iQOO 13: ఐక్యూ నుంచి మరో సరికొత్త ఫోన్.. 5 ఏళ్ల సాఫ్ట్వేర్ అప్డేట్స్.. ఫీచర్స్ అదుర్స్!
iQOO 13: మార్కెట్లోకి రకరకాల స్మార్ట్ ఫోన్లు విడుదల అవుతున్నాయి. తక్కువ ధరల్లో అద్భుతమైన స్మార్ట్ ఫోన్లు విడుదల చేస్తున్నాయి కంపెనీలు. ఇప్పుడు వీవో సబ్బ్రాండ్ అయిన ఐక్యూ నుంచి కూడా మంచి ఫోన్లు విడుదల అవుతున్నాయి. ఇప్పుడు ఐదు సంవత్సరాల సాఫ్ట్వేర్ అప్డేట్తో మరి కొత్త ఫోన్ను తీసుకువస్తోంది..
Updated on: Nov 21, 2024 | 4:14 PM
iQOO భారతదేశంలో కొత్త స్మార్ట్ఫోన్ను ప్రారంభించబోతోంది. దీనికి iQOO 13 అని పేరుతో అందుబాటులోకి తీసుకువస్తోంది. భారతీయ స్మార్ట్ఫోన్ మార్కెట్లో ఈ ఫోన్ లాంచ్ గురించి గత కొన్ని నెలలుగా చర్చ జరుగుతోంది. ఇప్పుడు చివరకు కంపెనీ ఈ ఫోన్ లాంచ్ తేదీని ప్రకటించింది. ఈ ఫోన్ డిసెంబర్ 3 న భారతదేశంలో లాంచ్ కానుంది. AnTuTu స్కోర్, సాఫ్ట్వేర్ సపోర్ట్, ఇతర వివరాలతో ఉన్న ఈ ఫోన్ గురించి ఇప్పుడు చాలా సమాచారం బయటకు వస్తోంది. నివేదికల ప్రకారం, iQOO 13 భారతీయ వెర్షన్ చైనాలో ప్రారంభించిన ఫోన్ మాదిరిగానే ఉంటుంది. అయితే, దీని బ్యాటరీలో కొన్ని మార్పులు చేయవచ్చు. ఈ స్మార్ట్ఫోన్ భారతదేశంలోని వివో గ్రేటర్ నోయిడా సపోర్ట్తో తయారు చేస్తోంది. ‘మేక్ ఇన్ ఇండియా’ కార్యక్రమం కింద తీసుకువస్తోంది.
5 సంవత్సరాల సాఫ్ట్వేర్ మద్దతు:
కంపెనీ IQ 13లో 5 సంవత్సరాల సాఫ్ట్వేర్ అప్డేట్లను అందించబోతున్నట్లు తెలుస్తోంది. ఇందులో 4 OS అప్డేట్లు, 5 సంవత్సరాల వరకు సెక్యూరిటీ ప్యాచ్ అప్డేట్లు ఉంటాయి. ఈ ఫోన్ను సరికొత్త Android OS వెర్షన్ Android 15 అవుట్ ఆఫ్ బాక్స్తో లాంచ్ చేయగలదని తెలుస్తోంది. ఎందుకంటే కంపెనీ ఈ ఫోన్ను Android 15 OSతో మాత్రమే చైనాలో విడుదల చేసింది. ఈ ఫోన్ భారతదేశంలో కూడా Android 15 OSతో ప్రారంభిస్తే ఈ ఫోన్ Android 19 వరకు అప్డేట్లను పొందుతుంది.
బెంచ్మార్క్ టెస్టులో స్కోర్ అద్భుతం:
ఇది కాకుండా, iQoo 13 AnTuTu బెంచ్మార్క్ పరీక్షలో 30 లక్షలకు పైగా స్కోర్ చేసింది. అంటే ఇది గొప్ప ఫ్లాగ్షిప్ స్మార్ట్ఫోన్గా మారబోతోంది. ఇది కాకుండా ఈ ఫోన్ 7000mm² VC కూలింగ్ సిస్టమ్తో అందించనుంది. ఇది ఫోన్ వేడెక్కకుండా కాపాడుతుంది. ఇది అల్ట్రా స్లిమ్ ఫ్లాగ్షిప్ స్మార్ట్ఫోన్. దీని మందం 0.813 సెం.మీ. ఫోన్ IP68+IP69 సర్టిఫికేషన్తో వస్తుంది. అంటే వినియోగదారులు తడి చేతులతో ఫోన్ను ఆపరేట్ చేయవచ్చు. ఈ అన్ని ఫీచర్లు, స్పెసిఫికేషన్లతో పాటు, ఫోన్ ప్రాసెసర్ గురించిన సమాచారం కూడా ప్రకటించింది. Vivo సబ్-బ్రాండ్ కంపెనీ iQ తన ఫోన్ iQOO 13 ను స్నాప్డ్రాగన్ 8 ఎలైట్ చిప్సెట్తో లాంచ్ చేస్తుంది.
మరిన్ని టెక్ వార్తల కోసం ఇక్కడ క్లిక్ చేయండి
