WhatsApp Secret Features: వాట్సాప్లో ఇన్ని సీక్రెట్ ఫీచర్స్ ఉన్నాయా..? తెలిస్తే ఆశ్చర్యపోవాలసిందే..
అధునిక ప్రపంచంలో ఇంటర్నెట్ అనేది మానవ జీవితంలో ఒక భాగంగా మారిపోయింది. ముఖ్యంగా సోషల్ మీడియా అందుబాటులోకి రావడంతో దాని వినియోగం విపరీతంగా పెరిగిపోయింది. ఈ క్రమంలోనే..
అధునిక ప్రపంచంలో ఇంటర్నెట్ అనేది మానవ జీవితంలో ఒక భాగంగా మారిపోయింది. ముఖ్యంగా సోషల్ మీడియా అందుబాటులోకి రావడంతో దాని వినియోగం విపరీతంగా పెరిగిపోయింది. ఈ క్రమంలోనే ప్రపంచవ్యాప్తంగా ఎక్కువమంది ఉపయోగిస్తున్న సోషల్ మీడియా ప్లాట్ ఫారమ్‌లలో వాట్సాప్ కూడా ప్రథమ శ్రేణిలో ఉంది. అందుకు కారణం దీనిలోని ఫీచర్లే అని చెప్పుకోవాలి. అయితే ఈ వాట్సాప్లో మనకు తెలియని కొన్ని ట్రిక్స్, సిక్రెట్ ఫీచర్లు చాలానే ఉన్నాయి. మరి అవేమిటో.. వాటిని ఎలా ఉపయోగించాలో మనం ఇక్కడ తెలుసుకుందాం..
గ్రూప్లలోని మెసేజ్లకు ప్రైవేట్ రిప్లై: కొన్ని కొన్ని సందర్భాలలో వాట్సాప్ గ్రూప్లో ఎవరైనా మెసేజ్ పెడితే వారికి పర్సనల్గా రిప్లై ఇవ్వాలనుకుంటాం. అప్పుడు ఆ వ్యక్తి పెట్టిన మెసేజ్ మీద లాంగ్ ప్రెస్ చేస్తే రిప్లై ప్రైవేట్లీ అనే ఆప్షన్ వస్తుంది. దాంతో మీరు రిప్లైను అనుకున్న ఒక వ్యక్తికే పెట్టవచ్చు. ఇలా మనం వాట్సాప్ గ్రూప్లో అందరికి కనిపించేలా రిప్లై ఇవ్వొద్దు అనుకున్నప్పుడు.. పర్సనల్గా చాట్ చేయవచ్చు.
చాలా సులభంగా వాయిస్ మెసెజెస్: మనలోని చాలా మంది చాట్ చేయలేనప్పుడు వాయిస్ మెసేజెస్ పంపుతుంటారు. అలాంటి సమయంలో కొన్ని సమస్యలు ఎదుర్కొంటుంటారు. మైక్ మీద హోల్డ్ చేసి వాయిస్ రికార్డు చేస్తున్నప్పుడు కొన్నిసార్లు సరిగ్గా పంపలేం. అలాంటప్పుడు మనం పంపాలనుకున్న వాయిస్ మధ్యలోనే ఆగిపోతుంది. ఈ సమస్య నుంచి బయటపడటానికి వాట్సాప్లో ఒక ఆప్షన్ ఉంది. మైక్ ఐకాన్ను హోల్డ్ చేసి పైకి స్వైప్ చేస్తే మనం బటన్ను పట్టుకోవాల్సిన అవసరం ఉండదు. కావాల్సినంత సేపు వాయిస్ రికార్డు చేసుకోవచ్చు. మధ్యలో రికార్డింగ్ను ఆపి వాయిస్ ప్రివ్యూ కూడా చేసుకోవచ్చు. మనం రికార్డు చేసిన దానిని డిలీట్ కూడా చేసుకునే సౌలభ్యం కూడా ఉంది.
కావాల్సిన టెక్ట్స్ హైలేట్ చేయడం: మనం ఏదైనా మెసేజ్ను పంపుతున్నప్పుడు దానిలో కొన్ని ముఖ్యమైన పదాలుంటాయి. వాటిని హైలెట్ చేయాలనుకుంటాం. అలాంటి వాటి కోసం వాట్సాప్ కొత్త ఫీచర్ తీసుకొచ్చింది. అవేమిటంటే..
