స్మార్ట్‌వాచ్‌ లవర్స్‌ అదిరిపోయే గ్యాడ్జెట్‌ తెచ్చేసిన ఫాస్ట్‌ట్రాక్​! ధర, ఫీచర్లు తెలిస్తే ఫిదా

చేతికి స్టైలిష్ లుక్‌ను ఇవ్వడంతో పాటు ఫోన్ తీయకుండానే నేరుగా కాల్స్ మాట్లాడే సదుపాయాన్ని కల్పిస్తున్న ఫాస్ట్‌ట్రాక్ ఆప్టిమస్ ప్రో మొబైల్ మార్కెట్లో భారీ అంచనాలను రేకెత్తిస్తోంది. ఆరోగ్య రక్షణతో పాటు అడ్వాన్స్డ్ టెక్నాలజీని కోరుకునే కొనుగోలుదారులను ఆకట్టుకునేలా రూపుదిద్దుకున్న ఈ నూతన సృష్టి పూర్తి వివరాలను తెలుసుకుందాం.

అమోలెడ్ డిస్‌ప్లే

ఈ ఫాస్ట్‌ట్రాక్ ఆప్టిమస్ ప్రో స్మార్ట్‌వాచ్‌లో అతి పెద్ద హైలైట్‌గా నిలిచే 1.43 అంగుళాల పెద్దదైన అమోలెడ్ డిస్‌ప్లేను అందించారు. దీని రిజల్యూషన్ 466 బై 466 పిక్సెల్స్ ఉండటం వల్ల స్క్రీన్ అత్యంత షార్ప్‌గా, కలర్‌ఫుల్‌గా కనిపిస్తుంది. ఎంతటి ఎండలో బయటికి వెళ్లినప్పుడు కూడా స్క్రీన్ మీద సమయం లేదా మెసేజ్‌లు స్పష్టంగా కనిపిస్తాయి. దీనికి తోడు ఆల్వేస్-ఆన్ డిస్‌ప్లే ఫీచర్ స్పెషల్ అట్రాక్షన్‌గా నిలుస్తుంది.

ఇక సైడ్‌లో ఇచ్చిన ఫంక్షనల్ క్రౌన్ ద్వారా వాచ్ మెనూను జూమ్ చేయడం, యాప్స్‌ను సులభంగా నావిగేట్ చేయడం చాలా సింపుల్ అవుతుంది. అలాగే ప్రస్తుత స్మార్ట్‌వాచ్‌లలో మోస్ట్ వాంటెడ్ ఫీచర్ అయిన బ్లూటూత్ కాలింగ్ సదుపాయం ఇందులో లభిస్తుంది. ఆఫీసు పనిలో బిజీగా ఉన్నప్పుడు లేదా బైక్ మీద ప్రయాణిస్తున్నప్పుడు ప్రతిసారీ పాకెట్ నుంచి ఫోన్ తీయాల్సిన అవసరం లేకుండా నేరుగా వాచ్‌ నుంచే కాల్స్ మాట్లాడవచ్చు.

ఫిట్‌నెస్ ట్రాకింగ్

ఆరోగ్యంపై ప్రత్యేక శ్రద్ధ పెట్టే ఫిట్‌నెస్ ఫ్రీక్స్ కోసం ఇందులో బోలెడన్ని స్పోర్ట్స్ మోడ్స్, హెల్త్ ట్రాకర్లు అందుబాటులో ఉన్నాయి. హార్ట్ రేట్ మానిటరింగ్, బ్లడ్ ఆక్సిజన్ లెవెల్స్, స్లీప్ సైకిల్ ట్రాకింగ్ వంటి ముఖ్యమైన హెల్త్ ఫీచర్లు పర్‌ఫెక్ట్‌గా పని చేస్తాయి. మనం చేసే వాకింగ్, రన్నింగ్, జిమ్ వర్కౌట్లను ఇది చాలా కచ్చితంగా లెక్కగడుతుంది. ఇన్ని అడ్వాన్స్డ్ ఫీచర్లు, ప్రీమియం డిజైన్ ఉన్న ఈ ఫాస్ట్‌ట్రాక్ ఆప్టిమస్ ప్రో ధర కేవలం రూ. 2,499 మాత్రమే ఉండటం విశేషం. తక్కువ బడ్జెట్‌లో స్టైలిష్ లుక్, బ్రాండెడ్ క్వాలిటీ కోరుకునే ప్రతి ఒక్కరికీ ఈ స్మార్ట్‌వాచ్ ఒక బెస్ట్ ఛాయిస్ అని చెప్పవచ్చు.