Video: ఒలిపింక్స్లో పతకం గెలిచాడు.. కట్చేస్తే.. సెలబ్రేషన్స్లో ఊహించని షాక్.. ఏమైందంటే?
Paris Olympics 2024: ఒలింపిక్స్ 2024 ఫ్రాన్స్ రాజధాని పారిస్లో జరుగుతున్న సంగతి తెలిసిందే. ఈసారి ఒలింపిక్స్లో 10,500 మందికిపైగా అథ్లెట్లు పాల్గొంటున్నారు. ఈ అథ్లెట్లు తమ దేశం కోసం పతకాలు సాధించడంపై దృష్టి పెడుతున్నారు. ఇదిలా ఉంటే.. పతకం గెలిచిన తర్వాత ఓ దేశానికి చెందిన ఓ క్రీడాకారుడు తన సంతోషం కొద్ది క్షణాల్లోనే బాధను మిగుల్చుకున్నాడు.
![Video: ఒలిపింక్స్లో పతకం గెలిచాడు.. కట్చేస్తే.. సెలబ్రేషన్స్లో ఊహించని షాక్.. ఏమైందంటే?](https://images.tv9telugu.com/wp-content/uploads/2024/08/adil-osmanov-video.jpg?w=1280)
Paris Olympics 2024: ఒలింపిక్స్ 2024 ఫ్రాన్స్ రాజధాని పారిస్లో జరుగుతున్న సంగతి తెలిసిందే. ఈసారి ఒలింపిక్స్లో 10,500 మందికిపైగా అథ్లెట్లు పాల్గొంటున్నారు. ఈ అథ్లెట్లు తమ దేశం కోసం పతకాలు సాధించడంపై దృష్టి పెడుతున్నారు. ఇదిలా ఉంటే.. పతకం గెలిచిన తర్వాత ఓ దేశానికి చెందిన ఓ క్రీడాకారుడు తన సంతోషం కొద్ది క్షణాల్లోనే బాధను మిగుల్చుకున్నాడు. ఈ అథ్లెట్ మోల్డోవాకు చెందిన ఆదిల్ ఉస్మానోవ్. అతను తన జూడో కెరీర్లో అత్యంత కీలకమైన విజయాన్ని సెలబ్రేట్ చేసుకుంటున్న సమయంలో ఊహించని సంఘటన చోటు చేసుకుంది.
24 ఏళ్ల ఒస్మానోవ్, పారిస్ 2024 ఒలింపిక్ గేమ్స్లో 73 కిలోల జూడో వెయిట్ విభాగంలో ఇటలీకి చెందిన మాన్యుయెల్ లాంబార్డోను ఓడించి కాంస్య పతకాన్ని జులై 29, సోమవారంనాడు గెలుచుకున్నాడు. అయితే, ఒక ప్రమాదం అతని ఈ విజయాన్ని బాధగా మిగిల్చింది. మ్యాచ్ స్కోర్ ప్రకటించిన కొద్ది సెకన్ల తర్వాత, ఉస్మానోవ్ గెలుపొందడంతో సెలబ్రేట్ చేసుకోవడానికి చేతులు పైకెత్తడం ప్రారంభించాడు. నివేదికల మేరకు అతని ఈ సెలబ్రేషన్స్లో చిన్న పొరపాటు జరిగింది. తన చేతిని అటు, ఇటు తిప్పుతున్న సమయంలో.. తన భుజం పట్టేసింది. దీంతో చాలా బాధతో కనిపించాడు.
వైరల్ వీడియో..
NEW: Olympic judo star Adil Osmanov from Moldova dislocates his shoulder while celebrating after winning a bronze medal in Paris.
Osmanov was seen punching the air when his arm popped out of his socket.
Osmanov says he was advised by doctors to undergo surgery on the shoulder… pic.twitter.com/qfQRxwtsqS
— Collin Rugg (@CollinRugg) July 31, 2024
ఈ మేరకు ఆయన వేడుకకు సంబంధించిన వీడియో సోషల్ మీడియాలో వైరల్గా మారింది. ఇది నీలం రంగు దుస్తులు ధరించిన జూడోకాను చూపిస్తుంది. నొప్పితోనే పతకం అందుకున్నాడు. కాగా, 2024 ఒలింపిక్స్లో మోల్డోవా ఇప్పటివరకు మొత్తం రెండు పతకాలు సాధించగా, రెండూ కాంస్యం కావడం గమనార్హం. అతను జూడోలో ఈ రెండు పతకాలను గెలుచుకున్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..