- పదం లేదా వాక్యానికి రెండు చివరలలో స్టార్(*) పెడితే అది బోల్డ్ అయ్యి హైలెట్‌గా కనిపిస్తుంది.
- పదాలను ఇటాలిక్గా పెట్టాలనుకుంటే వాక్యాల చివరన అండర్స్కోర్ (_) పెడితే చాలు.
- అలాగే టెక్ట్స్ను స్ట్రైక్‌త్రూ చేయాలనుకుంటే ఇరువైపులా టిల్డెస్ (~) ను పెడితే కోరుకున్నట్లుగా కనిపిస్తుంది.
చాట్ అన్రీడ్: మనం చాలా సందర్భాలలో మెసేజ్లను చూసి బిజీగా ఉండటం వల్ల రిప్లై ఇవ్వడం మర్చిపోతుంటాం. రిప్లై ఇవ్వకపోవడం వల్ల ఎదుటి వారు బాధపడే అవకాశం ఉంది. అలాంటప్పుడు చాట్ను అన్రీడ్ చేయాలి. మరి అలా చేయాలంటే ఎలా అనుకుంటున్నారా..? మనం చాట్ చదివినట్లు వారికి తెలియొద్దు అనుకుంటే టెక్ట్స్ను హోల్డ్డౌన్ చేస్తే కుడివైపున మూడు చుక్కలు కనిపిస్తాయి. అక్కడ క్లిక్ చేస్తే అన్రీడ్ చాట్ అనే ఆప్షన్ కనిపిస్తుంది. దానిని క్లిక్ చేస్తే అవతలి వ్యక్తికి మనం ఇంకా చాట్ చదవనట్లు చూపిస్తుంది.
అన్ని చాట్లు క్లియర్: మన ఫోన్లో స్టోరేజ్ను మించి చాటింగ్ ఉంటుంది. దీంతో ఫోన్ స్లో అయ్యే ప్రమాదం ఉంది. అందుకు కొన్నిసార్లు చాటింగ్ను క్లియర్ చేయాలనుకుంటాం. ఆండ్రాయిడ్ ఫోన్లలో చాట్ క్లియర్ చేయడం చాలా ఈజీ. క్లియర్ ఆల్ చాట్స్ అంటే మొత్తం కంటెంట్ పోతుంది.
మెసెజ్ టైమింగ్స్: మనం ఇతరులకు మెసేజ్ పెట్టి ఎంత సమయం అయ్యింది.. ఎదుటివారు మెసేజ్ను ఎప్పుడు రిసీవ్ చేసుకున్నారు.. ఎప్పుడు చదివారు అనే సమయం అంతా చూపిస్తుంది. ఎలా అంటే మనం పెట్టిన ఏదైనా మెసేజ్ను హోల్డ్ చేస్తే కుడివైపున మూడు చుక్కలు కనిపిస్తాయి. అక్కడ ఇన్ఫో అనే ఆప్షన్ కనిపిస్తుంది. దానిమీద నొక్కితే మెసేజ్ టైమింగ్స్ అంతా కనిపిస్తుంది.
వాయిస్ మెసేజ్ ప్లేబ్యాక్ వేగాన్ని పెంచవచ్చు: ఏదైనా వాయిస్ మెసేజ్ పెద్దగా ఉంది. దానిని వినడానికి చాలా సమయం పడుతుంది అనుకున్నప్పుడు వాయిస్ మెసేజ్ స్పీడ్ను పెంచవచ్చు. ఎలా అంటే వాయిస్ మెసేజ్ ప్లే అవుతున్నప్పుడు ప్లే సింబల్కు ఎడమవైపున 1x స్పీడ్ కనిపిస్తుంది. దాని మీద మళ్లీ క్లిక్ చేస్తే 1.5x కనిపిస్తుంది. ఇలా మనకు కావాల్సిన వేగంలో వాయిస్ మెసేజ్ను వినవచ్చు.
ఇలా వాట్సాప్ రకరకాల కొత్త ఫీచర్లను తీసుకొచ్చి యూజర్లను ఆకట్టుకుంటూ..వినియోగదారులకు యాప్ వాడకాన్ని మరింత సులభతరం చేస్తోంది.
మరిన్ని టెక్నాలజీ వార్తల కోసం క్లిక్ చేయండి..
