Microchip: తప్పిపోయిన పిల్లి సొంతింటికి చేరిందిలా.. యజమానులకు ఆనందానికి కారణమిదే..!
చాలామంది తమ ఇళ్లలో కుక్కలను, పిల్లులను పెంచుకుంటూ ఉంటారు. తమ పిల్లలతో సమానంగా ఎంతో ప్రేమగా వాటి బాగోగులు చూస్తారు. కుటుంబంలో సభ్యులుగా వాటిని పరిగణిస్తారు. అవి కూడా తమ యజమానులపై ఎంతో ప్రేమగా ఉంటాయి. అయితే అనుకోని సందర్బాల్లో అవి తప్పిపోయి, ఎటో వెళ్లిపోయినప్పుడు చాలా బాధ కలుగుతుంది.
చాలామంది తమ ఇళ్లలో కుక్కలను, పిల్లులను పెంచుకుంటూ ఉంటారు. తమ పిల్లలతో సమానంగా ఎంతో ప్రేమగా వాటి బాగోగులు చూస్తారు. కుటుంబంలో సభ్యులుగా వాటిని పరిగణిస్తారు. అవి కూడా తమ యజమానులపై ఎంతో ప్రేమగా ఉంటాయి. అయితే అనుకోని సందర్బాల్లో అవి తప్పిపోయి, ఎటో వెళ్లిపోయినప్పుడు చాలా బాధ కలుగుతుంది. అవి తిరిగి వస్తాయని ఎదురుచూస్తూ గడుపుతూ ఉంటారు. అమెరికాకు చెందిన దంపతులు తాము ఎంతో ప్రేమగా పెంచుకున్న పిల్లి తప్పిపోయినందుకు చాలా బాధ పడ్డారు. అయితే కొంతకాలం తర్వాత ఆ పిల్లి వారి వద్ద కు చాలా సురక్షితంగా చేరింది. ఆ పిల్లికి ఏర్పాటు చేసిన మైక్రోచిప్ వల్ల ఇదంతా సాధ్యమైంది.
తప్పిపోయిన పిల్లి
కాలిఫోర్నియాలో నివసించే సుసానే, బెన్నీ దంపతులు విహారయాత్రకు వెళ్లారు. రెండున్నరేళ్ల వయసున్న వారి పెంపుడు పిల్లి రేన్ బ్యూ ను కూడా తీసుకువెళ్లారు. యాత్రలో భాగంగా ఎల్లోస్టోన్ నేషనల్ పార్కును సందర్శించినప్పుడు పిల్లి కనిపించకుండా పోయింది. ఆ పార్కులో ఎటో తప్పిపోయింది. ఎంత వెతికినా ఫలితం లేకపోవడంతో సునానే దంపతులు తమ ఇంటికి తిరిగి వచ్చేవారు. తప్పిపోయిన పిల్లిని తలుచుకుని ఎంతో బాధపడేవారు.
ఫోన్ కు మెసేజ్
సుసానే దంపతులకు కొన్ని నెలల తర్వాత ఒక మెసేజ్ వచ్చింది. వారి పిల్లి ఒక జంతుసంరక్షణ కేంద్రంలో ఉందని, దానికి ఆరోగ్యం బాగాలేదని దానిలో సారాంశం. పిల్లి సమాచారం తెలియడంతో వారిద్దరూ ఎంతో సంతోషించారు. కాగా పిల్లికి మైక్రోచిప్ అమర్చడం వల్ల ఇందతా సాధ్యమైంది. పొగొట్టుకున్నామనుకున్న పిల్లి దొరకడంతో సుసానే దంపతులు చాలా సంతోషం వ్యక్తం చేశారు.
ప్రయోజనమిదే..
అమెరికన్ వెటర్నరీ మెడికల్ అసోసియేషన్ తెలిపిన వివరాల ప్రకారం.. ఏటా మిలియన్ల కొద్దీ పిల్లులు, కుక్కులు తమ యజమానుల నుంచి తప్పిపోతున్నాయి. లేకపోతే దొంగిలించబడుతున్నాయి. వాటిలో 50 జంతువులలో ఒకటి మాాత్రమే తిరిగి సొంతింటికి చేరుతోంది. పెంపుడు జంతువులకు మైక్రోచిప్ చేయించడం వల్ల ఇలాంటి సమయంలో చాలా ఉపయోగంగా ఉంటుంది. మైక్రోచిప్ ఉన్న జంతువులు తప్పిపోతే గుర్తించడానికి అవకాశం ఉంటుంది.
మైక్రోచిప్ అంటే..
మైక్రోచిప్ అనేది పెంపుడు జంతువులకు ఐడీగా పనిచేస్తుంది. దానిలో యజమాని వివరాలు, ఫోన్ నంబర్ ఉంటాయి. వీటిని టీకా మాదిరిగా ఇంజెక్షన్ తో జంతువుల చర్మం లోపల అమర్చుతారు. వీటివల్ల ఎలాంటి ఇబ్బందులు, సైడ్ ఎఫెక్టులు ఉండవు. తప్పిపోయి రోడ్లపైన తిరుగుతున్న జంతువులను అధికారులు గుర్తించి సంరక్షణ కేంద్రానికి తీసుకువెళతారు. అక్కడ ఈ మైక్రోచిప్ ను స్కాన్ చేసి యజమానుల వివరాలను గుర్తించే అవకాశం ఉంటుంది. మైక్రోచిప్ అనేది జంతువులను బట్టి మారుతూ ఉంటుంది. వీటిని అమర్చడానికి జంతువుకు మత్తు మందు ఇవ్వాల్సిన అవసరం ఉండదు. సులువుగా, వేగంగా ఆ ప్రక్రియ పూర్తవుతుంది.
మరిన్ని టెక్నాలజీ వార్తల కోసం క్లిక్ చేయండి..
