Video: అరంగేట్రం మ్యాచ్‌లో కళ్లు చెదిరే ఫీల్డింగ్.. జైస్వాల్ క్యాచ్ చూస్తే వావ్ అనాల్సిందే..

టీం ఇండియా వన్డే జట్టులో ఇద్దరు ఆటగాళ్ళు అరంగేట్రం చేశారు. తొలిసారి వన్డే ఆడుతున్నప్పటికీ.. నాగ్‌పూర్‌లో ఇంగ్లాండ్‌ భారీ షాక్ అదించి, అరంగేట్రంలోనే సత్తా చాటాడు. ఒకానొక సమయంలో భారీ స్కోరు సాధించే మూడ్‌లో కనిపించిన ఇంగ్లాండ్ జట్టుకు, టీమిండియా తరఫున అరంగేట్రం చేసిన ఇద్దరు ఆటగాళ్ళు – యశస్వి జైస్వాల్, హర్షిత్ రాణా కోలుకోలేని విధంగా దెబ్బ కొట్టారు. హర్షిత్ వేసిన బంతిని యశస్వి క్యాచ్ పట్టిన విధానం చూస్తే.. మెచ్చుకోకుండా ఉండలేదరంతే. ఈ క్యాచ్‌తో మ్యాచ్ గమనమే మారిపోయింది. ఆ తర్వాత ఇంగ్లాండ్ స్కోరు బోర్డు కొంత నియంత్రణలోకి వచ్చేలా చేశారు.

బెన్ డకెట్‌ను పెవిలియన్ చేర్చిన ఇద్దరు అరంగేట్రం ఆటగాళ్ళు..

Excellent Run-out 👍 Sensational Catch 👌

Some fielding magic from #TeamIndia! 🪄 🙌

Follow The Match ▶️ https://t.co/lWBc7oPRcd#INDvENG | @ShreyasIyer15 | @ybj_19 | @IDFCFIRSTBank pic.twitter.com/lOp9r6URE4

— BCCI (@BCCI) February 6, 2025

ఇంగ్లాండ్ ఇన్నింగ్స్‌కు ఫిల్ సాల్ట్, బెన్ డకెట్ బలమైన ఆరంభాన్ని ఇచ్చారు. ఓపెనర్లు ఇద్దరూ స్కోరు బోర్డును వేగంగా పెంచుతూ కనిపించారు. కానీ, వారి సమన్వయ లోపానికి తగిన మూల్యం చెల్లించుకోవాల్సి వచ్చింది. ఫలితంగా ఫిల్ సాల్ట్ రనౌట్ అయ్యాడు. అయితే, బెన్ డకెట్ రూపంలో డాషింగ్ బ్యాట్స్‌మన్ ఇంకా క్రీజులోనే ఉన్నాడు. బెన్ డకెట్ అనే ఈ ముప్పును తొలగించే పని టీమిండియాకు చెందిన ఇద్దరు అరంగేట్ర ఆటగాళ్ళు తీసుకున్నారు.

కళ్లు చెదిరే క్యాచ్..

జైస్వాల్ తన మొదటి మ్యాచ్‌లోనే సత్తా చాటాడు. అద్బుతమైన ఫీల్డింగ్‌తో ఇంగ్లండ్ డేంజరస్ ప్లేయర్‌ను పెవిలియన్ చేర్చాడు. వెనుకకు పరిగెత్తుతూ, రెండు చేతులతో అద్బుతంగా క్యాచ్ అందుకున్నాడు. ఈ వీడియో ప్రస్తుతం సోషల్ మీడియాలో తెగ వైరలవుతోంది.

మరిన్ని క్రీడా వార్తల కోసం ఇక్కడ క్లిక్ చేయండి..