World Cup 2023: ప్రపంచకప్‌ ముంగిట దక్షిణాఫ్రికాకు భారీ షాక్‌.. స్వదేశానికి కెప్టెన్‌ బవుమా.. కారణమిదే

అక్టోబరు 5 నుంచి ప్రారంభం కానున్న ప్రతిష్ఠాత్మక ప్రపంచకప్ కోసం అన్నీ జట్లు భారత్‌లో అడుగుపెడుతున్నాయి. ప్రపంచకప్ లీగ్ రౌండ్ ప్రారంభానికి ముందు వార్మప్ మ్యాచ్‌లు జరగనున్నాయి. అన్ని జట్లు రెండేసి వార్మప్ మ్యాచ్‌లు ఆడనున్నాయి. సెప్టెంబరు 29 నుంచి ప్రాక్టీస్ మ్యాచ్‌లు ప్రారంభమై మూడు రోజుల పాటు కొనసాగనున్నాయి.

Temba Bavuma

Basha Shek |

Updated on: Sep 28, 2023 | 5:59 PM

అక్టోబరు 5 నుంచి ప్రారంభం కానున్న ప్రతిష్ఠాత్మక ప్రపంచకప్ కోసం అన్నీ జట్లు భారత్‌లో అడుగుపెడుతున్నాయి. ప్రపంచకప్ లీగ్ రౌండ్ ప్రారంభానికి ముందు వార్మప్ మ్యాచ్‌లు జరగనున్నాయి. అన్ని జట్లు రెండేసి వార్మప్ మ్యాచ్‌లు ఆడనున్నాయి. సెప్టెంబరు 29 నుంచి ప్రాక్టీస్ మ్యాచ్‌లు ప్రారంభమై మూడు రోజుల పాటు కొనసాగనున్నాయి. ఇలా వార్మప్ మ్యాచ్‌లకు ముందు భారత్‌కు చేరుకున్న దక్షిణాఫ్రికా జట్టుకు పెద్ద షాక్ తగిలింది. టెంబా బావుమా నేతృత్వంలోని ఆఫ్రికన్ జట్టు అక్టోబర్ 25న భారత్‌కు చేరుకుంది. అయితే భారత్‌లో దిగిన రెండు రోజుల్లోనే టీమిండియా కెప్టెన్ టెంబా బావుమా తన స్వదేశానికి చేరుకున్నట్లు సమాచారం. కుటుంబ కారణాల వల్ల టెంబా బావుమా దక్షిణాఫ్రికాకు వెళ్లాడని తెలుస్తోంది. రెండు జట్టు వార్మప్ మ్యాచ్‌లకు కూడా అందుబాటులో ఉండడని సమాచారం. దక్షిణాఫ్రికా తమ తొలి వార్మప్ మ్యాచ్‌ను సెప్టెంబర్ 29న ఆఫ్ఘనిస్థాన్‌తో, అక్టోబర్ 2న న్యూజిలాండ్‌తో రెండో వార్మప్ మ్యాచ్ ఆడనుంది. ఆతర్వాత సౌతాఫ్రికా తొలి మ్యాచ్ శ్రీలంకతో జరుగనుంది. అక్టోబర్ 7న మ్యాచ్ జరగనుంది. కాగా, తెంబా బావుమా స్వదేశానికి వెళ్లిపోవడంతో దక్షిణాఫ్రికా జట్టు కెప్టెన్సీ బాధ్యతలను ఐడన్ మర్కరమ్‌కు అప్పగించారు.

కాగా దక్షిణాఫ్రికా కెప్టెన్‌ తెంబా బవుమా ప్రస్తుతం సూపర్‌ ఫామ్‌లో ఉన్నాడు. ముఖ్యంగా వన్డే ఫార్మాట్‌లో ఈ ఏడాది అతను పరుగుల వర్షం కురిపించాడు. ఇప్పటి వరకు ఆడిన 10 మ్యాచ్‌లలో 104.08 స్ట్రైక్‌రేటుతో అద్భుత ఇన్నింగ్స్‌లు ఆడాడు. గత తొమ్మిది వన్డేల్లో అతను ఏకంగా మూడు సెంచరీలు సాధించడం విశేషం. మరో మ్యాచ్‌లో కేవలం పది పరుగుల తేడాతో సెంచరీ జార్చుకున్నాడు. ఇలాంటి టైమ్‌లో బవుమా లేకపోతే దక్షిణాఫ్రికా జట్టుకు పెద్ద ఎదురుదెబ్బేనని చెప్పుకోవచ్చు.

ఇవి కూడా చదవండి

దక్షిణాఫ్రికా ప్రపంచకప్ జట్టు:

టెంబా బవుమా (కెప్టెన్‌), డికాక్‌, రీజా హెండ్రిక్స్‌, వాండర్‌డసెన్‌, మార్‌క్రమ్‌, క్లాసెన్‌, మిల్లర్‌, మార్కో జాన్సన్‌, లుక్వాయో, కొయెట్జీ, కేశవ్‌ మహరాజ్‌, షంసి, ఎంగిడి, రబాడ, లిజార్డ్‌ విలియమ్స్‌