Electric Bikes: భారతదేశంలో ప్రసిద్ధి చెందిన ఈ నాలుగు ఎలక్ట్రిక్‌ బైక్‌లు.. ధర, మైలేజీ వివరాలు

ఎలక్ట్రిక్ స్కూటర్ల డిమాండ్‌ను దృష్టిలో ఉంచుకుని ఎలక్ట్రిక్ వాహనాల తయారీదారులు ఎలక్ట్రిక్ బైక్‌లపై దృష్టి సారిస్తున్నారు. భారతదేశంలో విక్రయించబడుతున్న..

Bike

Subhash Goud |
Updated on: Dec 05, 2022 | 5:17 PM

ఎలక్ట్రిక్ స్కూటర్ల డిమాండ్‌ను దృష్టిలో ఉంచుకుని ఎలక్ట్రిక్ వాహనాల తయారీదారులు ఎలక్ట్రిక్ బైక్‌లపై దృష్టి సారిస్తున్నారు. భారతదేశంలో విక్రయించబడుతున్న 4 ఎలక్ట్రిక్ బైక్‌ల గురించి తెలుసుకోబోతున్నాం. మీరు ఎలక్ట్రిక్ బైక్‌ను కొనుగోలు చేయాలని ఆలోచిస్తున్నట్లయితే, ఈ ఆప్షన్స్‌ మీకు ఖచ్చితంగా ప్రయోజనకరంగా ఉంటాయి.

టార్క్ క్రాటోస్: రూ. 1.02 లక్షల ప్రారంభ ధరతో వస్తున్న టార్క్ క్రాటోస్ మోటార్‌సైకిల్ ఒక్కసారి ఛార్జింగ్‌పై 180 కి.మీల మైలేజీ ఇస్తుంది. అయితే ఈ బైక్ అసలైన మైలేజీ దూరం 120 కి.మీ. ఈ వాహనం కేవలం 4 సెకన్లలో 0-40 kmph వేగాన్ని అందుకోగలదని కంపెనీ పేర్కొంది. అధిక-స్పెక్ Kratos R మరింత శక్తివంతమైన మోటారును పొందుతుంది. ఇది 9.0 Kw గరిష్ట శక్తిని, 38 ఎన్‌ఎం గరిష్ట టార్క్‌ను ఉత్పత్తి చేయగలదు. స్టాండర్డ్ మోడల్‌తో పోలిస్తే దీని గరిష్ట వేగం 105 కి.మీ.
కొమాకి రేంజర్: రూ.1.68 లక్షల ప్రారంభ ధరతో వస్తున్న ఈ ఎలక్ట్రిక్ బైక్ 180-220 కి.మీ మైలేజీ ఇస్తుందని కంపెనీ తెలిపింది. ఈ క్రూయిజర్ బైక్ గార్నెట్ రెడ్, డీప్ బ్లూ, జెట్ బ్లాక్ కలర్ ఆప్షన్‌లను కలిగి ఉన్న మూడు విభిన్న రంగులలో అందించబడుతుంది. ఈ బైక్‌ రేంజర్ జాబితాలో బ్లూటూత్ సౌండ్ సిస్టమ్, సైడ్ స్టాండ్ సెన్సార్, యాంటీ-థెఫ్ట్ లాక్ సిస్టమ్, ఇతర ఫీచర్స్‌ ఉన్నాయి. అలాగే రెండు ప్యానియర్‌లు, క్రూయిజ్ కంట్రోల్ మొదలైన సిస్టమ్‌లు ఉన్నాయి.
రివోల్ట్ ఆర్‌వీ 400: రూ. 90,799 ప్రారంభ ధరతో వస్తున్న ఈ ఎలక్ట్రిక్ బైక్ 150 కి.మీ పరిధి వరకు ప్రయాణించగలదు. దీని గరిష్ట వేగం గంటకు 85 కి.మీ. అదే సమయంలో పూర్తిగా ఛార్జ్ చేయడానికి సుమారు 5 గంటలు పడుతుంది. మీరు Revolt యాప్ నుండి ఈ బైక్‌ను స్టార్ట్‌ చేయవచ్చు. అలాగే ఆపవచ్చు. ఇందులో కస్టమర్లు ఇష్టపడే అనేక ఫీచర్స్‌ ఉన్నాయి. దీని గరిష్ట వేగం గంటకు 85 కి.మీ.
హాప్‌ ఆక్సో ఎలక్ట్రిక్ మోటార్‌సైకిల్: రూ. 1.25 లక్షల ప్రారంభ ధరతో వచ్చింది. ఈ ఎలక్ట్రిక్ మోటార్‌సైకిల్ వెనుక చక్రాల మౌంటెడ్ హబ్ మోటార్‌ను పవర్‌ట్రెయిన్‌గా ఉపయోగిస్తుంది. ఇది గరిష్టంగా 6.2 kW శక్తిని, 200 ఎన్‌ఎం వీల్ టార్క్‌ను ఉత్పత్తి చేస్తుంది. అలాగే ఈ బైక్ ఒక్కసారి ఛార్జ్ చేస్తే 150 కి.మీల రేంజ్ వరకు ఉంటుంది. గంటకు 90 కి.మీ వేగంతో పరుగెత్తగలదని కంపెనీ తెలిపింది.

ఇవి కూడా చదవండి