Realme 11 5G: రియల్‌ మీ నుంచి నేడే నయా స్మార్ట్ఫోన్ రిలీజ్‌.. రియల్‌ మీ 11 ఫీచర్లు చూస్తే మతిపోతుందంతే…!
రియల్‌మీ ఆగస్ట్ 23న రియల్‌ మీ 11 5 జీ, రియల్‌ మీ 11 ఎక్స్‌ 5 జీ స్మార్ట్‌ఫోన్‌లను లాంచ్ చేస్తుందని మార్కెట్‌ వర్గాలు అంచనా వేస్తున్నాయి. ఈ స్మార్ట్‌ఫోన్‌లు ఈ-కామర్స్ ప్లాట్‌ఫామ్ ఫ్లిప్‌కార్ట్‌లో కొనుగోలు చేయడానికి అందుబాటులో ఉంటాయి. నివేదికల ప్రకారం రియల్‌ 11 5 జీ ధర సుమారు రూ.20,000 ఉంటుందని అంచనా వేస్తున్నారు. అయితే రియల్‌ మీ 11 ఎక్స్‌ ఫోన్‌పై ధర అంశంలో ఎలాంటి వివరాలు అందుబాటులో లేవు.
Srinu | Edited By: Ram Naramaneni
Updated on: Aug 23, 2023 | 9:58 AM
భారతదేశంలో స్మార్ట్‌ఫోన్ల వినియోగం పెరిగింది. ప్రతి అవసరానికి స్మార్ట్‌ ఫోన్లు తప్పనిసరిగా మారడంతో స్మార్ట్‌ ఫోన్లకు అనూహ్యమైన డిమాండ్‌ ఏర్పడింది. పెరిగిన అనూహ్య డిమాండ్‌ నేపథ్యంలో అన్ని కంపెనీలు కొత్త కొత్త మోడల్స్‌లో స్మార్ట్‌ ఫోన్లు విడుదల చేస్తున్నాయి. తాజాగా రియల్‌ మీ కంపెనీ మరో 5జీ స్మార్ట్‌ ఫోన్ రిలీజ్‌ చేస్తున్నట్లు పేర్కొంది. రియల్‌మీ ఆగస్ట్ 23న రియల్‌ మీ 11 5 జీ, రియల్‌ మీ 11 ఎక్స్‌ 5 జీ స్మార్ట్‌ఫోన్‌లను లాంచ్ చేస్తుందని మార్కెట్‌ వర్గాలు అంచనా వేస్తున్నాయి. ఈ స్మార్ట్‌ఫోన్‌లు ఈ-కామర్స్ ప్లాట్‌ఫామ్ ఫ్లిప్‌కార్ట్‌లో కొనుగోలు చేయడానికి అందుబాటులో ఉంటాయి. నివేదికల ప్రకారం రియల్‌ 11 5 జీ ధర సుమారు రూ.20,000 ఉంటుందని అంచనా వేస్తున్నారు. అయితే రియల్‌ మీ 11 ఎక్స్‌ ఫోన్‌పై ధర అంశంలో ఎలాంటి వివరాలు అందుబాటులో లేవు. కానీ ఈ ఫోన్ కూడా ఇతర 5జీ ఫోన్లతో పోల్చుకుంటే మరింత చౌకగా ఉండే అవకాశం ఉంది. ఈ తాజా లాంచ్ గురించే కాకుండా రియల్‌ మీ 11 స్మార్ట్‌ ఫోన్ ఫీచర్ల గురించి మరిన్ని విశేషాలను తెలుసుకుందాం.
