేకపోయింది. గతేడాది విడుదలైన రెడ్మీ కే50 5 నిమిషాల్లో ఏకంగా 3,30,000 అమ్ముడుపోయి అప్పట్లో పెద్ద సంచలనం సృష్టించింది. త్వరలోనే ఈ ఫోన్ భారత్లో లాంచ్ కానుంది. ఇంతకీ ఈ సిరీస్ ఫోన్లను ఇంతలా అమ్ముడుపోవడానికి కారణం ఏంటి.? వీటిలో ఉన్న ఆ ఫీచర్స్ ఏంటో.? ఓ లుక్కేయండి..
రెడ్మీ కే60లో 6.67 ఇంచెస్ ఓఎల్ఈడీ డిస్ప్లేను అందించారు. 120 హెచ్జెడ్ రిఫ్రేషన్ రేట్ 2కే రిజల్యూషన్ ఈ ఫోన్ ప్రత్యేకతగా చెప్పొచ్చు. కెమెరా విషయానికొస్తే ఇందులో 60 మెగాపిక్సెల్ రెయిర్ కెమెరాను అందించారు. స్నాప్డ్రాగన్ 8+ జెన్1 ప్రాసెసర్తో పని చేసే ఈ స్మార్ట్ ఫోన్లో 512 జీబీ స్టోరేజ్ను అందించారు. 120 వాట్స్ చార్జింగ్కు సపోర్ట్ చేసే 5000 ఎమ్ఏహెచ్ బ్యాటరీని అందించారు.
మరిన్ని టెక్నాలజీ వార్తల కోసం క్లిక్ చేయండి..
