Cristiano Ronaldo: రొనాల్డో ముంగిట భారీ డీల్.. ఫుట్‌బాల్ చరిత్రలోనే అత్యధికం.. ఎన్ని కోట్లో తెలుసా?
ఇంగ్లీష్ క్లబ్‌తో అతని ఒప్పందం వచ్చే ఏడాది జూన్‌తో ముగుస్తుంది. వారు కోరుకుంటే పొడిగించే ఛాన్స్ ఉంది. దీని తర్వాత కూడా, 37 ఏళ్ల ఫుట్‌బాల్ క్రీడాకారుడు ఇటీవల బదిలీ విండోలో ఒక రిక్వెస్ట్ చేసినట్లు వార్తలు వచ్చాయి.
పోర్చుగల్ కెప్టెన్ క్రిస్టియానో రొనాల్డోకు సౌదీ అరేబియాలోని ఓ క్లబ్ 300 మిలియన్ యూరోల (దాదాపు రూ. 2400 కోట్లు) డీల్ ఆఫర్ చేసింది. నివేదికల ప్రకారం, ఒప్పందం కుదుర్చుకున్న వెంటనే రొనాల్డో ఫుట్‌బాల్ చరిత్రలో అత్యధిక పారితోషికం పొందే ఆటగాడిగా మారనున్నాడు. అయితే ఏ క్లబ్ అతనికి ఇంత పెద్ద డీల్ ఆఫర్ చేసిందనేది మాత్రం వెల్లడించలేదు. అతను కొన్ని రోజుల క్రితం ఇంగ్లీష్ క్లబ్ మాంచెస్టర్ యునైటెడ్ నుంచి ఆడాలని ఉందని పేర్కొన్నాడు. కెరీర్ చివరి దశలో ఉన్న రొనాల్డో, మాంచెస్టర్ యునైటెడ్‌లో విజయం సాధించలేని ఛాంపియన్స్ లీగ్‌లో ఆడాలనే కోరికను వ్యక్తం చేశాడు. కుటుంబ కారణాల వల్ల అతను థాయ్‌లాండ్‌లోని జట్టుతో ప్రీ-సీజన్ శిక్షణలో కూడా భాగం కాలేదు. అయితే రొనాల్డోతో మాట్లాడతానని క్లబ్ కోచ్ ఎరిక్ టెన్ హాగ్ స్పష్టం చేశాడు. క్లబ్ ఇంకా రొనాల్డోను విడుదల చేయలేదు. అతను ఈ సీజన్‌లో జట్టు వ్యూహంలో భాగంగా ఉన్నట్లు చెప్పుకొచ్చారు.
వచ్చే ఏడాది ముగిసిపోనున్న కాంట్రాక్ట్..
ఇంగ్లీష్ క్లబ్‌తో అతని ఒప్పందం వచ్చే ఏడాది జూన్‌తో ముగుస్తుంది. వారు కోరుకుంటే పొడిగించే ఛాన్స్ ఉంది. దీని తర్వాత కూడా, 37 ఏళ్ల ఫుట్‌బాల్ క్రీడాకారుడు ఇటీవల బదిలీ విండోలో ఒక రిక్వెస్ట్ చేసినట్లు వార్తలు వచ్చాయి. దీంతో రొనాల్డో క్లబ్ నుంచి బయటికొస్తున్నట్లు ఎన్నో పుకార్లు వ్యాపించాయి.
రొనాల్డో చెల్సియాకు వెళ్లకపోవచ్చు..
గత వారం ఇంగ్లండ్ ఫార్వర్డ్ రహీమ్ స్టిర్లిన్‌తో ఒప్పందం కుదుర్చుకున్న క్లబ్ చెల్సియా, రొనాల్డోతో ఒప్పందం నుంచి వైదొలిగినట్లు వార్తలు వస్తున్నాయి. అయినప్పటికీ, బేయర్న్ మ్యూనిచ్, అట్లెటికో మాడ్రిడ్ ఇప్పటికీ రొనాల్డోతో ఒప్పందం కుదుర్చుకునే రేసులో ఉన్నాయి.
ఒక సంవత్సరం క్రితం యునైటెడ్‌లో చేరిన రొనాల్డో..
పోర్చుగీస్ స్టార్ ఒక సంవత్సరం క్రితం మాంచెస్టర్ యునైటెడ్‌కు తిరిగి వచ్చాడు. కానీ, అతని రెండవ సీజన్ ఆశించిన స్థాయిలో లేదు. అతను గత సీజన్‌లో ఇంగ్లీష్ క్లబ్ కోసం 18 గోల్స్ చేశాడు. అయితే క్లబ్ ప్రీమియర్ లీగ్‌లో ఆరో స్థానంలో నిలిచింది. ఛాంపియన్స్ లీగ్‌కు అర్హత సాధించడంలో విఫలమైంది.