రియల్‌ మీ 11 5 జీ ఫీచర్లు
మధ్య శ్రేణి రియల్‌ మీ 11 5 జీ 3 ఎక్స్‌ జూమ్‌తో 108 ఎంపీ కెమెరా, 67 వాట్స్‌ ఫాస్ట్ ఛార్జింగ్‌కు మద్దతు ఇచ్చే 5000 ఎంఏహెచ్‌ బ్యాటరీతో వస్తుంది. అంటే ఈ సూపర్‌ఫాస్ట్‌ చార్జ్‌ ద్వారా కేవలం 17 నిమిషాల్లో స్మార్ట్‌ఫోన్‌ను 0 శాతం నుంచి 50 శాతానికి పెంచుతుందని కంపెనీ పేర్కొంది. అలాగే ఈ ఫోన్ రెండు ర్యామ్+స్టోరేజ్ వేరియంట్‌లలో అందుబాటులో ఉంటుంది. 8 జీబీ + 128 జీబీతో పాటు 8 జీబీ + 256 జీబీ వేరియంట్‌లో ఈ ఫోన్ వినియోగదారులను పలుకరించనుంది. ఈ ఫోన్ ‘గ్లోరీ హాలో’ డిజైన్‌తో నలుపు, బంగారపు రంగుల్లో అందుబాటులో ఉంటుంది. రియల్‌ మీ 11 5జీ జీ ప్రపంచంలోని మొట్టమొదటి 5జీ తక్కువ-పవర్ హాట్‌స్పాట్‌తో వస్తుందని కంపెనీ పేర్కొంది. అంటే పరికరం తక్కువ-పవర్ మోడ్‌లో ఉన్నప్పుడు కూడా వినియోగదారులు వేగవంతమైన 5 జీ హాట్‌స్పాట్‌కు కనెక్ట్‌ చేసుకునే అవకాశం ఉంటుంది.
రియల్‌ మీ 11 ఎక్స్‌ ఫీచర్లు
రియల్‌మీ 11 ఎక్స్‌ 5జీ 64 ఎంపీ ఏఐ కెమెరాతో ఆకర్షణీయంగా ఉంటుంది. అలాగే 33 వాట్స్‌ ఫాస్ట్ ఛార్జింగ్‌తో కూడిన సరసమైన వెర్షన్గా నిలువనుంచి ఈ ఫోన్ రెండు వేరియంట్స్‌లో అందుబాటులో ఉంటుందని మార్కెట్‌ వర్గాలు అంచనా వేస్తున్నాయి. 6 జీబీ 128 జీబీ, 8 జీబీ + 256 జీబీ వేరియంట్స్‌లో వినియోగదారులను పలుకరించే అవకాశం ఉంది. ఈ ఫోన్ ఎస్‌-కర్వ్ డిజైన్‌తో పర్పుల్, గోల్డ్ రంగుల్లో ఈ ఫోన్ అందుబాటులో ఉంటుంది. ఈ ఫోన్ చైనాలో మే నెలలోనే ఆవిష్కరించారు.
సూపర్‌ ఫీచర్స్‌తో రియల్‌మీ బడ్స్ లాంచ్
రియల్‌ మీ తాజా లాంచ్‌లో కేవలం స్మార్ట్ఫోన్ మాత్రమే కాకుండా రియల్‌ మీ బడ్స్ కూడా రిలీజ్‌ చేయనుంది. రియల్‌మీ బడ్స్ ఎయిర్ 5తో పాటు 5 ప్రోలను రేపే లాంచ్ చేయనుంది. ఈ బడ్స్ కూడా ఫ్లిప్‌కార్ట్‌తో పాటు రియల్‌ మీ అధికారిక వెబ్‌సైట్‌లో అందుబాటులో ఉంటాయి. ఈ రియల్‌ మీ బడ్స్ ఎయిర్ 5 ప్రో మొదటి కోక్సియల్ డ్యూయల్ డ్రైవర్‌లను కలిగి ఉన్నట్లు మార్కెట్‌ వర్గాలు పేర్కొంటున్నాయి. ఇది శక్తివంతమైన బాస్‌ను అందించడానికి 11 ఎంఎం బాస్ డ్రైవర్‌ను, వివరణాత్మక ట్రెబుల్ కోసం 6 ఎంఎం మైక్రో-ప్లానార్ ట్వీటర్‌ను కూడా కలిగి ఉంటుందని వివరిస్తున్నారు.
మరిన్ని టెక్నాలజీ వార్తల కోసం క్లిక్ చేయండి..
