Sourav Ganguly: వామ్మో.. ఒక్కో ఎపిసోడ్‌కి లక్షల్లో రెమ్యూనరేషన్.. ‘దాదాగిరి’ రియాలిటీ షో క్రేజ్ మాములుగా లేదుగా..

Sourav Ganguly Remuneration For Dadagiri Reality Show: టీమిండియా మాజీ క్రికెటర్, బీసీసీఐ అధ్యక్షుడు సౌరవ్ గంగూలీ ప్రస్తుతం క్రికెట్ వ్యాఖ్యాతగా కనిపిస్తున్నారు. దీనితో పాటు, అతను బెంగాలీ టీవీ ఛానెల్‌లో రియాలిటీ షోను కూడా హోస్ట్ చేస్తున్నాడు. సౌరవ్ గంగూలీ 2009 నుంచి ఈ రియాలిటీ షోను హోస్ట్ చేస్తున్నాడు. ప్రస్తుతం రియాలిటీ షో పదవ సీజన్‌ను హోస్ట్ చేస్తున్నాడు. బెంగాల్‌లో సినీ నటుల కంటే ఎక్కువ పాపులర్ అయిన గంగూలీ రియాల్టీ షోకి సహజంగానే టీఆర్‌పీ రేటింగ్ ఎక్కువగా ఉంటుంది. అందుకు తగ్గట్టుగానే ఆ షో హోస్ట్‌గా వ్యవహరించినందుకు గంగూలీకి భారీ జీతం వస్తుంది. ఆ షో పేరు ‘దాదాగిరి’.

సౌరవ్ గంగూలీ 2009 నుంచి ‘దాదాగిరి’ అనే రియాల్టీ షోకి హోస్ట్‌గా వ్యవహరిస్తున్నారు. ఇది పశ్చిమ బెంగాల్‌లోని వివిధ జిల్లాల నుంచి పోటీదారులను ఎంపిక చేసే క్విజ్ షో. ఈ క్విజ్ షోకి ఫన్నీ యాంగిల్ కూడా ఇస్తుంటారు. ఈ షో ‘కౌన్ బనేగా కరోడ్‌పతి’ వంటి సీరియస్‌నెస్, హాస్యం రెండింటినీ మిక్స్ చేసి నిర్వహిస్తున్నారు. అనేక రౌండ్లు ఉన్న ఈ షోలో ప్రైజ్ మనీ భారీగానే ఉంది. కానీ, సౌరవ్ గంగూలీ షోలో పాల్గొన్న అందరి కంటే ఎక్కువ సంపాదిస్తున్నాడు.

పదో సీజన్ కోసం సౌరవ్ గంగూలీ ఈ షో ద్వారా భారీ మొత్తంలో సంపాదిస్తున్నాడు. ఒక్కో ఎపిసోడ్‌కి గంగూలీకి రూ.50 లక్షల పారితోషికం తీసుకుంటున్నాడంట. ఈ షో ద్వారా సౌరవ్ గంగూలీ నెలకు దాదాపు నాలుగు కోట్ల రూపాయలు జేబులో వేసుకుంటున్నాడు. ఇది బెంగాల్‌లో అత్యంత ప్రజాదరణ పొందిన షో. ఇది వారానికి రెండు రోజులు మాత్రమే ప్రసారం అవుతుంది.

సౌరవ్ గంగూలీ 2009 నుంచి ఈ షోను హోస్ట్ చేస్తున్నాడు. అయితే మూడవ సీజన్‌లో గంగూలీ స్థానంలో బెంగాలీ బాలీవుడ్ నటుడు మిథున్ చక్రవర్తి వచ్చారు. కానీ అతను ఆ సీజన్‌ తర్వాత తొలగించబడ్డాడు. గంగూలీకి తిరిగి వచ్చాడు. గంగూలీ కాస్త సీరియస్ స్వభావాన్ని కలిగి ఉన్నప్పటికీ, కంటెస్టెంట్స్‌తో లైట్ జోకులు వేస్తుంటాడు.