ఏ వస్తువు ఎక్కడ పెట్టారో మర్చిపోతున్నారా? ఈ డివైజ్‌తో మీ బాధలకు చెక్

జియోట్యాగ్ ఎయిర్ ప్రధానంగా యాపిల్ యూజర్లను దృష్టిలో ఉంచుకుని రూపొందించబడింది. మీరు ఐఫోన్ లేదా ఇతర యాపిల్ ప్రొడక్ట్స్ వాడుతుంటే, జియోట్యాగ్ ఎయిర్ సరైన ఎంపిక. ఇది యాపిల్ వారి ‘ఫైండ్ మై’ (Find My) నెట్‌వర్క్‌తో కలిసి పనిచేస్తుంది. మార్కెట్లో దొరికే ఖరీదైన యాపిల్ ఎయిర్‌ట్యాగ్‌లకు ఇది అతి తక్కువ ధరలో లభించే గొప్ప ప్రత్యామ్నాయం.

మీరు ఆండ్రాయిడ్ ఫోన్ వాడుతున్నట్లయితే, ‘జియోట్యాగ్ గో’ మీకు సరైన ఛాయిస్. ఇది గూగుల్ ‘ఫైండ్ మై డివైజ్’ (Find My Device) నెట్‌వర్క్ ఆధారంగా పనిచేస్తుంది. ఆండ్రాయిడ్ యూజర్లు తమ ఫోన్ ద్వారా సులభంగా తమ వస్తువులను ట్రాక్ చేయడానికి ఇది ఎంతో దోహదపడుతుంది. అంటే మీ చేతిలో ఉన్న ఫోన్‌ను బట్టి ఈ రెండింటిలో ఒకదాన్ని ఎంచుకోవాల్సి ఉంటుంది.

ఉపయోగం, ఫీచర్లు

ఈ జియోట్యాగ్‌లను వాడటం అత్యంత సులభం. మీ ఫోన్‌లోని ట్రాకింగ్ యాప్‌తో డివైజ్‌ను కనెక్ట్ చేసిన తర్వాత, బ్యాగ్, పర్స్, కారు కీస్, లగేజీ వంటి ఏ వస్తువుకైనా వీటిని తగిలించుకోవచ్చు. ఆ తర్వాత ఫోన్ యాప్ ద్వారా వస్తువు ఎక్కడుందో లైవ్‌లో చూడవచ్చు.

• అలారం సౌకర్యం- ఈ రెండు డివైజ్‌లలో అత్యంత శక్తివంతమైన అలారం ఉంటుంది. వస్తువులు ఎక్కడైనా మర్చిపోయినప్పుడు శబ్దం ద్వారా వాటిని సులభంగా గుర్తుపట్టవచ్చు.
• బ్యాటరీ మన్నిక- వీటి బ్యాటరీ దాదాపు ఏడాది పాటు వస్తుంది. ఒకవేళ బ్యాటరీ అయిపోతే, కొత్తది మార్చుకునే వెసులుబాటు కూడా ఉంది. దీనివల్ల మళ్లీ కొత్త డివైజ్ కొనాల్సిన అవసరం ఉండదు.

ఈ ట్రాకింగ్ డివైజ్‌లు వేర్వేరు రంగుల్లో లభిస్తున్నాయి. ఇవి ప్రస్తుతం జియోమార్ట్ ఆన్‌లైన్ స్టోర్‌లో లేదా మీ దగ్గరలోని రిలయన్స్ డిజిటల్ స్టోర్లలో అందుబాటులో ఉన్నాయి. వస్తువులను పదే పదే మర్చిపోయే అలవాటు ఉన్నవారికి, ప్రయాణాలు ఎక్కువగా చేసే వారికి ఈ డివైజ్‌లు ఒక వరంలా మారుతాయి. మీ వస్తువుల భద్రత కోసం అతి తక్కువ ధరలో లభించే ఈ స్మార్ట్ టెక్నాలజీని ఈరోజే సొంతం చేసుకోండి!