INDW vs NEPW: హ్యాట్రిక్ విజయంతో సెమీస్ చేరిన భారత్.. టోర్నీ నుంచి ఆ 2 జట్లు ఔట్..
India Women vs Nepal Women, 10th Match, Group A: శ్రీలంకలోని రంగి దంబుల్లా స్టేడియంలో మహిళల ఆసియా కప్ 2024లో 10వ మ్యాచ్లో డిఫెండింగ్ ఛాంపియన్స్ టీమ్ ఇండియా గ్రూప్ దశలో తమ చివరి మ్యాచ్లో 82 పరుగుల తేడాతో నేపాల్ను ఓడించి అజేయంగా సెమీస్లోకి ప్రవేశించింది.
India Women vs Nepal Women: శ్రీలంకలోని రంగి దంబుల్లా స్టేడియంలో మహిళల ఆసియా కప్ 2024లో 10వ మ్యాచ్లో, డిఫెండింగ్ ఛాంపియన్స్ భారత్ తమ చివరి గ్రూప్ మ్యాచ్లో 82 పరుగుల తేడాతో నేపాల్ను ఓడించి అజేయ జట్టుగా సెమీ-ఫైనల్లోకి ప్రవేశించింది. లీగ్ రౌండ్లో ఆడిన మూడు మ్యాచ్ల్లోనూ గెలిచిన హర్మన్ప్రీత్ కౌర్ జట్టు పాయింట్ల పట్టికలో అగ్రస్థానంలో కొనసాగుతోంది. రెండో ర్యాంక్లో ఉన్న పాకిస్థాన్ జట్టు ఆడిన మూడు మ్యాచ్ల్లో 2 మ్యాచ్లు గెలిచి, 1 మ్యాచ్లో ఓడిపోయింది. దీని ద్వారా పాకిస్థాన్ కూడా గ్రూప్లో రెండో జట్టుగా సెమీఫైనల్కు అర్హత సాధించింది.
షఫాలీ తుఫాన్ బ్యాటింగ్..
ఈ మ్యాచ్లో కెప్టెన్ హర్మన్ప్రీత్ కౌర్కు విశ్రాంతినిచ్చింది. ఈ మ్యాచ్లో స్మృతి మంధాన టీమిండియాకు కెప్టెన్గా వ్యవహరించింది. టాస్ గెలిచి తొలుత బ్యాటింగ్ చేసిన టీమిండియా 20 ఓవర్లలో 3 వికెట్ల నష్టానికి 178 పరుగులు చేసింది. జట్టులో ఓపెనర్ షెఫాలీ వర్మ తుఫాన్ ఇన్నింగ్స్ ఆడింది. షెఫాలీ వర్మ 48 బంతుల్లో 12 ఫోర్లు, 1 సిక్స్తో 81 పరుగులు చేసింది. ఈ మ్యాచ్లో షెఫాలీ వర్మతో కలిసి దయాళన్ హేమలత 5 ఫోర్లు, 1 సిక్స్ సాయంతో 47 పరుగులు చేసింది. చివర్లో, జెమీమా రోడ్రిగ్స్ అజేయంగా 28 పరుగులు చేసింది.
నేపాల్ బ్యాటింగ్ వైఫల్యం..
బౌలింగ్ తర్వాత బ్యాటింగ్లోనూ నేపాలీ జట్టు ఓడిపోయింది. 179 పరుగుల విజయలక్ష్యంతో బరిలోకి దిగిన నేపాల్ జట్టు 20 ఓవర్లలో 9 వికెట్ల నష్టానికి 96 పరుగులు మాత్రమే చేయగలిగింది. భారత్ తరపున చక్కటి బౌలింగ్ చేసిన దీప్తి శర్మ 4 ఓవర్లలో 13 పరుగులిచ్చి 3 వికెట్లు పడగొట్టింది. అదే సమయంలో అరుంధతి రెడ్డి, రాధా యాదవ్ చెరో 2 వికెట్లు తీశారు.
సెమీఫైనల్కు భారత్-పాకిస్థాన్..
భారత్, పాకిస్థాన్, నేపాల్, యూఏఈ జట్లు ఒకే గ్రూపులో ఉన్నాయి. ఇందులో టీం ఇండియా ఆడిన అన్ని మ్యాచ్లు గెలిచి పాయింట్ల పట్టికలో 6 పాయింట్లతో అగ్రస్థానంలో కొనసాగుతోంది. 3 మ్యాచ్ల్లో 2 గెలిచిన భారత్తో పాక్ జట్టు ఓటమిని చవిచూడాల్సి వచ్చింది. దీంతో పాయింట్ల పట్టికలో 4 పాయింట్లతో రెండో స్థానాన్ని కైవసం చేసుకుంది. అదే సమయంలో నేపాల్ మూడు మ్యాచ్ల్లో 1 విజయంతో మూడో స్థానంలో ఉంది. మరోవైపు యూఏఈ జట్టు మూడు మ్యాచ్ల్లోనూ ఓటమి చవిచూసింది. తద్వారా జాబితాలో తొలి రెండు స్థానాల్లో నిలిచిన భారత్, పాకిస్థాన్లు సెమీఫైనల్లోకి ప్రవేశించగా, నేపాల్, యూఏఈలు టోర్నీ నుంచి నిష్క్రమించాయి.
మరిన్ని క్రీడా వార్తల కోసం ఇక్కడ క్లిక్ చేయండి..