Video: కోహ్లి పేరు వినగానే ఉలిక్కిపడిన గంభీర్.. ఫ్యాన్స్ దెబ్బకు మరోసారి బుక్కయాడు.. వైరల్ వీడియో
Virat Kohli vs Gautam Gambhir: విరాట్ కోహ్లీతో గొడవ జరిగి 48 గంటలు కూడా పూర్తికాకపోవడంతో గౌతమ్ గంభీర్ మళ్లీ రెచ్చిపోయాడు. సోషల్ మీడియాలో మరో కొత్త చర్చకు దారి తీశాడు. కాగా, నిన్న జరిగిన చెన్నై సూపర్ కింగ్స్‌తో జరిగిన పోరులోనూ కోహ్లి ఆవేశానికి బలయ్యాడు.
Updated on: May 04, 2023 | 5:18 PM
విరాట్ కోహ్లీతో గొడవ జరిగి 48 గంటలు కూడా పూర్తికాకపోవడంతో గౌతమ్ గంభీర్ మళ్లీ రెచ్చిపోయాడు. సోషల్ మీడియాలో మరో కొత్త చర్చకు దారి తీశాడు. కాగా, నిన్న జరిగిన చెన్నై సూపర్ కింగ్స్‌తో జరిగిన పోరులోనూ కోహ్లి ఆవేశానికి బలయ్యాడు. మే 1న, IPL 2023 43వ మ్యాచ్ రాయల్ ఛాలెంజర్స్ బెంగళూరు వర్సెస్ లక్నో సూపర్ జెయింట్స్ మధ్య జరిగింది. ఈ మ్యాచ్‌లో బెంగళూరు 18 పరుగుల తేడాతో విజయం సాధించింది.
మ్యాచ్ ముగిసిన తర్వాత మైదానంలో వాతావరణం వేడెక్కింది. కోహ్లి, గంభీర్ ముఖాముఖిగా గొడవకు దిగారు. ఇద్దరి మధ్య తీవ్ర వాగ్వాదం జరిగింది. కేఎల్ రాహుల్ సహా మిగిలిన ఆటగాళ్లు వీరిద్దరినీ విడదీసేందుకు ప్రయత్నించారు. అయితే, ఈ గొడవ జరిగి 48 గంటలు కూడా కాలేదు. గంభీర్ మళ్లీ సహనం కోల్పోయాడు.
కోహ్లీ పేరుతో నినాదాలు..
45వ మ్యాచ్‌లో చెన్నై సూపర్ కింగ్స్‌తో లక్నో తలపడింది. అయితే వర్షం కారణంగా మ్యాచ్ రద్దయింది. ఈ మ్యాచ్ తర్వాత, గంభీర్ వీడియో ఒకటి వైరల్ అవుతోంది. అందులో అభిమానులు అతనిని ఆటపట్టించడం కనిపిస్తుంది. లక్నో మెంటర్ గంభీర్ మెట్లు ఎక్కుతుండగా, స్టాండ్స్‌లో ఉన్న కొందరు కోహ్లీ పేరును జపించడం ప్రారంభించారు.
This is brutal ragging from the crowd. ? #LSGvsCSK #ViratKohli #GautamGambhir pic.twitter.com/q13QRBdKDS
— ESCN 18 ? (@EddyTweetzBro) May 4, 2023
తనను తాను నియంత్రించుకోలేకపోయిన గంభీర్..
ఆ తర్వాత గంభీర్ రియాక్షన్ ప్రస్తుతం వైరలవుతోంది. ఆటగాళ్లు తరచూ ఇలాంటి వాటిని పట్టించుకోకుండా ప్రయత్నిస్తుంటారు. కానీ, కోహ్లీ పేరు వినగానే గంభీర్ తనను తాను నియంత్రించుకోలేక అభిమానుల వైపు చూస్తూ మెట్లు ఎక్కడం ప్రారంభించాడు. అంతే కాదు, లోపలికి వెళ్లే ముందు, కొన్ని సెకన్ల పాటు ఆగి అభిమానుల వైపు కోపంగా చూడటం కూడా కనిపించింది. కోహ్లీ పేరుపై గంభీర్ స్పందించిన తీరు వైరల్‌గా మారింది.
మరిన్ని క్రీడా వార్తల కోసం ఇక్కడ క్లిక్ చేయండి..
