OnePlus Tab: త్వరలో వన్‌ప్లస్ ట్యాబ్.. ఆ సైట్ నుంచి ప్రీ ఆర్డర్ చేసుకునే అవకాశం..

ఈ వన్‌ప్లస్ ట్యాబ్ ఏప్రిల్ నుంచి వినియోగదారులు ప్రీ బుక్ చేసే అవకాశం కల్పిస్తుందని మార్కెట్ వర్గాలు చెబుతున్నాయి. ఈ ప్రీ బుకింగ్ సదుపాయం కూడా ప్రముఖ ఆన్‌లైన్ షాపింగ్ సంస్థ ఫ్లిప్‌కార్ట్‌లో మాత్రమే అందుబాటులో ఉంటుందని స్పష్టం చేస్తున్నారు.

One Plus Tab

Nikhil |
Updated on: Feb 17, 2023 | 4:30 PM

యాపిల్ తర్వాత మొబైల్ వినియోగదారులకు ఎక్కువగా ఆకట్టుకున్న స్మార్ట్ ఫోన్ బ్రాండ్ వన్‌ప్లస్. ముఖ్యంగా వన్‌ప్లస్ కెమెరా ద్వారా హైక్లాస్ ఫొటోలు తీసుకునే అవకాశం ఉండడంతో ఎక్కువ వన్‌ప్లస్ ఫోన్ కొనేందుకు ఆసక్తి చూపారు. సెల్ఫీ లవర్స్ ఈ ఫోన్ కొనేందుకు మక్కువ చూపారు. అంతటి ప్రాచుర్యం పొందిన వన్‌ప్లస్ బ్రాండ్ తర్వలో వన్‌ప్లస్ ట్యాబ్ తీసుకు వస్తుందని మార్కెట్‌లో జోరుగా ప్రచారం సాగుతుంది. ఇటీవల నిర్వహించిన క్లౌడ్ 11 ఈవెంట్‌లో వన్‌ప్లస్ కంపెనీ ఈ ట్యాబ్‌ను పరిచయం చేసింది. అప్పటి నుంచి భారతీయ వినియోగదారులు ఈ ట్యాబ్‌ను కంపెనీ ఎప్పుడు మార్కెట్‌లో అందుబాటులో ఉంచుతుందో? అని ఎదురుచూస్తున్నారు. ఈ వన్‌ప్లస్ ట్యాబ్ ఏప్రిల్ నుంచి వినియోగదారులు ప్రీ బుక్ చేసే అవకాశం కల్పిస్తుందని మార్కెట్ వర్గాలు చెబుతున్నాయి. ఈ ప్రీ బుకింగ్ సదుపాయం కూడా ప్రముఖ ఆన్‌లైన్ షాపింగ్ సంస్థ ఫ్లిప్‌కార్ట్‌లో మాత్రమే అందుబాటులో ఉంటుందని స్పష్టం చేస్తున్నారు. అయితే ఇది అధికారిక సమాచారం కాదని, కంపెనీ ప్రకటించే వరకూ ఈ ట్యాబ్ అప్‌డేట్స్ కోసం వేచి చూడాలని సూచిస్తున్నారు.

వన్‌ప్లస్ ప్యాడ్ స్పెసిఫికేషన్లు ఇవే..

వన్‌ప్లస్ ప్యాడ్ ఆ కంపెనీ మొదటి ఆండ్రాయిడ్ సపోర్టెడ్ ప్యాడ్. ఇది 144 హెచ్ జెడ్ రిఫ్రెష్ రేట్‌తో వస్తుంది. ముఖ్యంగా ఈ ట్యాబ్ 11.64 అంగుళాల డిస్‌ప్లేతో వినియోగదారులకు అందుబాటులో ఉండనుంది. తాజా వివరాల ప్రకారం 2800×2000 స్క్రీన్ రిజుల్యూషన్‌తో వస్తుంది. అలాగే మీడియా టెక్ డైమెన్సిటీ ప్రాసెసర్ ఈ ప్యాడ్ ప్రతేకం. అలాగే ఆండ్రాయిడ్ 13 సపోర్టెడ్ ఆక్సిజన్ ఓఎస్‌పై ఈ ఫోన్ పని చేయనుంది. ఈ వన్‌ప్లస్ ట్యాబ్‌లో డాల్బీ విజన్, డాల్బీ ఆట్మోస్, క్వాడ్ స్పీకర్ సెటప్ వంటి అధునాతన ఫీచర్లు ఉన్నాయని మార్కెట్ వర్గాలు చెబుతున్నాయి. అయితే వన్ ప్లస్ యూజర్లు ఎక్కువగా ఇష్టపడే కెమెరా విషయంలో మాత్రం ఈ ట్యాబ్ నిరుత్సాహానికి గురి చేస్తుంది. కేవలం 13 ఎంపీ కెమెరాను వెనుక వైపు ఇస్తున్నారు. అలాగే 8 ఎంపీ కెమెరాను కంపెనీ ఆఫర్ చేస్తుంది. 12 జీబీ+256 జీబీ వేరియంట్ వచ్చే ఈ ప్యాడ్ ధర విషయంలో మాత్రం కంపెనీ ఎలాంటి ప్రకటన చేయలేదు.

ఇవి కూడా చదవండి